聯合興食館

营业中

休息中

第一次與家人到聯合興食館， 餐廳主打親民價錢潮州菜， 當日是星期五全場爆滿客人， 看見餐牌上食物種類好多， 有選擇困難症的我樣樣都想食樣樣都想試下。當晚點了十四道菜，包括有紅腸豬紅，菠蘿生炒骨，炒通菜，鹹菜魚，鴛鴦飯， 薑蔥生蠔煲，鹵水鵝片，鹵水鵝掌翼，蠔仔粥，沙爹肥牛炒菜心，炸蠔餅，炸子雞，番茄蝦球炒麵，炒聖子。紅腸豬紅， 豬紅好夠味，紅腸熱辣辣，薄薄一塊易入口又野味。菠蘿生炒骨， 佢哋打冷嘅食物做得唔錯，小菜都做得幾好， 調味剛剛好酸酸甜甜， 夠曬開胃 又唔感覺油膩。炒通菜， 雖然只是一些小菜式，但是夠鑊氣。鹹菜魚， 一送到上枱好快就已經清曬， 原來我屋企人個個都好鍾意食鹹菜的。鴛鴦飯， 真係好好味， 我自己好鍾意食鴛鴦飯平時食下午飯或者去到酒樓都會叫的， 一來鐘意濕濕地易入口， 還一次過可以食到兩隻味道。薑蔥生蠔煲， 生蠔大大粒配搭薑蔥，正！鹵水鵝片， 切得比較薄身所以容易入口， 鹵水嘅味道剛剛好唔算好咸。鹵水鵝掌翼， 好入味， 用嚟送啤酒一流！蠔仔粥， 粥入面有大大粒蠔仔， 每次食潮州嘢必食的一道菜。沙爹肥牛炒菜心， 菜心好新鮮， 沙爹肥牛似沙爹牛扒， 超級大件啊！炸蠔餅， 香

有日係電視見到介紹呢間潮洲食店，睇完就心郁郁走去試下，店内環境光猛，冷氣充足，算是乾淨企理。餐廳晚上六點半多已坐滿食客，非常熱鬧。門口廚窗掛着鹵水鵝及一盆盆鹵水豆腐，又有鹵水蛋、筍蝦、生腸、牙帶魚等，望見就已經覺得吸引!韮菜豬紅，豬紅夠彈囗又入味。花生雞腳併豬手，雞腳和豬手都大大隻而且夠冧身，豬手處理得乾淨冇毛，而且味道濃郁，反而花生就唔多夠冧。八珍豆腐煲 ，煲身唔夠熱，所以所有食材包括豆腐、魷魚、豬潤 、蝦都唔透熱，因而失色，味道亦都略為鹹了點。

友人推介呢間舊式潮州野，星期六一於去試下一黎到就大排長龍，排左大約20分鐘入邊有大枱細枱但環境上比較迫黎到潮州店當然要試下鹵水叫個鹵水拼盤試下先有牛栢葉鵝腸大腸豆腐紅腸鹵水蛋雖然冇鵝片個d，但呢d都係好入味，尤其豆腐而且個汁熱辣辣，十分香同濃郁又一潮州必食---韮菜蜆肉炒得韮菜味十分香，同蜆肉冇沙同爽口再叫左個辣酒煮花螺煮得好入味同香，大大粒不過酒味唔重同冇乜辣味薑蔥魚腩做得幾出色個魚腩炸得脆卜卜，而魚肉好嫩口薑蔥炒得香口同收汁收得好乾身菜遠炒豬雜而家好少地方有豬雜呢到豬雜炒得好爽口，而且唔會好腥不過個汁比較淡少少總括黎講: 呢到食物份量多同質素中上，十分抵食而且潮州特式菜都做得好味怪唔得大排長龍 (聽聞平日都係咁)

平時好少黎到樂富食，但今日落完機番到屋企都好夜，要搵間好味又未收檔嘅鋪頭就搵到呢個了🤔。除左潮州打冷野之外，呢到仲有小炒、海鮮同碟頭野食下👍🏼。一家人食大家口味都唔同，所以咩都叫左啲🤤。潮州打冷野方面，我地叫左個墨魚紅腸，烏頭魚同豬紅。❤️墨魚紅腸熱辣辣，好好食。豬紅好夠味。烏頭魚啲肉好滑。另外我哋叫咗啲粉麵。豉油王炒麵，正！乾濕度啱啱好，又夠味👍🏼。菜遠牛肉撈河😋，肥就肥啲，但係好好食。

