老鍋台式火鍋 (京都廣場) (已結業)

主要是各款牛肉都好好味，一般肥牛都好味！我地叫左安格斯牛小排、牛肩、肥牛。3款。3款都好好新鮮好味。脆脘魚都好新鮮好好味。我吾鍾意食魚既都覺得不錯。湯底都幾足料，叫左美人鍋同酸菜白肉鍋。美人鍋有半隻烏雞、及許多桃膠。酸菜白肉鍋就用左泡菜同五花肉做湯底。吾辣既，都好味。如果稍為煲出味再上菜會更好。稍微覺得有點湯還湯料還料既感覺。最可惜係好多野都無貨，就連檸檬茶都無就比教不解。店家樓下就係惠康，相信要買點檸檬同茶包也不是難事吧？醬料方面以蒜汁代替蒜蓉比教失望，火鍋控既我必要既是蒜蓉。…查看更多

天燈之《老鍋台式火鍋》呢間老鍋台式火鍋非常有台灣feel同中國復古風，餐廳天花滿佈天燈，絕對要打個卡，坐位非常闊落，staff既服務態度都好nice，野食品質都好好。老鍋花膠米線套餐：湯底清清地，湯料有杞子圓肉，例外有花膠，冬茹，木耳，紅蘿蔔，花膠入口唔腥，冬茹幾淋，木耳爽口，花膠椰青三黃雞：湯底味道清甜，三黃雞唔鞋好滑，鴛鴦鍋有梅花豬肉，配料多，梅花豬肉軟淋，台灣啤酒有花香味，氣泡感明顯，喜歡打邊爐既朋友，呢間火鍋絕對值得一試，價錢同食物質素有保證。…查看更多

呢排天氣凍左，又係開始瘋狂打邊爐嘅時候，今日就去試左朋友大力推薦嘅「老鍋台式火鍋」裝修非常有心思，掛住好多燈籠🏮一入去就感受台灣嘅感覺叫左鴛鴦鍋-「酸菜白肉鍋+美人鍋」，酸菜白肉鍋嘅配料都非常豐富，有菇、白菜、粟米同埋薯粉，湯底濃郁，酸爽開胃😋而美人鍋亦都有桃膠、烏雞、杞子、金華火腿等等，湯底清甜，配埋咁多材料感覺好滋補養生😍而食物當中特別要讚一讚係海鮮拼盤，份量足、味道鮮甜，食材全部都好新鮮👍🏻而唐生菜亦係我打邊爐必叫食物，菜份量唔少而且新鮮👍🏻雪花肥牛都好高質，牛味濃郁、肉質嫩滑總括之言呢餐食得非常滿足，一定會再去…查看更多

呢到係由一位擁有30年經驗的台灣廚師主理，食材新鮮，講求原汁原味，更提供多款養生湯底，令人盡情享受正宗台式火鍋的美味。首推他們既鴛鴦鍋！呢種火鍋以兩種湯底呈現，唔同口味，讓人回味無窮。另外梅花豬肉肉質鮮嫩，入口即化，搭配芝士牛肉丸，更是絕配。新鮮竹笙的清脆口感，亦都讓人驚艷不已。花膠椰青三黃雞，味道亦極為濃郁，養生又滋補👍🏻 如果你喜歡鮮味，仲可以試下點墨魚肉！呢到既的墨魚肉鮮嫩多汁，入口滑嫩，散發著淡淡的海洋風味，絕對是海鮮控的最愛。老鍋台式火鍋不僅菜色豐富，服務態度也相當周到。店內環境溫馨舒適，適合和家人朋友一同品嚐台灣美食的樂趣。無論是想要暖胃的火鍋，還是尋找道地台灣口味的人，這裡都是你的不二之選。…查看更多

