老廣味小排擋 (已結業)

以前常常經過但無幫襯過。今日係3年以來再經過，竟然仲喺度，就幫襯下無骨海南雞飯連例湯。估唔到雞好滑，豉油好味。$46絕對對得住價錢。墊底嘅芽菜也不錯！例湯係南瓜紅蘿蔔，唔淡仲好清甜。男店員s好有禮貌親切。下次有機會經過會再買。

一直都想寫食評講吓老廣味小排檔嘅兩餸飯，點知次次都唔記得影相，一打開個外賣盒就開餐!每次去到老廣味，佢地都會用記得起你嘅街坊口吻話....."又見面喇""今晚想食咩呀?"女友小熊就認為佢地真係認得到我地倆條友，我就有D保留，不過.... 咁高明嘅銷售人法當然要俾個讚啦!老廣味嘅兩餸唔算平，相比起岱民無敵低價25蚊相差成13蚊，扣肉重要加錢!所以.... sorry.... 唔會日日嚟幫襯.但係.... 佢地嘅豆腐蒸魚實在太嫩滑太好味，久不久就令人想念而去幫襯.魚肉用上龍脷柳，放上豆腐上面蒸，再打個茨汁，簡單但好味，哩款菜色其他兩餸飯唔多見，可能易爛處理麻煩吧!另外今次點咗豬手，魚香茄子同蘿白牛腩，豬手入味可惜豬毛有D未燒乾淨，魚香茄子當然無咩魚香味，哩個問題都唔係單單發生係老廣味店上，蘿白有一兩件味道過重，牛腩有點韌，真可惜.....最好味嘅竟然係例湯，足料而且味道偏甜夾自己口味！原本想支持吓D小店，但餸菜失色之餘價錢又有D貴，只可以俾個 okay.

三餸飯，平，靚，正！ 款式多！ 兩位哥哥仔都好有熱誠 去招待每一個客戶 。 區內有好多其他三餸飯供應商，但味道不及尼一間 ... 分量亦都非常之十足。 我仲要求張飯減半， 喜歡吃住家菜的人兄，不妨 到巴路士街”老廣“一試。推介

With the pandemic and all its restrictions, up and coming restaurants have geared towards take away. One that has become extremely popular is "Two Dishes One Rice". There are so many of them! And more opening as I type. Once found only among the working class, due to pandemic dining restrictions, many people of all walks of life are ordering from there. The concept is simple. They offer a choice of two mains and one serving or rice for a set price. And prices are very cheap. Majority under $40.

成日出街都冇菜食於是諗住去食素菜點知附近有間素食店個三餸飯5:00就冇於是周圍行路過呢間兩餸飯見到好多款揀價錢好實惠$36有兩餸飯就入去試一試佢揀咗好耐先揀到馬拉盞芥蘭同咕嚕雞球由於本人皮膚敏感唔係好食菠蘿問老闆可唔可以少啲菠蘿老闆非常好禮貌又善解人意話：哦，即係多啲肉。冇問題呀！我聽到一樂買完坐低咗先發現原來有湯送兩個餸都好好味馬拉盞芥蘭好夠味，只係唔係好夠熱咕嚕雞球好夠味，雞球又滑又抵食又健康有機會會再嚟

6點幾收工有啲肚餓，想食少少野，由灣仔行落銅鑼灣，都未諗到，行過依間鋪頭，俾一把嬌滴滴嘅男人聲吸引住「你好啊，好靚嘅飯餸阿」我睇一睇個餐牌，$36雙餸飯，$44有三餸，仲包埋湯；再望一望間鋪頭新新淨淨，好乾淨企理。揀咩餸好呢？揀餸同揀老婆都差唔多，揀錯就只能硬食。咁有時又可能錯有錯著，好難講。今次我就都幾蠢咁揀錯左依三個餸：魚香茄子，蕃茄炒旦，椒鹽豬扒魚香茄子喺屋企好難煮，因為你唔會捨得落咁多油咁多鹽，所以mcmug媽整極都整唔好食😂呢度啲魚香茄子夠味但唔會太咸，用嚟送飯都幾好。蕃茄炒蛋喺屋企好易煮，但係如果有返過大陸都知道，大陸嘅蕃茄炒蛋同香港完全唔同，當然佢哋都係落好多油好多鹽。但幾可惜依個蕃茄炒蛋唔係我想象中嘅味道，啲汁有啲似咕嚕肉嘅汁，普普通通，唔係大陸式嘅「西紅柿炒蛋」椒鹽豬扒係屋企唔會煮。講到尾又係嘥油。佢今次比嘅豬扒份量唔太多，食落唔會太咸，醃得幾好，重口味得黎唔係得個死咸。其實好多大排檔都做到好鬼難食（愛民生都係幾麻麻地），呢度三餸飯黎講算合格。佢碗湯都幾淡下，但熱辣辣，我幾時都講飲湯最緊要熱，唔熱嘅湯，就算味道幾好都嘥氣。臨走嘅時候見到老細嘅老婆帶住兩個女返嚟，兩個女

今日在灣仔工作好肚餓🥺想食飯經過英皇中心之後站在街口准備搵間餐廳買嘢食見到有個檔口有十個八個OL 排緊隊就行過去睇吓原來係兩餸飯睇門面應該係新開排隊到我后生仔站檔買嘢有交流態度好親好見到有海南雞又有好多炒小菜款因為太肚餓所以叫咗個番茄炒蛋，肉餅（多飯唔該😂）排隊到俾錢走人3分鐘左右36蚊幾好番茄（新鲜）同蛋的份量配得很好汁又开胃好送饭😂冬菇蒸肉餅滑同其他地方相比好好多份量足食完舒服晒😌明天一定要去試海南雞