影片
以上资料只供参考，请与餐厅确认详情
联丰美食坊，小小的熟食店，满满的人情味，我细细个就好钟意食佢嘅肠粉。由朝早7点就有得卖，以前卖＄5，当物价高涨后，＄7/4条，但仲系好抵！以前5条剪开会食唔哂，依加4条就刚好，少食多滋味 可以系铺头门口企住食，老板会比只碟你，不过外卖都得。每到下午3点几左右就卖哂，就要「明天请早」。平时好多家长、学生会排住队帮衬，非常好生意，但只做日头，夜晚7点后好少会开铺。其实佢唔止卖肠粉，仲有卖粥粉面饭，又有得卖少量印尼食品及货品。肠粉唔会有好明显嘅糯米味，因为有啲肠粉就算加咗酱料都仲食得好重糯米味，个人而言不太喜欢重糯米味。肠粉甜酱唔似系出面一罐罐现成嘅味道，似自己调过味，所以特别好食。要辣酱可以讲份量，因为少辣酱都几辣下。曾经有次见到老板娘同菲律宾人／印尼人用家乡话倾计，所以平时都有唔少工人姐姐去买嘢食，大家相处非常融洽。(K.CHT心谂：x5=最好，x5=最差）服务态度 食物 环境 价钱
继续阅读