之前經過銅鑼灣京都廣場見到老鍋的午市二人火鍋套餐（$299）好吸引！今日放假特登黎試一試！😋餐廳裝修好有台灣feel, 座位大部份都係卡位，所以坐得都好舒服。餐牌仲有中英對照，相當細心❤️火鍋湯底有四款選擇，包括麻辣鍋、酸菜白肉鍋、膠原蛋白美人鍋、尚膳養生鍋。全部無需額外收費。我地揀咗酸菜白肉鍋，鍋底有大量酸菜、白肉、粟米、冬菇、仲有寬粉，寬粉十分掛湯開胃。😋肉類配料三選一，有雪花肥牛、梅花豬肉、農場雞肉。強烈推介雪花肥牛👍🏻肥牛好靚，肥瘦適中，牛味重，份量都唔少！套餐另包四款丸類包括墨魚丸、香菇貢丸、魚皮餃、台灣蛋餃、每款兩粒。全部都好好食，食得出全部出自台灣。特別係墨魚丸，好彈牙同用料十足。而我最欣賞套餐包一份五彩鮮蔬盤，我不嬲都鐘意叫蔬菜類，平時出街叫菜都好貴🤭呢個蔬菜盤裝滿滿，種類仲好多👍🏻👍🏻最後仲配埋白飯或者米線一份，我地揀咗米線，同我地個湯底超級夾，好好食👍🏻男士都無需要擔心份量唔夠，食完呢個餐係非常飽&滿足。個人覺得呢個套餐用料都新鮮，份量好有誠意，呢個價錢算係性價比高😉…查看更多

天氣近排轉變反覆好適合打邊爐🍲暖暖胃好多人都認為食完會好熱氣不過打邊爐都可以好養生🥹頂頭都掛滿天燈感覺好似去左台灣咁 😳座位闊又舒服鴛鴦鍋酸菜白肉鍋秘方醃制東方大白菜🥬比較多湯料有大量疏菜配料及鴨血豆腐同寬粉微辣帶點酸都幾開胃🤤美人鍋一定係女士既專利必揀湯鍋因為養生對近代人黎講好重要‼️有桃膠、烏雞、龍眼肉、淮山妃子好多種藥材多而數唔完 🤣 又新鮮湯底火喉十足應該淆左好耐 👍🏻味道鮮甜唔洗額外再調味雪花肥牛油脂分布平均、香濃牛味份量唔少又整齊擺盤美國梅花豬肉接近10片左右既豬肉片、豬🐽味好濃之後好整齊咁捲好放上碟 👍🏻厚度唔算太薄，薄就易爛又唔太厚會厚到難熟透 剛剛好墨魚肉起哂膠又彈牙爽口…查看更多

【銅鑼灣•老鍋台式火鍋】🐝————————————————————————午市時間設有二人套餐優惠，選擇睇落唔多，但係都食到好飽。🍯｜午市二人火鍋套餐｜HKD 299湯底有四個選擇，麻辣、酸菜白肉、美人鍋、養身鍋，女人係鍾意做美人🫢湯底入面有成隻烏雞。仲有女士們愛吃的桃膠。肉類豬牛雞選擇了雪花肥牛，質素都不錯。丸餃拼盤（各2粒） 墨魚丸、香菇貢丸、魚皮餃、台灣蛋餃，最愛吃魚皮餃。五彩鮮蔬盤（細）2人足夠吃，生菜、金菇、冬菇、南瓜片、車厘茄、粟米等。飯/米線二選一，所以實飽。…查看更多

