影片
招牌菜
热捧呢一间的车仔面,同炒粉面!呢度的食品,系真系好食,唔系乱黎求其𠮶只。呢度的车仔面,有汤底拣的嗜辣的我第一次就叫一个劲辣汤底,真系辣到飞起,虽然劲辣,但系佢唔系死辣,而系好有味道𠮶只!之后再食都只有叫大辣而已都ok够顶辣瘾。另一个汤底推介,就系咖喱汤底,简直系超水准,超诚意之作。第二啲的车仔面,最多”毕”壳咖喱汁落个碗度叫做咖喱汤底,呢度系真系成个咖喱汁咁的汤底黎的,个咖喱汤底比起一啲日本咖喱汤面或者一啲马来西亚的喇沙汤底更香浓,配米粉或河粉连汤一齐食,正!!! 不过呢个咖喱汤底其实一啲都唔辣的,怕辣的朋友都唔使怕。佢另外仲有几只汤底拣的,包括,清汤,猪骨同秘制等。车仔𩠌一定首推鸡翼同鸡翼尖,两款都系炸的,要叫另上,好脆,好入味,好好味! 另外萝卜系超甜!不过佢虽然有六十几款𩠌你拣,但系好多嘢都唔系太特别o既,当相比铜锣湾𠮶几间好好味车仔面~ 呢part 系可以改善的。另外,佢炒嘢,系真系几得架,够镬气,少油,又香又好味,基本上都冇咩失手。佢仲做好多小菜的,好家庭feel𠮶种,大路嘢当然有啦,但系更加多的系一啲另类配搭的小菜,多数喺屋企先会煮既嘢,例如梅菜蒸菜心,豉椒茄子炒大肠咁… 真系少见啲啰~
继续阅读
第一次帮衬, 主要贪佢平先入去!睇到餐牌台式肉燥饭好似几吸引, 有多种主菜选择, $25我叫左东坡肉+酥炸鸡扒台式肉燥饭 (双拼要加$6)先讲卖相, 同幅图差好远, 本身整个饭既份量已经略少, 仲要主菜占既比例非常小, 得好少东坡肉同酥炸鸡扒, 又细件!接著试试肉燥, 哗! 都唔系我食开果种黎既?! 我唔敢讲佢正唔正宗, 因为可能来自台湾唔同既地方, 但 总之我觉得唔好食, 同埋好咸! 跟住讲下主菜东坡肉, 其实真系缩水缩得好紧要, 食落味道一般, 又不至于太差!至于另一主菜酥炸鸡扒, 虽然真系好少, 但系够晒脆, 外脆内滑, 相信因为新鲜即炸, 味道亦唔错, 成餐我比最高分系佢, 我觉得几好食, 不过未至于响第二度食唔到~最后, 我想讲埋杯饮品, 我叫左冻柠茶, 茶劣柠檬差, 完全冇应有既味, 唔合格!我觉得以佢既份量, 转双拼加$6, 真系完全唔值!我朋友叫左单拼, 我发现其实份量一样, 只系双拼有两样, 每样比少d 总括黎讲, 除左个酥炸鸡扒之外, 冇样野合格, 所以唔考虑再光顾。
继续阅读
小弟一向最欣赏食物有质素的小店,老陆美食肯定是其中一间以$10一𩠌一面作招来,价钱平,却绝不欺场,味道有水准,份量也不少,更附送大量芽菜,实在超值最令人惊喜的是有六十多款𩠌料可供选择,而且水准不俗,其中以鸡翼和鱿鱼须最为出色如此有质素的小店,竞争力超群,希望店主可以保持质素,继续用心经营下去
继续阅读
一般人食车仔面都净系识叫d咖哩汤底、大中小辣汤底，因为谂住贪稳阵，以为「秘制汤底」一定系水汪汪兼且淡而无味，认为加「料」抵d好食d，但去到老陆就千祈唔好咁「蚀」，佢地个「秘制汤底」落足料炮制，我仲系个汤底里面发现一d疑似花椒八角同XO酱既渣滓，虽然唔系d咩昂贵材料，但起码有诚意去炮制自家汤底，好过所有味精清汤！鸡翼炸得香脆之余，唔会好似某某连锁快餐店咁包左成寸厚炸粉，而且发育完成，唔会奀挑鬼命，另外，厨房亦会将鸡翼分开上，唔会被个汤浸淋晒丫嘛！最重要系河粉、米线都每日新鲜运到，包无隔夜，因为我系呢间食店既常客，八九点去到就已经卖晒，而且仲偷听到老板落单订河粉添呀，佢话想客人食到新鲜野，所以宁愿唔够卖都费事预多左要卖过夜，真系唔话得！
继续阅读