聯合醫院職員飯堂

营业中

休息中

今次再試聯合醫院餐廳嘅早餐煎雞扒，進步咗少少！雞扒冇雪味，煎得唔算乾，肉質雖然未算嫩滑，但至少可以入口，調味依然偏淡，如果加多少少香草或黑椒會更好。 至於蘿蔔糕，今次冇燶苦味，口感都算實淨，唔會粉散，算係基本合格。不過，最大問題係——完全食唔到臘味香！蘿蔔糕冇臘味粒，就好似奶茶冇茶味一樣，得個「糕」字，淡茂茂，食落去冇層次。 整體來講，今次冇伏味，但亦冇驚喜。如果餐廳肯加返啲臘味同調味，應該會好食好多。**暫時評價：可以一試，但唔好期望太高！

聯合醫院嘅食堂非常之參差食過超級好味嘅口水雞飯當然都有一啲令我非常之「驚喜」嘅lunch今次叫呢個粉麵餐算係不過不失不過嚟得醫院陪人睇醫生真係有啲嘢食落肚就OK 唔會要求太高

去完探病有D餓，就HEA HEA地去醫院飯堂搵野食不過真係估唔到醫院都有好野食，就係西多士經典正方形尺寸，質感厚身且蛋味濃內裡仲有滿滿既花生醬，甜度都恰到好處而且仲係熱既

香港的豬扒包一向比澳門做得差，相信好多吃貨食過都認同。今日响醫院飯堂終於食到人生CP值最低既豬扒包。成個餐只有個包係正常熱，夾住果件豬扒又薄又凍，莫名其妙比室溫還要低。薯條是跟餐的，原味沒灑鹽花，要沾上茄醬才好吃。凍奶茶茶味淡，茶澀味一樣的淡，老麥的港式奶茶比他好喝。餐廳內的下午茶種類不多，選擇少之餘價錢亦不便宜。這個餐要$51.5，毛利之高令人咋舌。

醫院餐廳出名難食🤭 但係竟然發現到有例外！雖然佢擁有一個極度平凡嘅外表，如果expect要打卡嘅話就可能唔太啱lah🙈但係性價比真係極高 ！員工價$8.x就可以買到牛奶奶凍🍮依家醫院餐廳開放返比訪客買啦！！！街客買最多應該都係$15-16😎佢唔係超市買到嗰啲啫喱質地㗎，佢真係好smooth好creamy嘅奶凍黎😋😋仲好重牛奶味 🥛無誇張到 同出面賣緊$20幾$30嗰啲奶凍絕對有得揮🏆而且好大份 極抵食，食完正餐食都未必食得晒😂😂

如果有職員價，聯合醫院嘅野食都幾平，其中海南雞飯最好味，都只係三十幾蚊，佢又有油飯，又有海南雞，仲有中湯飲添。芝麻醬椰菜食落好夾，非常好味；海南雞食落好滑，係上菜前會淋雞汁上去，令到它更加香雞味，非常抵食，有幸福嘅味道。

今次食個四寶飯叉燒乾過90歲呀婆粒蛋硬到可以打乒乓波油雞個皮完全唔光滑唔靚搞到食嘅胃口都冇埋四寶飯真係如果唔係你嗰頹去到極致 想搵野配合你嘅心情都唔太建議叫之前試過啲經濟小炒酸甜魚柳 咕嚕骨嗰啲呢就好食嘅但要等耐小小

自從醫院餐廳由大家樂轉咗做美心從來未試過有咁難食嘅餐廰 每晚啲飯都唔係新鮮煮日日都係隔夜飯翻熱又唔夠熱咁樣我喺病房食病人餐都可以覺得冇問題呢個員工餐廳仲差過病房病人餐難食指數實在令人非常討厭今晚已經特登叫個中湯加落啲飯度 諗住有啲熱湯啲飯可以冇咁冷飯可惜加咗熱湯都冇用一樣係勁冷飯😵