呢間餐廳上到去就見到好多藝人黎食飯嘅合照，仲有發哥😆 今次就食咗餐廳嘅午市二人餐（$299），內容都好豐富。💪🏻 膠原蛋白美人鍋呢個養顏美人鍋有好豐富嘅配料，當中包括原隻烏雞、杞子、紅棗、粟米，仲有巨量嘅桃膠😍 湯底都鮮甜，而且烏雞嘅肉質好嫩滑，一啲都唔鞋，啖啖肉！桃膠好彈牙，而且沾滿湯底嘅咸香，滿滿嘅膠原蛋白🥰💪🏻 雪花肥牛肥牛嘅油花分佈都平均，所以肉質都嫩滑軟綿😋 💪🏻 丸類、蔬菜、米線丸類包括有墨魚丸、香菇貢丸、魚皮餃、台灣蛋餃，當中墨魚丸係手打製作，彈牙可口😝 另外，仲有娃娃菜、油麥菜同米線。味道：7.5/10性價比：7/10食住瘦指數：💪🏻💪🏻💪🏻💪🏻/5 …查看更多

天氣涼涼哋，又係打邊爐嘅時候🥢前兩晚收工同同事去咗銅鑼灣京都廣場嘅老鍋。呢度主打台式火鍋，今次人多分咗兩個火鍋，湯底有五款選擇，識食一定揀鴛鴦鍋😝一邊要酸菜白肉鍋，入面有索晒湯汁嘅大白菜同寬粉，仲用咗五花腩嚟熬，但係香得嚟唔會有膩感。而另一邊就係膠原蛋白美人鍋，呢款真係大推，入面有烏雞件，杞子，桃膠等等，好清甜🤤放火鍋配料前記得飲返碗先！而另一鍋就點咗花膠椰青三黃雞，同事之前試過話正，椰子味好甜，連帶雞件都入晒味，甜甜地又嫩滑。而配料當中就比較推薦👇🏻雪花肥牛🐂火鍋必備嘅肥牛，肥瘦均勻，牛味幾濃，唔會嚡口。梅花豬肉🐷冇乜期望之下有驚喜，賣相本身都靚仔，肉質鮮嫩，入口好軟稔👍🏻墨魚肉🦑爽口彈牙，有好重嘅墨魚味。另外見到午市二人火鍋只係$299，抵食喎，下次晏晝又嚟試吓先☺️…查看更多

再訪老鍋 今次更有驚喜！ 上次食左個人參養生鍋 今次就試個美人鍋先～～ 《$298二人火鍋lunch set 》 原隻烏雞 花旗參 淮山 桂圓 紅棗 南棗 咁足料得唔得㗎！老闆會唔會蝕本㗎！净係食呢鍋唔使任何配菜都夠飽 落肉之前先飲一碗提氣養生滋補湯 嗯～～好暖胃❤ 雞要淆耐d d 肉先夠腍 咁就一撕就開。味道同黃雞好唔同 好食好多！ 唔點酱料都好夠味。 另外佢地仲有《香濃美顏蜜瓜響螺花膠鍋$368》足料回歸！ 聽落超吸引 下次晚市再返嚟食佢！ …查看更多

今次係我第二次去老鍋食火鍋，之前係食午市，今次就去食晚餐，仲玩埋放天燈添。🍲鴛鴦鍋湯底一樣係咁濃，啲肉完全唔使點任何醬汁都已經好香，今次試蕃茄雜菜湯好fresh好清新，可以食到食材嘅原汁原味。另外試咗烏雞湯，會有藥材味，感覺好養生。🥩雪花牛睇啲雪花都知道好食，牛嘅肉質啱啱好，而且有牛味，滾一滾就可以拎上嚟食。🥬唐生菜好新鮮，但係唔好煮太耐，如果唔係就唔爽口。🍑冷泡白桃烏龍茶呢個有驚喜，好香白桃味，加埋烏龍茶好清新，可以解油膩，打邊爐最啱。…查看更多