香港人喜歡吃潮州嘢，好似座落樂富多年舊式潮州小店聯合興，經常好多街坊捧場，好多時要等位，因價錢不貴，菜色多傳統蠔仔肉碎粥，大大碗，料多粥底靚韮菜豬紅夠彈口味濃咕嚕肉夠肥厚，但比較多油

和朋友相約吃晚飯， 環境都算乾淨 ， 我們隨便點了三碟小菜， 一碟椒鹽豆腐， 半隻薑蔥霸王雞， 一碟xo醬小炒王。椒鹽豆腐炸得外脆內軟， 但可惜沒有椒鹽味道， 薑蔥霸王雞肉質完全沒有味， 要靠豉油來調味，反而 xo醬小炒王炒得尚算ok， 配潮州白粥一起吃很夾

佢每道餸都好淡！叫親外賣，走莞西，冇走！問有冇肉丁炒飯話有，一打開叉燒炒飯！樂富得尼間開得夜，不過我以後食ok7仔都唔食佢！有一次叫左個蠔仔粥，有食全部都係沙！都唔明點解咁多人食

2017最後1晚ge晚餐已經冇咗細個會好想出去倒數、一定要參加party ge心態lu......都係靜靜地同好友一齊吹吓水就算😙😙😙「聯合興」未來老公仔ge飯堂🤣🤣🤣約人食飯唔知食咩⋯⋯佢就會話去樂富打冷😂😂😂1行3人韭菜豬紅豬紅彈牙又入味👍🏻👍🏻👍🏻最後1日就啤啤佢啦🍻🍺炸蠔餅我超愛🤤🤤🤤椒鹽魷魚脆卜卜又夠乾身唔會好油😋😋😋食唔停口🙈🙈🙈沙嗲牛肉粉絲煲叫得太多食唔哂🤦🏻‍♀️🤦🏻‍♀️🤦🏻‍♀️其實仲有個金銀蛋白菜仔超多蛋同個湯好甜😋😋😋總結其實真係好適合好友相聚一齊食多d人食可以食多d款，價錢唔貴，份量又足👍🏻👍🏻👍🏻

在樂富區來說…這個店人氣不錯的，雖然店鋪也不算大，所以人來人往…坐滿又坐滿，食物方面，店鋪門口旁邊的玻璃幕墻上掛滿很多鵝及潮州食物，賣相很吸引，味道還可以，點了個蠔烙，但是味道不太好吃，應該脆口一點比較好。

好多時同D波友係樂富踢完波都會嚟LEE度食宵夜，吹下水講返場波，潮州打冷基本上我哋個個都啱食，近近地的確係好選擇。LEE度唔算難搵位，大枱細枱都有，啱晒我哋，人多D都唔怕。雖然今日只得幾個人，襯記得影咗相介紹下先：滷水什錦拼盤：LEE度同平時食開有D唔同，佢無鵝件，但有牛百葉，即煮熱的，味道唔會太鹹，除咗牛百葉，仲有，紅腸，墨魚，鵝腸，鹵蛋，豆腐等等…　講開豆腐，好入味，正！蠔仔粥：都算乾淨，無砂無殼，全窩清晒，湯都無淨。蠔餅：炸得好鬆化，算多蠔仔肉，雖然有D熱氣，都忍唔住食完再食。筍殼：第一次點，朋友介紹話好正，堅嘅，真係炸得好香口，但係食到魚肉，好熱，好甜，下次會再叫。魚香茄子煲：有D油膩，不過煲仔菜+上茄子，又確係好難唔油嘅，就算飲啤酒清下都食唔晒，不過佢LEE度嘅煲仔都算唔差。整體嚟講，LEE間打冷係唔錯，有獲氣，全部餸都好熱，上菜超快，快… 我最LIKE，仲想介紹下，今次無叫，上次食過炸大腸，夠脆夠熱夠香口，必食，不過今次唔係個個都食內臟，真可惜。

