聯邦皇宮 (已結業)

食物質素：花款多，有燒味、小菜，點心、甜品、炒粉面飯，即叫即煮飲品：汽水、柑桔檸蜜、啤酒任飲收費：公道，$98+10%冇茶芥，8:30pm平$10，6位送1位環境：靚，有落地玻璃同水晶燈，好靚服務：有禮貌，好過好多酒樓

星期日返完church近近地和外國回來的relative來這兒食飯，吃到一肚火。我一直對這家酒家沒甚麼好感，次次去吃都不好吃，五月底來過我去飮後更覺垃圾，但大家都要來（附近無choice，潮客又是很多人），我也沒辦法。我們8個人，當然要等久一點，但實在久得過分，過多小時後，知客竟然飛了我們的number！頂！她話同一顔色的飛也分2條lane排！痴,你講晒啦!你鍾意點都得啦！最後也算分到張桌，哈，有無搞錯，8人比張小圓桌！我數過全場這款桌最多坐5人呀！不知所謂！仲要附近都是桌貼桌（2呎!）,逼死啦，逼到人掂人呀，筷子撞筷子，連點心籠也要疊起！d人爲做生意乜都得！張桌原本得四張chair同餐具，d waiter仲好似盲咁，都唔幫手拿chair、唔加位！乜服務態度呀？是你們的知客編我們坐的，痴！o嘴!食物方面，$24大點，大佬，這兒不知何解可收那麼貴？無道理！完全不值，你說食物普通，環境也可補救，但這兒兩者都不成呀，黑店呀！後來，家人因家事心情不好，已沒叫東西吃，我跟表弟後來也早走了，全都沒吃甚麼。就算再留在那兒也沒有東西想吃，根本就不好吃！我只吃了“咸菜豬肚”的三塊咸菜、一個凍的奶黃流沙包

每年指定動作─拜山後與家人來飲茶. 不是因為這裏環境好食物好,純粹因為同場沒甚麼其他選擇(聘珍樓是更貴和選擇少). 假期早上十點幾,一行五人很輕易就拿到位,點心紙上都是大路傳統點心,無驚喜之餘發現原來都幾貴,頂點要三十幾蚊,而且很多較吸引的選擇都被列作"廚部"點心(要約三十蚊一碟),價錢拍得住好彩鴻星. 要是貴得有價值也不緊要,但試了好幾款最基本的叉燒包、蝦餃、素菜粉果、蝦腸、鳳爪等等也是行貨貨色,街坊酒樓收費還可以,但這個價位就真是有點那個. 三十多元的咸菜豬肚更不濟,咸菜過淋豬肚有怪味一點胡椒香也沒有,媽咪自己煮也出色好多. 服務也不見得好,每次都要叫幾次才添茶,結果只叫點心沒有叫炒粉麵也差不多四百元埋單,即七十多元一位. 超級唔抵的一餐.

一家人星期日去食飯.左八個菜.有海斑一條.乾扁四季豆.西蘭花帶子.乳豬拼盤.菜雞.清炒菜芯.另有二個菜已忘記係乜.除左海班可以之外.其它真赫我一跳.先係乳豬拼盤.乳豬肥.叉燒瘦到乾.菜雞係凍.清炒菜芯變清烚菜芯.冇味道及煮到黃晒.西蘭花帶子尚算ok.最精境就係碟乾扁四季豆.四季豆烚到淋晒.d肉碎唔香口.一見到就唔想食.諗住試下.即刻冇晒胃口.好似有d益味.唔識講.總之極劣. 埋單唔平.八百幾蚊.絕對唔會再去呢間聯邦.

book o左房食爸爸節dinner, 一行廿幾三十人, 有大有細, 国藉都有幾個。一去到, 勁大陣煙味, d抽風好唔掂, 成晚臭到嘔呀!! 爆憎lor ,我!!!d service 好一般啦, waiters 唔夠醒目, 要叫sin 識加水。好喇, 到d food 喇, 一個字: 差! 最好食竟然係紅豆沙!? 你估我o黎食dessert ga 咩!1) 拚盆: 太凍, d 油仲要結o左o係碟底一'浸' o甘, 好核突......2) 芝士「焗」大蝦皇: 完全feel 唔到佢有「焗」過lor, 只係淋d 芝士汁上d 蝦同麵上面ja ma! 味道一般。3) 貴妃蚌雞肉炒西芹: 屋企feel, 無咩特別, 唔難食o既。4) 水蜜桃海鮮卷: 海鮮? 好似only 得舊桃同d salad 醬ja wor.....5) 雞絲「排翅」: 講你都唔信, 我覺得樓下$10 一碗o個d「翅」會多料過佢lor, d 雞絲仲要好似係齌o個d o甘lor, 一定唔係真o既雞!!! 過份!!! 仲有呀, d 「排翅」wor......... 好似手指夾o甘大ga ja!! 真係食到我o 哂咀...... 個豆

首先為經常打錯荷'李'活致歉, 原來係'荷里活', 搭車經過時, 讀者可以睇下佢商場外巨字可以證實.對聯邦至深印象就係樓底超高, 再加上希臘式巨柱, 配以燈光效果, 呢種裝修, 實非一般中式酒樓可比擬, 要是食平, 呢度可能比較困難, 但要是洗錢但食得開心, 呢度會係好選擇, 去過兩次, 完全符合本小狗食三大要求, 呢間可以多去, 反正合心意酒樓, 區內不多.

