影片
🍽️ 聚豪轩（将军澳海翩汇）今晚因为下雨所以打波提早收队食饭，去聚豪轩，结果意外地有惊喜！👀👨👩👧👦 一行六人叫咗个四人套餐 + 孖宝，份量绝对够晒，性价比高达 💯！🦐 卡邦尼虾球伊面：虾球ok，卡邦尼酱香浓但唔腻，伊面挂汁一流。🍲 乌鸡鱼翅炖汤：汤底清澈鲜甜，乌鸡滋补，鸡翅炆得软腍入味，炖得够火喉，暖胃又养身。🐟 清蒸虎斑： 新鲜养鱼， 鱼肉滑嫩，蒸得啱啱好，冇腥味。🥬 蒸滚浸时蔬：简单但唔马虎，蔬菜爽脆，保持原味，清新解腻。🥢 黑醋排骨：酸甜平衡得恰到好处，黑醋香气扑鼻，排骨外层微脆、内里嫩滑，啖啖肉香中带少少开胃刺激感，令人食欲大增！绝对系一道令人眼前一亮嘅功夫菜。🦆 孖宝（片皮鸭 + 上汤虾球伊面）：片皮鸭皮脆肉嫩，配埋薄饼、青瓜、甜面酱一齐食，真系一绝；虾球伊面再出场都冇失手，唔会重复感。🏠 装修方面属于典型酒楼格局，冇乜特别，但干净整洁，坐得舒服。👨🍳 厨艺方面真系值得一赞，近来食过咁多酒楼之中，佢哋嘅出品排得上前列！📍 地址：将军澳唐俊街海翩坊地库1楼11号舖 #将军澳美食 #酒楼推介 #打波后好去处 #性价比高 #片皮鸭必食 # 黑醋排骨必食#港式酒楼 #家庭聚餐推介 🍜🦆🍲🦐
继续阅读
难得复活节假期同屋企人去饮茶 见转咗新酒楼就嚟试吓 一嚟到就有位 仲谂住唔使等咁幸运食物款式已经唔算多 仲要一上枱吓死人 究竟个咸水角放咗几耐 其中一粒黑晒好似俾人打瘀咗咁 其他已经放到唔系胀卜卜 凹到不得了 咁都可以放上枱呢样都算啦 😐谂住牛肉肠粉一定稳阵啦 入边竟然系咬唔开嘅牛筋嚟嘅 真系俾钱买难受 终于深深明白到点解唔使等位 一定唔会再嚟 咁样嘅质素真系不得了 重点系价钱已经唔系平 点心都咁嘅质素 真系唔敢嚟晚市 😵😵😵
继续阅读
是日新年年初三，去酒楼晚餐，谂住开心食饭家人团聚，点知…座位：一行15人（已预约）比张12人枱，无安排足够位，我地去到发现唔够位，最后要部分櫈转圆櫈先坐得哂，好迫好辛苦咁食餐饭。重点，原来成个场无坐满，坐大约1/3-1/2人，其中一张大啲既枱吉左都唔比我地坐。冷气：食餐饭，感觉冻过出边街，啲冷气吹到个人同食物都好冻。服务质素：唔识执生，叫一下先做一下，唔主动收拾同换碟等等，无咩服务可言，5个职员中，只有一个系好。食物：一嚟就上好多𩠌菜，成枱满哂隔几分钟又再出，完全无位上，职员只系想夹硬摆上枱，完全冇谂住帮手转碟等等…食物质素还可，但由于太快推哂啲𩠌菜岀黎，加上冷气太大，好快吹到冻晒都唔好味呢，大打折扣！香港生意已经比以前难做，如果仲系咁嘅表现，好快又会好似海港咁执㗎啦。
继续阅读
开咗几个月，食咗几次，多数饮早茶。早茶大约$60-70一个人，正常价钱，正常味道，件头偏大。粥+炒面假日$36.8孖宝，都多人食。大件夹抵食。早茶虾饺两粒或烧卖两粒，$19.8。煎虾米肠好食，少少脆，跟豉油甜酱麻酱，每次都点。之前有芋蓉稣，好食，但后来无咗，唔知之后有冇。员工有礼，装修干净。普通大众化茶楼，唔好期待有米芝莲级数，帮衬多数系附近街坊，个人觉得同附近几间比，性价比高，如果想饮早茶，系我本人嘅首选。相系几次加埋。
继续阅读