老馮麵檔 (已結業)

經過咁多次，本身少食車仔麵見到啲裝修幾特別 第一次入嚟食試吓 估唔到有驚喜 叫咗個5餸面 第一次食流心鵪鶉蛋真係好流心 原來鵪鶉蛋都幾好食 豬手豬大腸好入味 咖喱魷魚真心覺得正👍🏻 會再梨 …查看更多

元朗實在太多好嘢食，下午同朋友周圍行覓食。巧遇老馮餐廳，侍應姐姐好熱情咁向企喺舖頭出邊嘅我哋揮手同埋話俾我哋聽下午茶叫野食有免費飲品。我同友人都覺得又吸引，不過都係行咗個隔離舖頭望吓，點知隔籬舖頭對我哋是如不見，所以我哋都係行返轉頭搵呢位熱情嘅侍應生姐姐試食佢哋嘅麵。🥢🍽️🥣舖頭格局，非常復古，有着好多唔同嘅舊時代特色，十分特別又有趣，明顯地係花咗啲心思去佈置。🏠食品方便我反而有啲保留，原以為係港式茶餐廳裏面車仔麵果啲friend，可惜點左佢嘅牛腩麵品嚐過後，感到似曾相識，同台灣牛肉麵相若，連豬紅同牛腩都係帶甜。我本身比較鍾意港式牛腩粥粉麵style，所以呢種調味並非本人喜愛，如大家鍾意台式牛肉麵，呢個係一個好嘅選擇。不過要讚一下個鮮蝦雲吞，鮮蝦彈口🍤😊，$15兩隻。大腸 not bad 夠乾淨乾身。點餐方面係自己用二維碼掃，跟住落order。我哋比較笨，所以請侍應生姐姐幫忙落單。朋友嗌咗幾樣餸嘅車仔麵，買單最後埋單先知4餸湯麵嘅計法，我哋有啲弱，唔識計。😅…查看更多

星期五中午，老馮麵檔唔多人，唔需要等位，店內裝修一貫老馮懷舊風格，係舊香港嘅裝飾佈置。午市套餐有兩餸同三餸選擇，兩餸$36，三餸$45，有啲配料需要補差額。午餐可以加$6要熱飲，$8凍飲。 除咗車仔麵，仲有蒸飯🍚同小食選擇。叫咗豬紅蘿蔔豬腸米線，清湯多蔥，加熱茶走少甜，total $55豬紅滑身，有7舊蘿蔔無渣，清甜，夠入味，好好食！蘿蔔有5舊豬腸淋身，好入味，唔錯，有大約6-7舊米線正常因為我唔食得辣（程度係譚仔十少辣），上次叫過咖喱汁少辣，對我黎講太辣，所以今次揀清湯，清湯唔會無味，都濃郁。熱茶走，茶底唔夠香濃，質地滑身，比一般茶餐廳嘅奶茶淡，但唔算難飲，只係屬於偏溫和口味嘅奶茶，可能飲熱奶茶，會比茶走先飲得到奶茶嘅真味，如果鍾意飲熱奶茶嘅朋友，呢杯止唔到奶茶癮一碗三餸車仔麵，份量唔算大滿足，正常食量嘅女仔應該剛剛好，如果食量大少少或男仔，未必夠飽鋪頭店員好好，有啲叔叔嬸嬸唔識用QR code 落單，佢地都好快手過去幫佢地落單～…查看更多

見老馮新開左車仔麵所以諗住試下，結果係超失望湯底有啲奇怪，似打邊爐食到尾嘅湯底，咖哩汁冇乜味叫左咖哩魷魚，魷魚成塊上，食到好呢hea…..蝦味卷簡直不知所謂，係一條有少少蝦味嘅麵粉條，超級難食韮菜餃好少餡，咬一啖已經散晒，韮菜同肉係分離份量偏少，食兩啖已經見底，咁就盛惠$65老馮都係比心機做好點心啦…查看更多

星期六晚大約七點去到,居然唔使等位, 所以直行直入.店內大部份都係四人枱, 因為唔滿座, 唔知日後要唔要同人撘枱.環境同老馮茶居一樣, 都係懷舊的裝修, 打卡一流.坐低無耐放低紙仔, 要自己掃碼點餐,  亦無滾水清茶招待 (好似要自己行去斟的).餐單預設係兩餸麵 / 三餸麵 / 四淨餸.  餸好似由9蚊起, 如果要尤魚 / 牛腩 就好似要15  / 18的價位了.我叫了個四淨餸 :  豬腸 / 雞翼 / 豬皮 / 菜心, 味道可以, 但份量少了一點, 菜心都只係俾得兩三條, 計落仲貴過麵檔食碟菜由於新開張開係, 店內只收現金, 入去時無留意, 差點點就唔夠現金埋單.食麵同飲品全部單點, 無套餐, 計埋就唔算抵食.最差就係味精幾重,  食完返到屋企飲了兩杯水都仲口渴, …查看更多

見呢間新開黎試下，見佢做車仔麵為主。店內全自助QR code order，我嗌左個兩餸腩汁微辣，同行人嗌左都係兩餸腩汁唔辣，但個湯底唔知點解差好遠，佢嗰個湯好淡，而我嗰個就好濃，但我地都冇揀到要濃啲or淡啲湯的。價錢方面36起嘅兩餸車仔麵，牛丸都要加錢先有得食，野飲都偏貴環境方面個景有花心機整同裝修，感覺可打卡，入黎可以感受香港舊時情懷嘅mood。總結入黎如果想打卡係幾好選擇，價錢普普通通但冇好抵食。…查看更多

🍽️食物方面：🚙 三餸車仔麵💲45招牌麻辣汁有啲油 建議叫咖喱汁/腩汁豬皮爽 同豬紅都夠入味 合格蘿白都揀過係甜嘅 但唔夠入味🍆招牌煎釀四寶(青椒/甜椒/豆腐/茄子 )💲33鮮甜多汁 魚肉自己打 勁好味 仲食到蝦乾仔🥤五花茶/豆漿/汽水💲12☕️咖啡/奶茶/檸茶 凍💲16 熱💲13🈹11-5:30凍飲💲8熱飲💲6📷打卡方面：同茶居一樣行懷舊風 好多裝飾🔈環境方面：坐得舒服 唔大間但車仔麵嚟講夠晒位💬其他資訊： 老馮麵檔📍元朗西菁街9號富盛大廈地下5號舖ℹ️低消2餸一麵/4…查看更多

係fb見到佢新開，今日出開元朗就去試下。一坐底姐姐就比咗個餐牌同QR code我，佢話我知睇完餐牌就可以用QR code落單。睇咗一陣餐牌就決定咗我嘅車仔麵餸。今次叫咗 一個三餸一麵嘅車仔麵蘿蔔，金錢肚，豬紅跟幼麵貪心嘅我梗係唔夠啦！梗係要加多 四個餸啦！豬大腸，豆卜，豬皮仲有蠔油冬菇再加多個小食 蜆蚧鯪魚球至於咪道方面，蘿蔔清甜冇渣，金錢肚，大腸淋得嚟有咬口豬紅，豬皮，蠔油冬菇好入味豆卜夠淋有豆香。總括嚟講佢係一間我會返嚟再食嘅車仔麵店。…查看更多