老趙越南餐廳

营业中

休息中

今日同朋友喺呢間餐廳食下午茶，下午茶時間無乜客，同朋友一共食左$120，食完飯埋單無散紙打算分開找數。侍應以容易找錯錢為由，斷然拒絕，仲叫我地自行解決。我哋分開同佢講我哋各自食咗乜嘢，佢都以 唔知我哋食咗乜 做籍口，用極差態度及語氣回答，最後我一個人俾晒兩個人錢，先行離開。我唔明喺非繁忙時段，張單只有兩個餐，要分開收錢有咩困難。一味用容易收錯錢做籍口。同呢啲人講咁耐只係浪費時間，咁差嘅服務態度我以後唔會再黎。好自為之，祝貴舖改善員工服務態度，生意興隆。

食過幾次老趙既生牛河都仍然覺得好食~ 雖然佢係米芝蓮餐廳, 但佢生牛河價錢係$48, 其實對比其他越南餐廳都唔係特別貴~ 我最喜愛係佢個湯底, 湯頭好味好香濃, 又唔會口渴~好好飲D牛肉好滑, 薄薄一塊一d都唔鞋~ 都有幾塊~ 好正丫~ 同埋我好鍾意食舊白蘿蔔, 吸晒d湯好好味~比較遜色既部份就係d河粉...我覺得河粉只屬中規中距啦, 因為佢既口感唔算特別薄同滑, 如果連d河粉都改善埋就更加理想丫~ 但總括黎講呢碗生牛河都算幾唔錯!

下午同同事食飯，因為唔想去茶餐廳，所以附近搵餐廳食晏。見呢間餐廳好似幾吸引所以入去試吓。我食咗個湯河，味道正常，不過不失，份量亦係一般，不過都比外邊一啲連鎖越南餐廳好嘅。湯底都整得唔錯，總之就係正正常常一碗湯河啦。可能我哋早去啦，坐坐下外邊都要排隊。至於環境方面都尚算舒適，不過只係食晏，為求飽肚，都唔會太大要求。員工服務態度方面都係正常。總結係，如果下晝食飯或者下午茶都OK嘅，夜晚如果食越南野，就有更好嘅選擇啦

平時都唔會行到過黎柯士甸呢邊 所以都冇乜點係呢頭食野 今日搵個朋友佢係呢頭返工先去到呢到 咁佢就帶我去食呢間越南野 叫左個火南車頭 生牛肉夠新鮮呀 湯底都夠濃 幾好食啊 仲有叫左個春卷 好味

今天行過見到好多人在門口等位，我一個人不用等位便入去試下。午餐餐牌大路，選擇不多，大致上只是生熟牛，香芧豬，雞絲，雞翼配湯河，或檬，或飯，另有咖哩飯。店員有禮貌，但在短短的午餐過程中，見其他枱不少客人遇上上錯菜或飲品的情況，可能是員工太忙了。我點的是香芧豬排檬和熱蜂蜜柑桔（$54包飲品另加一）。香芧豬排檬：豬排件件size不同，有厚有薄，薄的入味好味的，厚身的卻乾淨淨。檬粉汁好味，也不會吃完大口氣。熱蜂蜜柑桔：有一片好薄的青檸。足本好濃的味道。可以溝希少少。青檸厚少少會更好。總括而言：一般至中上，可再去吃，但也不是要非吃不可。

老趙係我飯堂之一。最愛生牛湯河、香茅豬扒同牛油雞翼！今次試下甜品咖啡糕原來都好好味！個人覺得寧願食咖啡糕吾㨂飲越式咖啡咖啡糕配上花奶送來、其實就算冇花奶都好好味！下次再食會叫不用跟花奶

個人覺得唔算抵食但又未至於貴，吃粉麵類份量會較少，醫肚建議食飯。今次食左扎肉湯河，扎肉薄但片數都幾多，如果切厚少少會更juicy。粉不算大碗，但夾埋湯同炸洋蔥碎味道都不錯。環境不算好，唔會坐得舒服，餐具都要自己再洗多次，唔係聽其他人講都唔會覺得佢係米芝連餐廳

我第一次食老趙 老公話之前黎過食 幾好食 推介我來選擇唔算太多 午餐同下午茶既選擇都差不多 價錢亦不大分別咖哩牛腩飯 $58我俾⭐️⭐️⭐️⭐️⭐️咖哩汁勁好味 我未食牛腩已經用咖喱汁撈左半碗飯 牛腩都有四五舊 仲有薯仔添 好好味 勁推介相比之下 生牛肉粉就遜色啲 $48⭐️⭐️冇乜特別 味道較單一淡口最值得讚係呢度既熱飲👍🏻我叫左桂圓紅棗茶 好足料 好夠甜 感覺滋潤😋😋老公叫左蜂蜜柑桔露 佢話味道有啲奇怪 可能隻蜜糖唔夠靚不過為左個咖哩飯我一定會再來！😊

在文苑街一帶有好多餐廳，但在這舊區揾間光鮮啲餐廳，這間老趙越南餐廳外觀一定俾到你，不知道是否是新裝修，間舖望上去俾人感覺乾淨企理，入去食午餐，入面裝修感覺一樣企理的。午餐叫咗個咖哩雞飯跟上一杯桂圓紅棗茶，只須$60，還不用加一，價錢都算ok。而雞的份量多，可能因為雞件多的關係，導致咖哩汁少咗，而咖哩汁味道無乜咖哩味及唔多辣的，適合唔食得辣嘅人。個人應為餐廳環境，食物外觀及份量都好好。

