老表燒鵝

未食过啲咁垃圾嘅外卖饭盒，差唔多成$50 一早讲好咗话要半肥瘦叉烧，俾啲干真真嘅头头尾尾垃圾人哋食，啲烧鸭仲过分，薄到好似啲纸咁，讲真执笠真系唔好怪人哋，要谂吓自己点解要俾啲垃圾人哋食…查看更多

好少写食评，忍唔住反映出嚟等少d 人中伏😓呢间野新开果阵都ok 嘅，而家愈做愈衰，$43 外卖烧腩仔饭连冻饮，一睇个师傅个木砧板侧边一旧旧烧肉无皮，一条单独番学间尺咁size,嘅烧肉皮，即刻心知不妙，果然切左几旧瘦肉，再切几片仔脱落嘅猪皮比我，仲衰过街市20 蚊烧味饭😑anyway, 味道ok 就得啦，佢又唔系㖞，旧肉鞋恰恰，块皮淋pat pat , 劣食🤢睇下系咪个别事件啦，之后比多次机会佢嗌多次烧腩仔饭啦，又系皮肉分离，A 瘦肉配 B 层皮，其实间野知唔知咩系烧腩仔呢？同烧肉系两样野嚟啦😵‍💫…查看更多

叫咗碟烧鹅乳猪双并饭 烧鹅D皮又油又淋完全冇所谓荔枝柴嘅香味次次都俾D骨多过肉嘅位 又或者系劲多肥膏嘅位 以为下次唔会咁好彩 点知次次都系咁 乳猪完全净系食D皮 得D肥膏冇肉食 加碗咸到呕嘅例水 咁就盛惠$85 服务态度差真系唔再有下次…查看更多

经过新蒲岗，一心谂住食吓烧鹅，点知第一次食到啲烧鹅系唔熟嘅！唔熟嘅！唔会再帮衬！咁啱经过谂住喺𠮶度食个午餐，本身对佢嘅烧鹅都冇期望。谂住正正常常。点知食食吓发觉原来系可以唔熟嘅，真系咁大个人未食过啲烧鹅系可以唔熟嘅！本身间餐厅嘅座位已经唔系好舒服！嘢食质素又系好差，阿姐嘅服务态度亦有待改善。我谂唔明点解仲未执？如果大家想食唔熟嘅烧鹅，就可以试吓㗎！但系如果想食正正常常嘅烧鹅喺呢一度你系唔会食得到。…查看更多

见到有烧味谂住入去坐低食，入到去都啲位都好逼，好窄，见啲客食得好吾舒服，咁我就坐卡位，一坐低，我岩岩先拎起餐牌，个阿姐就放低杯茶比我，一放成杯茶倒晒落我个身到，我成件衫同裤湿晒，吓到我哗左出黎，完全反应吾切，个呀姐慢左几拍先同我讲吾好意思，我用晒枱上既纸巾，佢先拎啲厨房纸比我抹身。其他员工系无任何反应，净系得个呀姐讲吾好意思，有无事，其他员工系企左系到，一啲反应都无，咁既待客之道，我抹完身就已经离开左间铺，野食都吾敢叫！9秒9走人！呢间咁既铺头仔，咁既服务叫人点愿意比钱消费？不过我见其他人既食评都系差，好彩无食到姐吾系食到一肚气！…查看更多