在醫院裏面工作，早午晚三餐或下午茶時間的確是其中的一個休息和享受的時間，畢竟我相信很多人都很喜歡吃吧。作為聯合醫院的職員，當然少不免會在聯合醫院吃飯，以往從未吃過特價飯，因為感覺有點頹。但今次因為自己一個人，打算隨便吃一餐就算了，目的是為了依飽肚子，所以就點了一個特價飯來吃。當然是特價飯的話，也不會抱有太多期望，畢竟這個白汁雞皇飯才$10.8(要注意，只有醫院職員才能購買呢)，於是便抱着試試的心態去吃。因為是午餐的緣故，所以我點了多飯，才有力氣去照顧病人和應付一天繁忙的工作。白汁雞皇飯不算多雞肉，反而白汁十分多，另外有不少栗米以及少許紅蘿蔔，平平無奇。雖然感覺有點不滿足，但是$10.8這樣一餐已經很不錯了，不抱太大期望還是能隨便應付一餐的。

今日去醫院食早餐,負責夾食物的亞姐好差,冇禮貌仲要呼渴識叫我令個底盤。我明明係要魚柳雙蛋..佢比完炒蛋我..我話我唔係要炒蛋,,佢話畢左WO..我話有冇攪錯..最離譜係我要想令張單,,佢一手收起令去掉,,,好過份..自己做錯野仲禁樣...

屋企人入院，有排未走得，去canteen買個飯買個湯比佢食住先，拎左，然後覺得天色已晚，吾知自己幾時走得，轉頭順便買個外賣比自己，小菜需時，我就拎左飯比屋企人先，交帶聲姐姐轉頭過嚟拎，好戲來啦：水吧阿姐叫我最好衣家拎埋，就快刪門！其實我已經等左一陣，決定走先。上左病房落返來，用左四個字吾夠，一推門入canteen未見其人已經聽到個阿姐就度鬧我：叫佢拎吾拎，又話轉頭拎，搞三搞四！我等我婆食完飯執埋野極速落嚟，而且距離關門時間有排，我吾知搞左乜三乜四。好在貌似經理嘅姐姐非常好聲好氣，我好多謝佢，但哩位美心MX嘅員工阿姐你堅系要反省下自己，入得醫院吾系有病就探病，搞三搞四吾會系醫院，希望你以後做個有口德嘅人。

因為要同杰少去聯合醫院覆診，所以今日早起未食早餐。突然發現哩度原來係有飯堂wo，適逢其會，就去試試哩度嘅出品啦飯堂處於地牢2樓（B2），出電梯跟住指示行到尾，遠遠就見到哩個裝咗光管嘅入口了。哩度係由【大家樂】負責餐飲的，所以餐單會有多少熟口熟面，同外面嘅快餐店唔同嘅係，哩度有員工價同訪客價，咁當然訪客價會貴啲啦（有啲仲貴8蚊添）決定想食咩就排隊俾錢喇，就黎份【雞扒火腿多士餐 配 凍檸茶】啦～唔知係唔係醫院嘅關係，地方好乾淨過咗早餐時間，所以冇乜人，每張檯都好夠大食野，雞扒好細件啊，又冇咩味，煎得亦香，同蒜蓉汁一齊食，味道還可以啦。 火腿亦差唔多，好彩有兩片 多士亦只有一片，軟軟的都幾新鮮，塗咗少少蒜蓉，食落都算舒服。 凍檸茶冰唔太多，容易拮抵讚～檸檬有5片呢 不過份量真係少咗啲，唔多抵食，食完都唔飽，價錢又唔便宜，應該冇下次了。。。。。。

個晚很不滿!!!平安夜晚要去急証室,,,係醫院食晚餐已經唔HAPPY...入到去餐廳,,,我見肚唔係幾OK就食D清D既野...之後就排隊買餐...明明係餐牌見到有好多野食...點餐個陣收銀員話,,,就收鋪要買快手...我問幾點收...佢就話9點...但我一睇,,,8點07分囉...咩事...咁我都醒水啦...快快手叫...我話要碗粥...佢話冇粥賣...咁...我話...咁...有咩有得賣...佢話餐牌個D...我就話...但係餐牌有粥,,,先知原來係賣哂...咁我就問佢...有咩清淡D未賣哂...佢話雲吞河...好...但係我又唔想食雲吞就叫左個齋河粉...行到去...個出餐員話...冇哂河粉...米粉要唔要...因為太肚餓... 午餐冇食...肚痾左成日...咪話算啦...我要...15蚊齋米粉...成間鋪D職員零溝通...有咩賣冇咩賣跟本唔知...太可惡...今時今日咁既服務態度邊得架...