影片
营业时间
今日营业
18:00 - 02:00
星期一至日
18:00 - 02:00
以上资料只供参考，请与餐厅确认详情
我同朋友经过外面闻到好香嘅烧烤味，忍唔住就入咗去试食呢间新开串烧店，店内较细，共6张枱，晚上10点后还坐了4枱客，听到楼上好像仲有一层系可以坐房唱K嘅。店员比咗个篮我哋自己拣食物，拣完再比厨房烧，价钱表晒喺menu度，如果每款食物加返食物名称会更好，因为有好多款肉类唔知边款打边款，有几次都要问店员先知系咩嚟。食物味道同店舖装修都几有大陆风味，连隔离几枱客都系大陆同广州人多，食食下见到啲人喺度食烟，我询问店员：可唔可以叫佢哋出返去食烟？ 佢话：我哋呢度系可以食烟嘅 我惊讶问：而家室内比食烟㗎？唔系会罚钱㗎咩？ 之后我见店员有同佢哋讲返。我哋全程一路食就一路吸住二手烟，快啲食完就快啲走，当我走嘅时候见到另一枱又食紧烟，下次我都系买外卖算
继续阅读
今日放工同朋友就脚系长沙湾呢边食晚饭，天气凉左啲就想食啲邪恶野😈所以我哋拣咗食串烧～呢间串烧小店系自助形式，自己拣好晒啲串烧放喺个篮度，然后付款，厨师就会开始烧！我地觉得呢度嘅款式都好多，样样都好想试下，因为朋友唔系好中意海鲜，所以我地主攻肉类同蔬菜：🔸肉类方面我哋叫咗牛仔骨、牛柳粒、牛舌、牛腱、羊架、鸡翼、鸡肾、鸡软骨，我就最中意羊架，好juicy，羊脂又唔会太骚～其他都烧得啱啱好，又香又唔会太干～🔸蔬菜方面就叫咗韭菜、娃娃菜、秋葵、金菇菌，都好正！整体串烧都烧得好好食😍味道适中，唔会太浓味但系又好惹味！另外佢其实仲有啲鸡泡鱼干、生蚝、带子等等，中意食海鲜既又可以试下😎
继续阅读
同朋友仔两个等上堂，梗系去食下野先啦，唔系边有力上堂，揾左呢间串烧店，可以烧烧下慢慢食。好，睇下有咩好食先。呢度系可以自己岀去拣食材架，钟意边只鸡翼边条茄子都可以自己拣，好野！雪柜里面放得整齐卫生。执好就交比店员烧，坐番埋位等食。首先黎左个韭菜、金菇，叫左小辣，韭菜食落冇乜草青味，仲好爽甜。多春鱼肥美多春，鸡软骨劲脆。仲有牛舌、猪腩肉，烧过迫左油份岀黎，食落冇咁腻。生蚝、大元贝，用上海量生熟蒜同葱，我想要碗白饭。蒜蓉茄子呀，系打大佬呀，软绵绵茄子加上蒜蓉，好好味，食完个口好臭都忍唔到食晒。
继续阅读
重口味仔钟意食浓味串烧孜然串串最啱我🤤长沙湾区向来多餐厅今日就比我发现到呢间自助串烧店唔好误会 并唔系任食只系老板会比一个蓝大家想食咩就去冻柜夹简好后就比老板计数🧮同烹调大致都系有肉、丸、蔬菜同海鲜类原条茄子🍆同粟米🌽系我最爱茄子我简咗条最大条嘅重蒜烧完出嚟劲juicy粟米就劲清甜烧娃娃菜就吸收晒啲孜然粉味蒜芯爽脆鲜甜烧鸡全翼同鸡中翼够晒邪恶冻柜拎出嚟时仲见到肥厚嘅鸡皮点知烧完出嚟层皮已经脆卜卜冇晒脂肪平时唔食鸡皮嘅我都唔想放弃烧牛仔骨一份有三大件食落仲keep到牛味又唔会老烧物点少得墨鱼丸同埋肠烧司华力肠劲震撼劲重孜然粉味～肠皮卜卜脆呢度播嘅歌好潮～咁啱天气凉坐门口位超舒服
继续阅读
串吓串吓咁过一晚今日同朋友仔约出嚟食个饭，佢住苏屋𠮶边，我又想去长沙湾买啲嘢，所以嚟左顺宁道食。依间串烧都几干净，完全无大阵烧烤味，走𠮶时都无，就系依点已经抵赞！一开始大家出去两个雪柜选自己想食嘅嘢，望到乜想食就放入篮，俾佢烧，佢会问你食唔食得辣，食得几辣！首先系韮菜串（$13），烧到好靓，仲系好翠绿，食落一啲都唔老，唔会有渣的，少少辣，唔会好咸。三文鱼头（$68）可以点吓芥末豉油增添鲜味，几厚肉吓！烧乳鸽（$62）系原只上，烧到脆卜卜，用手撕开10分滋味。 老细推介我哋食烧莞茜 ($16) ，感觉有啲似烧韭菜，烧完后仲有满满嘅水份喺芫荽内，而且唔会好大阵芫荽味，不是芫荽控的我都接受到。原条粟米 （$28），原条新鲜粟米，搽上一点点牛油和辣椒粉去烧，每粒粟米都食到佢本身嘅甜品。鸡泡鱼干 （$38），搽上少少蜜糖去烧，少少脆，又香口，系种暖暖地嘅高质零食！烧韮菜 （$13）烧到刚好，好juicy，有时去其他食店会好黏牙。墨鱼咀（$25）有8粒咁多，好抵食，食落爽口弹牙， 十分有质感。蒜蓉生蚝 （$35/只），系即开生蚝嚟，依个调味超正，劲浓嘅新鲜蒜蓉同葱粒同蚝嘅海水融合，简直是齿颊留香！这店的老板好热情，不时跟各台的客人聊天，问意见，建议大家边样好食，不时推介，加上诚恳有礼嘅笑容，感好觉很好，唔怪之得听到旁边的两台食客都是第二次第三次来食，大家也感到宾至如归呢！
继续阅读
您可能会有兴趣的...