今日同朋友一行6人去到佐敦老趙越南餐廳食飯。店面頗小但因為我們9點多才吃飯所以人不多。食越南菜要知道餐廳水準如何當然要試試它的湯粉。我們共點了7樣東西。我的沙嗲牛肉粉沒有友人的粉來得好味，沙嗲味道較淡，而且牛肉太厚且沒有牛肉味。最好吃的一定是友人的雞絲粉，湯頭清甜無比，雞絲鮮嫩牛油雞翼更是大家最愛的小吃，每次必點。炸得香酥的雞全翼沾上香到不得了的牛油和蒜，遠遠已聞到它的香氣！實在是欲罷不能，可惜一客只有4隻所以老趙這麼多年仍是我首選的越南菜！

還沒7-8月的香港就又熱又悶，熱到人真的沒什麼食慾，但又不能不吃，怎麼可以欺負我的胃呢，在回家的路上看到越菜，門外感覺是間質量不錯的店（做生意門面是很重要的），不到7點裡面就已經快坐滿人了，Wow~看來是應該試試看!Go!前面頁面都是適合2人以上一起share吃的我選了餐廳推薦👍🏻老趙牛肉粉👍🏻好輕食阿～感覺吃了不會增加身體的負擔不錯不錯老趙牛肉粉好豐盛除了牛肉片外，還有牛肉丸、牛腩、洋蔥和好大塊的白蘿蔔，上菜時牛肉片已全熟，所以吃不出肉質好壞。牛腩和牛肉丸都是好嫩，很出色最讓我驚艷的是蘿蔔，好入味❤️好喜歡湯裡頭的洋蔥搭配越南粉一起吃增加口感，湯頭很清爽，完全不死鹹重點🏁吃完口不會渴就知道沒有放多餘的味精👍🏻

跟男朋友來了佐敦，隨便找間餐廳吃晚飯吧。附近都是火鍋，茶餐廳，米線等，難得一間越南菜，所以試試。星期六晚8點幾，人客不算多。有2個2人餐可選，可是看了餐牌更吸引，而且本身有點飽，吃不到太多，所以散叫了。點了:1。 香茅豬扒凍檬。普通一個豬扒凍檬。2。蟹肉炒飯。很乾身，一粒粒的飯，熱吃好吃，凍了也有炒飯香3。蝦沙律。原來份量很多，不過如果多幾隻蝦會更好，味道ok。看到隔離枱點的牛油雞翼，十分吸引，可是太飽，沒有試，下次再來試吧。侍應服務很好，會主動加水，上菜很快，還會問要不要公筷（隔離枱），很細心。我們吃著，發現到原來這餐廳有得多遊客都到來吃。

回想同老公拍拖時成日去食 最鐘意佢地嘅越式生熟牛河 牛油雞翼 牙車筷 今日約左朋友睇戲 順便一齊Lunch 所以提意不如去食啦 佢地裝修後終於有機會去 入內格局無太大改變 換晒新枱櫈 光猛左兼用換埋新Menu 可能我out左 因為都無幫襯一段時間香矛豬扒撈檬 $58味道唔錯加埋佢地嘅酸辣汁食 胃口大開 熱天食最解暑 fresh 另外我同老公更係為品嘗出名嘅生熟牛河啦 $48想回憶它的滋味 口湯仍然好濃兼無口渴 但件蘿蔔就有d失色 有渣架 牛肉份量足兼滑Menu已經無左牙車筷了這名字 現已改為雞絲椰菜絲salad $68 連做法同賣相都原全變晒 味道更加唔同 好掛念之前的味道 至於呢個salad一般 雞絲少 d菜絲帶苦 炸春卷 $44 熱辣辣 香脆無失手 但得四小件連生菜

經過佐敦，聽老婆說老趙越南餐廳很出名，即管試一試。我以前都有路過老趙越南餐廳，但是印象中的老趙越南餐廳好像不是這麼高檔，可能經過裝修，食物重新包裝，的確予人耳目一新的感覺。這裡的侍應挺細心的，見老婆是大肚婆，便問她怕不怕凍，對客人噓寒問暖的，值得一讚，但她卻忘了我，事實上，我也是一個容易凍僵的男人，由得我啦，由我凍啦，橫店都無人理我架啦…侍應距離我們半呎遠，一揮手，原來已經近在眼前，這種如此貼近客人的親密距離，是不少餐廳都忽略的細微之處，大部分的餐廳都距離客人萬丈遠，如果你不懂唱山歌，他們都好難看到你。正所謂：如果你識唱山歌，叫野食都快D羅。老婆知我喜歡叫雞，所以點了懷舊半隻燒雞配糯米飯餅($108)，望見這麼大隻雞脾，我不是庖丁，下刀之處，盡是筋骨，這樣切下去，不知何年何月才能切出肉，幸好老趙有提供手套，於是帶上手套，再劈、摳、插、打、搣、撕，再拉扯，終於變成一隻手撕雞，咬落啖啖肉，完全滿足作為一個食肉獸的慾望，我思疑：如果這條大脾是家明的，我想我也吃得下去。回顧原始人類吃東西的最原始方法，才是最原汁原味的。小食拼盤($118)拼有越南春卷、生菜、蒸粉包、魚餅等等(因為我不知道右手邊

和幾個傻同事走過了幾條街，都找不到想食的午餐。結果最後決定食老趙。對我來説，最正宗的越南湯河，應該要有芽菜，西檸，和辣椒，香草作配菜。但同事都説，他的蘿蔔十分好吃。感覺有點像高質車仔麵的蘿蔔。至於我自己叫了炒飯，因為湯河不夠正宗。喜出望外，味道可說是很不錯，但完全吃不到蟹肉蟹糕，所以這一點扣了一些分數。可能因為成本問題，在這種限制下除了少了口感之外，其實還是很重味道的，只是$80也不算太便宜，有點不值的感覺。