老掌櫃東北菜館 (富達廣場)

营业中

休息中

京蔥羊肉煎餃10隻 $68去老掌櫃食嘢，呢個羊肉煎餃係我必叫，因為佢羊肉非常香，食落係會爆湯汁。京燒羊肉 $138另一款必叫一定係京燒羊肉！！！識落非常酥脆，皮肉肥三樣都好好食。羊肉味同樣非常香，口感接近入口即溶。配埋酸酸地嘅汁食完可以再食。蔥油肉絲拌麵$48呢個都有驚喜，蔥係煎炒過，蔥嘅香味更加突出，唔會有草青味。食落有少少脆口。肉絲嘅份量算多。撈麵嘅質地幾彈牙。值得一試！東北醬肘花$76呢個東北醬較為酸甜，帶小小辣，食落開胃蔥味！肘花嘅份量，食極都有！推薦大家試下！

老掌櫃東北菜館男朋友想食片皮鴨，近近地帶咗佢去元朗老掌櫃食個晚飯。😆餐廳地方好大，樓底好高，唔會好焗促，坐得都好鬆動。 😃😃由於我地得兩個人，就叫咗半隻片皮鴨食姐。不過估唔到半隻份量都咁大。片皮鴨上枱熱辣辣，鴨皮帶少少油脂，食落香脆帶鴨油香。肉質亦都好嫩滑多肉汁，完全唔會乾柴。兩個人一舊接一舊，話咁快就𡁻晒。😆除咗鴨，我地仲叫咗一個涼拌小菜，麻辣海蜇頭。海蜇頭好爽口，涼拌汁偏向麻同香，非常惹味。加上爽口既青瓜，入口涼浸浸，令人胃口大開。最後我地叫多個京葱爆羊肉，呢碟份量都好驚人，滿滿既羊肉，京葱同埋少許芫荽。羊肉一啲都唔羶，肉質鮮嫩多汁，加上爽脆京葱，有強烈對比，配搭埋少少芫荽，味道更富層次，非常唔錯。😃

除咗枱有啲癡立立，其他都幾好，特別推介韭菜豬肉餃🥰🥢韭菜豬肉餃 (10隻) $48外皮薄身，內裏爆汁，豬肉鮮美🥢四川擔擔麵 $48湯底比較濃稠，麵質好掛汁同彈牙，花生香十分特出，但比較容易食膩🥢咕嚕蝦仁 $86蝦仁好掛汁，份量幾多下，一口一隻🥰🥢松鼠魚(龍脷柳) $98啖啖魚肉， 個汁酸酸甜甜幾開胃，但略嫌太多汁，有點蓋過了魚嘅鮮味～🥢桂花酒釀丸子 $18小丸子口感軟糯，桂花散發出清香嘅味道，甜而不膩😳

嗰日同啲朋友傾開，佢話去咗老掌櫃食飯，啲懷舊金曲好正🤣今晚一於入去食😋啲野食都唔貴，坐得幾舒服。真係有許冠杰聽😆I like!!!!估唔到餐廳晚餐都唔使加一，但就每人$5茶錢，咁我覺得都係值嘅，因為啲茶真係幾好飲。我叫咗以下食物：🟡咕嚕蝦仁HK$ 86呢個係屋企人想叫，開頭我麻麻地想食，因為驚太甜，點知完全唔會，整得好好!! 比起平時食開嘅咕嚕排骨更加好食🤤估唔到甜酸醬同蝦仁會咁夾，蝦仁頭一層有少少脆脆地，入面蝦仁好彈牙。份量好多，絕對夠食。🟡回鍋肉$86呢碟餸好惹味呀!!材料好豐富有唔少菜同肉 辣辣地咁好開胃😀🟡排骨擔擔麵HK$ 58呢個朋友極力推介我一定要食超級好食!!個湯底好正好濃郁🤤係我食過數一數二好食嘅擔擔麵!!!!!已經食到好飽都停唔到手呀🤤🤤🤤..排骨即係炸豬扒，飯量好多，炸得好香脆👍🏽🟡餃子 🥟 肉三鮮$50肉三鮮即係豬肉、蝦肉同韭菜餃子整得好好食😋果然餃子要新鮮食先好食之前叫過一次外賣，想講今次堂食好食勁多!!🟡凍豆漿$10一杯