以前呢間自己最鍾意既打冷之一，因為以前係露天，好有大排檔風味，而且食物都係好有鑊氣同好味....但自從早幾年商場裝修，呢間打冷都最終被迫結業，咁岩早排同朋友講起，佢話原來已經重開唔係唔食呀嘛打冷必食當然鹵味啦，今次貪心，咩都想試，所以叫左什拼，有生腸紅腸旦牛百頁鵝腸，大大碟可以試唔同嘅野，不過唔入味，普普通通另外，仲叫左鹵水鵝件，水準依然，好入味，好大碟，底仲有豆腐，豆腐好好味好滑，吸晒鹵水汁，推介~跟住炒蜆，份量好多好大碟，炒得好香有鑊氣，配啤酒一流，但我冇叫最後，椒鹽鮮魷， 有少少失望，因為冇咩味，椒鹽唔夠，面嘅炸蒜太少，份量比係其他細碟左d最後同朋友都覺得好口渴，應該味精重手左但總括黎講，呢到因為感情分原因，我會再返黎比機會佢，下次再試其他

去九龍城做完野都成9點身水身汗，但又唔係好想喺九龍城食有朋友建議搭車落去樂富就係食呢間打冷聽到打冷都滿心歡喜嘅因為我都好鍾意食，尤其是食蠔去到見到個餐牌咩都想食當然因為人唔係太多，得五個人所以都叫唔到好多首先食嘅係蠔仔粥真係超級好味入面啲蠔好多，仲要係好新鮮肉碎同蠔嘅比例啱啱好加埋胡椒粉食真係一流炒蜆相對地鹹咗啲太多醬，同埋都有唔少係空殼下次未必會再叫呢個小炒王唔錯唔係太鹹，啲腰果好好食仲有啲小型白飯魚炒得好惹味椒鹽白飯魚啱啱炸出嚟真係超好食點埋個酸甜醬，冇得頂朋友叫香橙牛仔骨嘅時候我打咗個冷震因為我唔係好鍾意食水果煮嘅嘢但係點知佢做到好好完全冇一種好橙嘅味道令到我愛上左呢味菜整體來講呢間野我覺得相當唔錯有好多野想食但係未叫一定會再返嚟，等我！

身為街坊, 由細食到大, 由佢响食街開始支持, 搬去依家呢度 領滙瘋加租後 的確係貴咗好多好多 同料嘅質量下降咗...但响巿面黎講  都仲係好唔錯~  鵝片質量下降得好明顯, 真係一年比起一年跌... 依家叫做 ok 啦, 瘦得黎香味質感叫仲可以啦, 無咗份軟軟香濃質感 但係 係情意結黎 所以每次必叫~ XD 雞油豆苗 ok, 都有 d 難唔 ok 嘅其實又~ Haha~大眼雞呢, 我明白巿場上餐廳都收得唔平, 呢條係細 size 質感正常啦, 唔係超新鮮哥款彈牙濃肉香, 但係唔腥 都係鍾意食嘅~蠔餅 個蠔餅今次真係好唔得!!! 炸得超過火, 幾乎無蠔呀大佬!!! 辛苦揾到 d, 都係超 mini 的!!! 粉漿溝得一般, 粉感太濃, 太炸, 完全唔想夾第二下... T^T 還我小時回憶呀 呀直!!! 一年無食姐, 跌 watt 成咁嘅!?之前好陣子 keep 住隔晚食, 胡椒豬肚湯 蠔仔粥 漁香茄子 粟米斑腩 淨豬紅 三色蒸水蛋 蒜蓉豆苗 都係我地飛佛黎呀... 嗚呀~~~~~ 我好想食呀!!! 我下次黎 回道要依舊呀, 好嗎!?

樂富本身沒有太多地鋪，經常打完波或做完運動後，商場都關門了，還好有聯合興，特價碟頭飯只要四十多元，又好食又大碟，值得推介!每次都相約好友一齊去，便靚正，好過隔離街m記，食埋d垃圾，又少蚊都唔夠食。

經過樂富一試這間潮式飯店，食飯時間都等左一陣先有位，飯店坐位很迫，晚市人山人海。坐下就點了煲仔飯及鹵水拼盤，煲仔飯夠熱，鹵水拼盤原來沒有鹵水鵝，拼盤有鵝腸，紅腸生腸，柏葉及墨魚，鹵汁比較咸，最後都食唔晒個拼盤。臨走見門口非常多人等位，樂富真係無其他選擇?