見有啲涼意秋風起，又要諗食咩lunch？同同事一行幾人就決定去打邊爐🤣打邊爐最緊要就係個湯底，食台式火鍋就揀咗個老饕酸菜白肉鍋，滿滿材料嘅鍋底果然好夠味！酸菜好爽口，鍋底煲滾左之後白肉同薯粉就食得!(煲太耐唔好食㗎！)嗌左雪花肥牛，牛既雪花紋理均勻，淥一淥就食得，牛肉味又夠濃食落一啲都唔榎！丸類同餃類分別都有點，蛋餃、魚皮餃(皮薄餡正）、墨魚丸、芝士牛丸（流心芝士一咬就爆出嚟😍）同豬肉丸，款款入口彈牙同行有素食人士，另外仲加左好多蔬菜，油麥菜、娃娃菜、金菇、鮮冬菇、秋葵、冬瓜等等超豐富又健康😂，蔬菜🥬新鮮爽口🥳 索哂湯底入哂味，想唔肥都難🙈真係不得不提呢到既炸物，好有驚喜！炸魚腐、黃金炸魚皮、炸豆腐呢三樣都極速俾我哋清晒😆炸粉唔厚十分香脆又夠味！…查看更多

食火鍋緊係要揀台式啦, 老鍋既用料新鮮，著重帶出食材天然風味，並提供多款養生湯底。仲要有30年經驗的台灣廚師主理,成個場都好靚~好正~今日叫左花膠椰靑三黃雞鍋好新鮮既椰靑味三黃雞鍋,雞都好足料同好食,好滑好有雞味,嘩,依個湯真係好正,我同朋友都起碼飲左2碗,真係好正,必叫既湯底。梅花豬肉、雪花肥牛兩個肉都好新鮮、有質素,而且肥瘦都分佈得好好,食唔停口既肉呀佢仲有好多配料同飲唔選擇,不過都真係太飽啦,所以下次再叫啦~…查看更多

▫️ 咸蛋黃炸魚皮👉🏻炸魚皮即叫即炸，咬落非常酥脆，每一塊都平均咁沾滿鹹蛋黃流沙醬💛⭐️⭐️⭐️⭐️⭐️.▫️梅花豬肉👉🏻豬肉算係厚切，有咬口，食落肉質嫩滑重豬味⭐️⭐️⭐️⭐️.▫️ 墨魚肉👉🏻 墨魚肉咬落好爽口，好有彈性⭐️⭐️⭐️⭐️⭐️.▫️ 雪花肥牛👉🏻 打開牛肉卷原來係包住咗另一塊牛，但因為包得好靚完全唔發覺😆肥牛肉質鮮嫩，牛味好重，油脂分布平均😋⭐️⭐️⭐️⭐️.▫️唐生菜👉🏻口感非常清脆，食得出好新鮮 ⭐️⭐️⭐️⭐️.▫️ 冷泡白桃烏龍茶👉🏻 烏龍茶茶味濃，有淡淡桃香，完全唔會甜⭐️⭐️⭐️⭐️…查看更多

冬天嚟講 台式火鍋 是必須的無論係午餐定晚餐都要打個邊爐暖一暖.《二人火鍋午市套餐》 $299先點湯底 有多款特色火鍋湯底選擇我地揀左「膠原蛋白美人鍋」超足料大大隻原隻烏雞 熬出靚雞湯入邊仲有桃膠 充滿膠原蛋白杞子、冬菇、紅棗、超甜粟米🌽個湯非常濃郁清甜 夠晒滋補豬牛雞可以三選一 咁我就梗係揀食牛啦美國特選雪花肥牛 紋路油脂分布平均厚薄適中 一卷原來內藏有兩塊 份量都幾多 兩個人好襟食🥓唔使揀必定有拼盤墨魚丸、香菇貢丸、魚皮餃、台灣蛋餃墨丸係真係墨魚打出嚟起膠個d 彈牙爽滑有墨魚味 唔係得舊粉蛋餃呢d心機野 唔係度度都有得食蛋皮索晒啲湯 特別鮮甜五彩鮮蔬盤不得不勝讚 蔬菜好新鮮 洗得好乾淨煮食可以揀米線/香飯是但一樣而我覺得一個咁正嘅湯就梗係揀米線唔好嘥咗個湯啦🍜…查看更多