叫了椒鹽黃魚和干煸四季豆 椒鹽黃魚完全無味道 不是煎 只是炸熟再灑一d炸蒜了事 完全無椒鹽味 甚至乎蓋不過急凍魚既魚腥味 而干煸四季豆 也只是淥熟四季豆再加肉碎 非常難食 椒鹽黃魚的魚腥臭味 根本食唔落口 怪不得 生意越做越差

今日突然片皮鴨癮起，搵下元朗邊到有得食，見到位於富達廣場嘅老掌櫃未試過，仲要無加一服務費就試試片皮鴨半隻雖然係半隻，但係片皮鴨份量驚人，片皮鴨外皮金黃酥脆，肉質鮮嫩多汁，讓人一舊接一舊一口，回味無窮，餅皮夠薄身，朋友都激讚另外試咗京式醬牛肉，搭配特製的京式醬汁，酸味道甜中有微辣，醬香有層次，肉質鮮嫩，口感豐富，！食得東北菜一定要叫餃子🥟，餃子種類都好多，不過作為韭菜Lover，直接試下韭菜豬肉，餃子粒粒飽滿，爆哂湯汁，唔怪得枱枱都叫高力豆沙高力豆即炸即食，豆沙餡唔會太甜，蛋白煙煙韌韌好得意😊❣️元朗西菁街富達廣場地下19-23號鋪

早幾日入到元朗搵朋友食飯，佢話帶我食特色野，原來係呢間東北菜😋之前係荃灣見到都想試下架啦，終於可以食到！1️⃣ 🥩 孜然大蔥牛肉 ($ 86)一上碟就聞到超香孜然味！喜歡食孜然粉既一定唔可以錯過！牛肉都好大塊，醃得好香，煮完出黎都唔韌，而且大蔥無辣味👍🏻👍🏻2️⃣ 🍗 宮保雞丁 ($ 86)因為想食炒飯，所以叫左呢樣好岩送飯既餸食🤪呢度既宮保雞丁帶有甜辣香味，雖然好多辣椒，但唔算好辣，幾開胃😘而雞丁份量都好多，配埋花生一齊食好夾😝3️⃣ 🍲 糟溜魚片 ($ 86)食左啲比較重口味既餸之後就叫番碟清啲既😆😆呢碟餸係出面既餐廳都少啲見到，食落左淡淡既酒糟香味，魚柳煮得好滑，清清地但又唔係好淡😋4️⃣🍚 東北農家炒飯 ($ 76)炒飯炒得粒粒分明，乾身爽口。加埋彈牙鮮蝦，同埋配料都好足，有蕃茄粒、青豆、粟米 蝦、木耳，令到成個炒飯既味道同口感更加豐富。😋😋5️⃣ 🍡 桂花酒釀丸子 ($ 18)桂花酒釀丸子都係我地好鐘意食既甜食之一，呢度既丸子都無令我地失望😍桂花味好重，仲要有埋蛋花，丸子夠煙韌😝

【環境/服務】餐廳空間感大，樓底高，即使位置多，都吾會覺得有狹迫感。店員服務態度吾錯，回應快，吾會hea你.【尖椒炒蛋】蛋炒得好鬆軟好嫩滑，而尖椒既微微辣味同清脆口感，增加左炒蛋既層次感.【桂花酒釀丸子】集結左桂花既芳香同酒釀既醇厚，加上小丸子本身口感綿密細膩，甜甜的又帶淡淡既桂花同酒釀香氣，必食推介!.【高力豆沙】由於係即叫即製的，真係熱辣辣上枱既。皮餅酥脆鬆脆，漲卜卜的，中間係豆沙餡，加上砂糖既粒粒口感，好邪惡.【排骨擔擔麵】排骨同擔擔麵係分開上，呢點值得讚下。麵底質地彈牙有嚼勁，掛到濃郁既麻醬汁，又吾覺得膩，仲有吾少肉碎添。而排骨厚度岩岩好，炸得好香脆.【東北酸菜餃配刀削麵】以酸菜為主，加上豬肉既鮮美，既有肉香又帶酸菜香氣，食落特別開胃.【ZERO】.【整體用餐感】2百幾蚊就食到3款主菜，仲有甜品，性價比不錯，而且東北菜係香港吾算多，食厭左西日式菜，想轉下口味，呢到係個吾錯既選擇