細表弟既滿月酒就係響le 度，佢既味道都唔錯~~~而且菜式都比一般中式酒樓創新~~好似有類似葡汁大蝦咁~~~都唔錯

昨天一行三人(all girls) 去0左聯邦食,冇0左任食, 變0左每碟$28, $38 0既小菜(當然有0的貴少少0既), 昨天叫0左:白飯魚菜甫抄蛋($28)--呢個餸0係酒樓食唔算特別菜色, 但係我地覺得幾好味日式紫菜炸豆腐($28,唔太肯定個名)--有個酸酸地0既汁跟, 就咁食就麻麻, 點埋汁都ok gei另一個唔記得係咩, 係用塊生生菜同底, 上面加0的蛋白,粟米粒,鮮蝦($68)-- 呢個我覺得幾好食, 但我個fd 唔鍾意食酸辣湯and 菠菜xx羹(各$28)以上係一碗價錢, 但係可以分到三小碗酸辣湯好辣, 食食0下食唔到lu, 辣得濟另一個好好味甜品叫0左楊枝金露同豆漿湯丸(各$10)楊枝金露好好味個湯丸麻麻, 個豆漿絕對唔似lor..好似奶水咁...粒湯丸冇乜特別加個白飯, 埋單$280, 都算ok 低下次同屋企人食多次先

服務：閒日晚上8點去食, 好少人, 所以服務唔錯, 快手得o黎冇一種催促感。氣氛：唔多人, 幾清靜, 有電視睇, 感覺好似自己兩公婆響屋企食飯咁。評語：不嬲都好少兩公婆去酒樓晚飯, 因為人少, 可以食o既dishes唔多, 好悶......呢種餐正好o岩我呢種人。飲品：套餐包任飲(生力/可樂/橙汁)。前菜：每位送鮮蝦沙律同半隻燒乳鴿, 沙律幾好味, 但d蝦好唔掂, 淡而無味。燒乳鴿雖瘦小, 但燒得好香, 正!湯：菜膽翅或燕窩蟹肉冬蓉羹任選其一, 我地每人選一款, 兩個都幾好味!主食：每碟都細細地, 例如沙律汁炸蝦球, 每次order有四隻, o岩晒我呢d又多心又唔食得落太多野o既人。－－最正: 椒鹽九肚魚、XO醬甜豆花枝片、沙律汁炸蝦球(味道好好, 但汁稍多)－－中規中矩: 海蜇頭、西蘭花鮑魚菇、紫蘿炒牛肉－－唔掂: 手撕雞(好"霉")、黃金海鮮卷(炸得好勁, 但唔覺有海鮮, 得一pad沙律汁)甜品：由於已經好飽, 只叫左兩款, 其中芒果布甸好唔掂, 係布甸粉開出o黎而完全冇芒果香味; 紫米露唔錯!結論：佢應該間中會轉餐單, 由於近屋企, 唔想煮飯時可以再試。

中式任點任食自助餐:叫過一次唔叫,因為唔平,最衰係叫左既野好耐先黎,等到火都黎埋,三催四請,有d仲話冇,完全唔抵.小菜晚飯k,不過不失,但星期六日晚冇訂檯就唔駛旨意可以walk in.飲茶:又係麻麻地,美心會好好多. 員工service麻麻.

前陣子,食了餐同學的婚宴.也是魚,雞,翅....以婚宴三十多圍來說,巳經很不錯同學們看來也很滿意.主家選的菜也很合口味.直至最後飯麵來個不好食水餃麵<=真的差得很之後同學們只會用最後吃這水餃麵作評論,完全忘記了之前十多個菜.真替聯邦不值,也希望各酒家們不要忽視最尾的飯麵,甜品,生果.

你都算黑仔, 我屋企人住o係星河名居咁耐....成日去食晚飯, 都無你講得咁差, 咩食蛋殼....又話隻雞有臭味, 你唔曉叫部長換咩...人食你食, 乜得你食得咁差勁??????????

食完真係慶到屎都滾埋！o個晚食小菜，叫五個菜，個賽傍蟹，成碟都有蛋殼，咬到牙都痺埋；子薑雞有陣臭味，又酸又叔，份量係例牌再一半，七十幾蚊；咕嚕炸鱔酸得濟，又唔夠火喉，八十幾蚊；你老闆食個西蘭花帶子，丁屎咁多，全部細細粒，九十八蚊呀！最正常係魚肉通菜，一個最CHEAP 的小菜先最正常，其餘都食到咀歪，真係冇陰公！一路食蛋殼一路聞臭雞，成班FRIEND 都食到口黑面黑，TOTAL 六個人要五百五先落到樓，真係媽叉福星龜頂頂！

西式buffut就成日食, 都食到厭, 但呢間酒樓就長期推出中式任點任食自助餐,星期一至四就抵食,只係$118.00 食2個多小時,有長者咭仲會平一點丫, 張點菜紙共有100個(菜式, 翅湯,蛇羹,糖水,甜點)而且汽水,啤酒果汁任飲, 都有幾多樣係海鮮類, 都算佰多元食到夠.當然要計茶芥加一啦~<br><br>最適合2個至3個人唔知食咩好, 而且呢間酒樓係連鎖, 四圍都可以食到, 唔駛一定來這分店, 有某幾間分店仲有埋火鍋自助餐添~ 但如果來呢荷理活廣場呢間呢, 都有2 間舖打對面, 我就覺得唔駛上樓一層過那間服務好一點丫, 記得!! 星期五,六,日係貴dd 架!!