影片
招牌菜
荃湾二坡坊, 今次黎到主要为左呢间”老板娘云南米线”~话说识我既朋友, 个个知我大食又挑食~ 估到呢到实岩我食~ XD满心期待, 一人点一碗 (每款$38 , 加𩠌每款$8)温韾提示: 店方贴左告示, 一人至少要点一碗架虽则以云南米线打正旗号, 店方仍有银针粉 & 拉面可供选择.汤底方面有, 清鸡汤 / 酸辣汤/ 麻辣汤/ 麻酸辣汤 (4款选择)如果唔食辣, 净系想食酸, 可以点净酸汤 ~暂时要停一停酸辣, 唯有点住清鸡汤先~ 配”云酱猪软骨”猪软骨件头大, 呈啡色, 咬一口非常入味~ 软骨部分同样够火喉, 味道带一点点辣的~ 惹味推介~! 清鸡汤有鲜甜味~ 米线软硬亦适中, 食完大满足呢友人们, 分别是“健康有营配酸辣汤”& ”招牌酥炸鸡球配酸辣汤”大家会唔会想食银针粉, 偏偏起出面食店好难揾到呢? 呢到系有银针粉食架~ (银针粉令人想起小时侯, 儿时在家中不时也会食到呢^^”)健康有营, 全部蔬菜类, 岩晒女仕们 相信每一碗是独立跟汤头煮, 米线特别入味呢~ 小试一口友人的酸辣汤银针粉, 除左醒胃之外, 越食越想食, 不禁试左几口先肯收手~招牌酥炸鸡球, 即叫即炸, 外脆内嫩&有肉汁, 鸡球大大件绝对唔怕唔够喉啦~大家快D试下
继续阅读
我好钟意食米线, 所以好喜欢周围试新店. 但就因为太喜欢, 所以对米线都有D要求.有一日男友同我讲, 佢同事带佢食左一间好鬼抵食既米线, 话下次一定要带我去试.我的座右铭系: 心动不如行动, 所以听完男人咁讲第二日就去试啦. 本身都唔抱住咩期望去食, 你要知道, 依家物价高涨, 抵食唔等于好食架吗, 而且好多食店都已经唔系良心食店. 就因为无期望, 往往反而有惊喜.“老板娘”店面唔算大, 但就干净企理. 当晚8:30PM去到已经FULL晒. 不过等左几分钟就有位lu~先俾大家睇下张点餐纸, 款式都几多, 而且每款𩠌都系划一价钱+$8. 我觉得方便客人计算.同埋有米线、拉面同银针粉3款选择. 真系好少见到有店铺会有银针粉拣, GOOD.不过提提大家银针粉系热销ITEM, 好多时过左8点几就会沽清. 想食既就要早D去啦.我叫左个净酸汤米线底+健康有营* HK$ 46呢喥每碗面都有我4个拳头咁大, 好大碗.*健康有营= 豆腐、蕃茄、枝竹、杂菇酸汤既酸度岩岩好, 好开胃. 而且汤底有少少肉碎唔会太寡. 对于女生黎讲, 米线分量比较多. 我就食唔晒一碗啦.男友叫左清鸡汤小辣拉面+云酱猪软骨+招牌酥炸鸡球+野菌腐皮卷 HK$ 62.00云酱猪软骨:够软身, 而且软骨位炆到食落好似牛筋咁.我浅尝左少少, 对于唔太食得辣既我黎讲都可以接受到,如果你系Spicy girl or spicy boy 应该可以挑战更辣的level. 而且呢喥所有炸品都系即炸同另上的, 所以热辣辣上枱会好味好多. 而且其中一人叫都可以大家share一齐食.酥炸鸡球: 一碟有4件鸡球, D鸡球好鬼大件, 我觉得应该叫鸡件先岩. 鸡球食落唔干而且内有汁好JUICY. 咬落鸡球的表层肉是黄黄地色, 我觉得好似带有少少咖哩味.野菌腐皮卷: 外皮炸到金脆, 内里有野菌、粟米而且带有奶油香,真系好好味.推介.但唯一个问题就系好油腻, 我食完一件已经觉得好油.总体黎讲, 满意度好高. 店员工作效率高而且有礼貌,依家老板娘已经成为我最喜欢既米线店头3位啦. 我一定会不断再encore.
继续阅读
呢间米线由细食到大，终于搬左落地舖，味道依然好味。今次叫左炸鸡麻酸小辣，炸鸡依然世界级，四大件大大件，香口好味。米线份量够，如果唔食得辣既可以叫小小辣，咁就可以又食到香味又唔会太辣。总括而言，系一间可以无限Loop既一间米线！
继续阅读
本身很爱吃米线，这间老板娘米线可以列入我的心水三甲之内，自从它在香车街消失了之后，我失落了一阵子，幸好得知它重出江湖，实在太开心了！以米线来评价，我觉得它的米线不算特别出色，但是它的配料实在太好味，比其他米线舖嬴成条街呀！之前食过牛腩同猪软骨，好稔好好味，今次试埋新疆小排骨和野菌腐皮卷米线。新疆小排骨都算OK，不过我较喜欢猪软骨野菌腐皮卷好脆好味，必试！全部都是大大碗，每次吃完都很满足了。
继续阅读
已经好耐无食喇!!! 以前系香车街街市, 夜晚唔系成日开, 好难先食到, 好挂住.原来而家终于系出面开左铺喇, 我都系团购后睇到先知, 即刻开左十几张啦.新铺就一定干净啦, 位置唔多, 佢应该可以放多几张枱啦.味道一样, 拣左麻酸辣中辣汤底,仲有我最爱既银针粉, 真系无得顶.一大碗, 汤系橙红色, 好有味, 银针粉都好有口感.酥咋鸡球5大件, 好食, 新鲜炸起热辣辣, 入面仲有肉汁, 但有小小热气.$38米线包一𩠌, 团购价$26但8:30后先用得.再加𩠌每款$8.以米线黎讲算系中上价位!!!
继续阅读