突然好想食片皮鴨，5點幾打去問可以book 定7點，順便留定半隻片皮鴨🦆 除咗留定個半隻片皮鴨要另外叫職員上菜，其他可以用QR code 落單，冇另外收加一服務費，不過每位要收茶錢，總括黎講味道算不上好好食，但份量多，同類型中菜館黎講性價比算高👍📌北京填鴨 (半隻) $168半隻片皮鴨會跟12塊餅皮， 餅皮就咁用碟裝住上，一上嘅時候已經唔算熱焫焫，加上冇野蓋住，好快已經凍哂😅 片皮鴨方面份量都多，一早廚房已經片定用碟上，唔係好似平時酒樓咁即場片，鴨肉多過鴨皮，肉質偏乾，不過鴨皮都夠香脆，搭配埋青瓜、京蔥同甜醬都OK嘅📌麻辣海蜇 $70海蜇份量唔算少，不過味道偏淡，唔夠入味📌韭菜豬肉餃 (10粒) $48大大粒好足料📌秘製杭州骨酸酸甜甜好入味，送飯一流!📌乾煸四季豆四季豆加埋入味肉碎炒到淋身，好香好惹味，都係送飯之選!

不嬲都好鍾意食片皮鴨☺️終於搵到間超級抵食嘅片皮鴨餐廳，鴨嘅份量好多，差唔多每一台都有叫。另外佢哋嘅小菜份量好多好抵食。片皮鴨 (半隻) $168上到嚟真係嚇親，因為鴨嘅份量真係好多好多，夠4個人食。佢哋嘅片皮鴨唔算肥，唔使擔心太多脂肪，如果口痕又驚肥嘅人就啱晒！鴨肉肉質厚實，唔會太老。鴨皮香脆，帶油香，加上大蔥、青瓜，特製醬汁一齊食好好味😃京式醬牛肉 $78原來係凍食😃牛肉上面有少少酸菜配上醋汁，食落酸甜開胃，牛肉係牛𦟌位，食落口感十足。肉三鮮（10隻）$50除返開都係好抵，每粒都大大粒，皮軟滑😚😚打開入面每一粒都有蝦，落少少醋已經好好食！高力豆沙本來唔太知係咩😀原來係蛋白包住豆沙，再輕輕炸。豆沙唔會太甜，蛋白彈牙❤️❤️❤️👍🏻📍 老掌櫃東北菜館 (富達廣場) (元朗)元朗西菁街23號富達廣場地下19-24號舖

元朗搵食，去西菁街一定有一間啱口味！其中一間裝修紅噹噹嘅東北菜館，係少有東北菜。東北菜除左以羊肉為主外，餃子及麵食都係主打。以前係大角嘴食過一次，味道印象深刻。今次經過元朗再訪，味道依然🥰🔸京蔥羊肉餃子 $52/10隻傳統厚實餃子皮好正宗，羊肉味濃又足料，性價比高！🔸京蔥羊肉 $138羊肉連皮炸得香酥肉脆，油脂豐腴散發陣陣羊騷味😌咬落皮脆肉多汁，必點👍🔸豆角燒茄子 $76份量好足，醬汁香濃惹味，好想叫碗白飯。🔸蔥油肉絲拌麵$48香蔥炸出蔥油配上自家調味醬汁，配上白麵條。夏天食好開胃。

第三次食依間老掌櫃今次依舊都係食片皮鴨半隻半隻份量其實相當多，2個人基本上都食唔完，一半都已經超飽。鴨肉金黃酥脆，皮薄肉嫩，一排排整齊的鴨皮看起來十分誘人，食落滿口油香。第二道菜是桂花酒釀丸子糖水，這是一道非常特別的甜點。我們都知道丸子和糖水是中式甜點中常見的組合，但加入桂花酒釀卻讓這道菜別具一格。丸子吸收了桂花酒釀的香氣，口感酥脆外皮中帶有糯米的香甜。糖水則帶著淡淡的甜味和麥香，與丸子形成了絕妙的味道組合。這道甜點不僅美味，而且色澤金黃，看起來十分吸引人。品嚐這道菜令人回味無窮，讓人在舌尖上獲得一絲絲幸福感。

