影片
相关文章
今日要去港岛区, 谂起呢间$138任食点心90分钟, 就向星期日晏昼试一试.我订左2点半, 部份点心都沽清左, 不过都试左十几款, 点心纸有以下选择:5款点心系有一件, 虾饺皇, 蟹籽烧卖, 鲍鱼烧卖, 珍珠鸡, 粉果(果日个粉果好似无黎)2款炒粉面: 雪菜肉丝炆米/杨州炒饭同 1款时蔬16款点心: 桂花糕/奶皇包/叉烧包/姜汁糕/春卷/虎皮椒/鸡包仔/牛肉球/金钱肚/咸水角/萝卜糕/芝麻雷沙球/凤爪/红枣糕/排骨/鲜竹卷5款烧味:烧鹅/烧腩仔/叉烧/三黄鸡/豉油鸡7款小食:鸡中翼/多春鱼/茄子/鲮鱼球/凤爪/味菜猪肚/酸姜皮蛋地方就脚向时代广场后面既假日酒店2楼环境都干净阔落，工作人员可以，食物速度可以快D就更好😉整体都可以, 食左十几款点心都算抵食
继续阅读
星期六中午帮衬铜锣湾假日酒店楼上嘅聚盈楼 点心放题九十分钟 十多款点心任食 埋单每位130蚊 可以食到你好饱 不过有以下问题第一 嘢食等好耐先到我哋系第一台客 亦都系坐低即刻落单 整个用餐时间其实找到入面只有十台客 但系漏单嘅情况十分严重 第一轮 十多分钟后嚟到点心正常 但系之后要等成一个钟先有点心 仲要系追侍应单追咗几次先至有反应 第二个问题就系 坐低职员冇同我哋讲到烧味要一个钟头之后先至有供应 于是我哋就喺度白等咗一个钟佢哋先话烧味部staff未返工 其实可以一早同我哋讲定先 他们是做饮食的吗 整体服务系唔错亦都食完好快有人收点心笼 不过好好奇 呢个铜锣湾地段对住时代广场系星期六嘅中午时间竟然只有十台客 真系匪夷所思 唔通因为我都中伏 所以来今日都系勇者 我哋去到差唔多埋单嘅时候烧味先至嚟到 不过质素一般 烧腩肉竟然系隔夜嘅 食咗十几年烧肉第一次食到咁难食嘅烧肉 脆皮块皮一啲都唔脆 一定系隔夜嘅的 等咗好耐嘅鱿鱼须 系一般货色 真系有期望有失望 不过其他点心比较大路嘅 有烧卖凤爪金钱肚 奶黄包 都系比较好 不过对比红磡海云天点心放题呢度真系想得慢 但系唔系因为客人多 我真系唔明白 上次海云天相信有百几个位但系上菜速度好快 虽然都有漏单嘅情况 但系我哋提示落单之后都有到 呢度真系等咗个半钟先至嚟到 食过一次唔会再食 虽然系点心放题 不过有更好嘅选择
继续阅读
老实讲聚盈都系一间大集团仲要喺酒店 入面估计都唔差得去边。其实之前有个食评讲得已经好保留，实情上由头到尾我同朋友都食到妈妈声，走嘅时候仲要系成肚气 。首先今晚 大堂包埸做酒席。 所以安排我哋去一间独立房间只有三枱客 我哋系其中一枱。去到即刻点大闸蟹但系等咗半个钟都未有蟹食， 呢个放题得90分钟任点。按此上蟹速度根本冇可能食到回本。 追了两次，第一轮大闸蟹来到了 却令我哋 非常失望。两只都系灰蟹传出一浸臭味。 翻开背面 还有一些灰白色的黏液 贴住 好核突 。估计应该系极度唔新鲜。 即刻叫经理处理 佢都冇解释任何原因便攞走那两只臭蟹 然后又再等 30分钟才补返。 其中一只质素正常一点另外一只依然是灰灰黑黑的，见到都唔开胃。 𠮶啲蟹其实得三两左右 ，全部都系 乸多膏但系没有鲜味及很实。 应该系蒸得太久了。 既然蟹唔靓又要等，我哋只系靠点心填补空虚的胃。 唔好以为点心平会畀你任食。系可以任点但系上菜速度系由佢哋控制所以你点几多点心都好，佢都会推搪话蒸紧。 好似胡椒猪肚同埋鲍汁鸡脚呢啲应该系预先炆好嘅菜佢都话要等。我哋追咗几次佢才拿了一碟不知什么咸菜 渣宰 出来。 呢间嘢真系冇下次亦都唔明咁嘅食物质素点可以继续生存落去？ 当人傻嘅咩。 我要写出嚟系要提醒想帮衬呢间嘅人做一个参考。如果你只系为咗揾个地方坐下食下点心出面百零蚊嘅质素好过佢好多。 如果你系为咗食大闸蟹更加唔好来因为你会好似我哋一样咁失望同后悔。 真心讲句四百几蚊一餐去东x 或鸿X 畀佢好食m倍啦～
继续阅读
大闸蟹放题任饮汽水啤酒平日晚上跟老公及仔仔去食大闸蟹放题，全晚得我地一台客。服务员态度都好好。服务员有两个，如果我叫野食，要行入另一个近厨房嘅地方揾服务员，基本上佢地会匿埋咗。 食物方面啲大闸蟹只只都爆膏，系size细啲。 任叫嘅食物包括烧腩仔，蜜汁叉烧，榴梿球系冇。连套餐内包嘅烧鹅皇都话冇，要转左做鸡。应该咁讲，除鸡外，所以烧腊都系冇。个大厨炒饭系腊味糯米饭=无味，点解可以冇味?!其实，净系食大闸蟹，饮汽水啤酒，唔介意冇乜服务，可以一试。冇期望，冇失望
继续阅读