東北菜比較少見，難得響元朗開左，就去試下～欖菜肉鬆炒飯 $76飯粒粒分明～料都好足👍🏻Btw炒飯份量大到呆左三個人先好叫一個飯🫣😂醉雞 $78醉雞酒味岩岩好呢到嘅醉雞酒味偏甜好易入口同埋最緊要肉夠嫩哈哈～北京填鴨（半隻）$168片皮鴨啲皮好脆！真係要趁熱食！d皮都好薄但又唔會一放料就爛😂👍🏻下次再黎一定會再叫片皮鴨～見基本上每枱必叫餐廳推薦程度：🔆🔆🔆🔆🔅（5個🔆為滿分；🔅為半分）

高質抵食片皮鴨🦆～ 最近成日去元朗 試多咗元朗唔同嘅餐廳 今次呢間係分別係大角咀同荃灣都有分店嘅老掌櫃👲🏻 點餐係用QR code 可以一眼睇曬總共嗌咗幾多錢 夠方便💨• 北京填鴨（一隻）$298 🦆 4/5老掌櫃必叫之一 一隻鴨會跟24塊餅皮 餅皮就咁用碟裝住 又唔會話特別凍得快嘅 鴨片方面 份量好多 有兩大碟 當然啦呢個價錢就唔會過分期待佢嘅鴨肉肉質 肉質的確偏乾（始終唔係酒樓式即片）但味道係唔錯！ 餅皮鴨肉加上青瓜蔥絲同片皮鴨嘅靈魂 甜麵醬 超級滿足 呢個價錢簡直係超值 食多一碟都唔會肉赤！😆❤️• 松鼠魚（龍脷柳）$88 🐟 3.8/5佢都好誠實咁講呢條係龍脷柳 魚肉就當然係軟身冇骨 最正係佢嘅炸皮好脆 調味好好 唔會過咸 加上酸味味嘅糖醋汁 好食！• 肉三鮮 （十隻）$44 🥟 3.5/5肉三線水餃嘅餡料有韭菜、豬肉、蝦肉 餡料冇欺場 隻隻脹卜卜 可以一戰嘅（利申我唔中意食韭菜 得男朋友同屋企人話呢個好食）• 酸溜土豆絲 $62 🥔 3.9/5個人認為呢碟土豆絲都係老掌櫃必點 爽口嘅薯仔絲 加上酸咪咪嘅醋汁 好開胃！ 片皮鴨食得漏可以用黎中和下 完美解膩 又可以食多幾件啦～✌🏻

老掌櫃東北菜館元朗多野食就係人都知ga la😝。身為大西北朋友既我引經常落元朗覓食！無意間比我發現一間食東北菜既餐廳🤩。說實話，我真係唔太常見到東北菜，亦好少食到，見餐廳食品價錢都幾抵，即刻比佢吸引左。肉三鮮 $50/10隻我個人非常鍾意食餃子皮帶有一點厚度的東北水餃，雖然說皮是比急凍水餃的厚一點，其實不會很厚，餃子皮煙韌有彈性。用料大方，肉餡滿滿的，因為其中有蝦仁所以很鮮甜，很好食！脆椒香雞 $86雞件炸得十分酥脆香口，再加上辣椒和花生一起爆炒，雖然眼見有很多辣椒，但食起來其實只有一點點辣。真是一道最佳的下酒菜！孜然大蔥羊肉 $96喜愛羊肉的我，見到這道菜就已經即刻雙眼發光。薄切的羊肉片加上大蔥在以孜然爆炒。羊肉完全冇蘇味，加上大蔥的香甜，真想來碗白飯。而且分量十足，我們吃了大半已經吃不下，要打包返屋企🫣♥️。喜歡羊肉的朋友一定要試試！四川擔擔麵 $48湯底非常濃郁，麻醬香氣撲鼻，一喝下去有一股很濃厚的花生香在嘴裏散開！麵條則是相當細的幼麵，但是很有彈性又滑溜，沾滿了湯汁吃起來非常過癮。油潑麵 $44因為未見過所以想試下😆。原來就是辣椒+蒜泥+油既拌麵。鹽可能放多了一點，略咸了一些，但