老川皇

营业中

休息中

今日心血來潮，想食啲辣野醒下胃，於是我就約咗好姊妹去咗老川皇麻甩一下，已經係星期一去，都要全場爆滿，好彩都係等咗10分鐘到。下次你真係要book位先黎，呢間野主打食川菜，每個餸嘅辣度都可以自己揀，啱晒我哋呢啲又想食辣但又怕辣嘅人。我哋兩個嗌左個水煮魚，魚肉好香滑，好似好辣咁但係食落完全唔係勁辣，唔會話辣到食唔到。另一個就係辣子雞，你唔好比呢碟野呃到，啲辣椒又係唔辣，將啲雞粒炸到脆趣再加辣椒炒香真係超級好食， 啲雞骨炸到脆晒，連骨都真係可以食埋添啊。另外嗌咗牛展，滷水味好入味再加埋大量嘅芫荽，夾埋食真係天衣無縫。兩個人食三個餸飽到反肚，另外嗌返兩個白飯撈埋食

疫情期間有排冇得上深圳食辣嘢，嗜辣的我是日揾咗呢閒就脚的開飯熱店，果然沒有令我失望！地點在油麻地附近的商業大廈二樓，沿雲石樓梯上兩層便是。環境企理開闊，雖然午市幾乎滿客，但一點都唔會覺得逼，二人卡位都有好幾個！午市套餐有非常豐富的選擇，本身一心想食水煮魚又擔心太大份食唔到其他嘢，點知午市套餐都有得選小份水煮魚($58), 啱晒我心意。魚片非常嫩滑，中辣對我來說已經夠麻夠辣。鍋底墊了非常多豆芽菜。另外點了午市夫妻肺片餐($50)，份量亦不小，調味非常正宗，麻辣香十足，有牛肚，牛脷，配上大量芫荽，非常過癮。最後點了紅糖糍粑($30)做甜品解辣，新鮮炸起，煙煙韌韌，和在正宗重慶火鍋店食到的一樣。

上個禮拜我哋六個人一早訂咗枱，因為知道旺角佢都係比較多人，上到去門口都要等10分鐘先至可以入得，不過唔緊要。我哋六個人都好食得辣，叫咗好多餸，不過每一樣都比較鹹，同埋座位比較迫，但係大致上味道都似四川野，不過鐵板茄子就真係差，啲汁好杰，同埋玻璃透明嗰種，食落去唔吸引，同埋其實我哋叫咗中辣，所有嘢都唔係真係話好辣，我哋覺得可以再辣一啲，同埋佢冇其他粉面叫嘅，主要都係小菜，總括嚟講，所有野都可以，但味道可以再調校一下

老川皇📍.呢間係E.L會encore既其中一間川菜店🌶雖然裝修就唔算好靚 但都算企理而食物既味道就以濃味為主 水準唔錯 好多小菜都好有穫氣🔥比較岩啲鐘意濃香惹味啲既朋友💁🏻‍♀️.每次必食🌶水煮魚（$132/斤）辣椒好多 味道夠哂濃 麻辣香味兼備魚片都幾滑溜 但普通版就比較多骨🐟如果budget多啲同唔想甘多骨既朋友建議揀桂花魚 會無甘多骨🙈.另外都order左幾樣小食包括🐷泡椒豬手（$28）🍆烤茄子（$28）同串燒泡椒豬手係辣椒味味濃🌶食落幾過癮茄子同串燒燒到香氣撲鼻 加埋面層既調味辣份 非常惹味🤤.另外仲有涼拌萵荀絲（$36）同鐵板炒粉絲（$72）萵荀清甜 鐵板粉絲夠穫氣🔥整體表現不俗 而且價錢合理鐘意食川菜既朋友絕對值得試下👍🏻.人均消費：$180美味指數：😋😋😋😋😋😋😋😋（8/10）抵食指數：💰💰💰💰💰💰💰（7.5/10）打卡指數：📷📷📷📷📷📷📷📷(7/10）.店名：老川皇 (旺角)地址：旺角登打士街32號歐美廣場1樓.

突然想食川菜，上openrice睇呢間menu選擇多，價錢又ok就即刻book,雖然正值疫情期間，但係都唔冷清。炸饅頭 (點解我會唔記得影相架！)好耐冇食過炸饅頭，諗住當是日澱粉質食下，一食不得了，好好食！完全推介，真係平靚正，兩個女仔起初叫半打，後尾忍唔住又叫多半打🙈你就知我幾鐘意佢！完完全全外脆內軟，仲要超香，滿足我對炸饅頭嘅所有要求辣子雞望落好大碟，滿滿嘅辣椒，但食落其實唔係真係話咁多，佢嘅雞炸得非常香口乾身，可惜size太細，炸乾水分後縮水縮到唔太食到肉，如果唔係應該好正，因為個味道真係好。酸菜生魚片稍嫌有啲個湯酸辣味唔夠濃，魚片係肥美的串燒叫左茄子，牛肉同丸。除左茄子正常之外，其他都唔推薦，牛肉相信係因為川式烤法，肉質同味道都同港式差別非常大，有啲牛肉乾feel,個人覺得太韌同太乾，仲有上嘅時候已經落左大量知然粉，基本上就係調味料味。涼拌窩筍絲口味做得岩岩好，唔過辣，好爽口，不錯嘅開胃菜飲埋野埋單五百幾，飽到傻左，仲要食唔晒，其實唔貴，性價比有的，每樣野味道都唔錯，完全唔伏，想食川菜不妨一試~

不嬲都好中意食辣野，呢日又黎到旺角食老川皇，感覺真係好爽！呢排食得太多酸菜／水煮類食物，所以就叫左烤魚試試佢！ 我地坐低左冇耐間鋪都逐漸多人，坐冇半個鐘都FULL埋見到出面有人要等位~我地叫左芒果沙冰同埋椰汁珍珠~全部野都唔會太甜,芒果沙冰都飲得出佢係好新鮮,好香果肉味! 除左叫烤魚我地都叫左D串燒, 有燒蠔,貴妃邦,茄子等等, 全部都好夠味! 食極都唔夠喉想再食!!! 串燒上面D 蒜真係好正! 愈多愈好食! 同埋串燒唔辣唔好食!一定要叫辣,少辣都好夠吊吊味! 另外叫左侈牌鴨, 呢樣就冇咩特別, 可以主力試番串燒烤魚同酸菜/水煮類食物~小菜我地就冇叫, 不過見到人叫個樣都好似唔錯! 再下次黎會試試佢! 終於到烤魚出場,人多既關係我地都等左一段時間,想食好野都係要等下,哈哈! 烤魚夠哂入味! 勁正! 入面仲要有勁多芽菜,寬粉等等! 成條烤魚都真係份量十足, 食極都仲有! 份量同味道都對得住個價錢! 一個字爽呀!!!!

疫情中都好多人等位，好彩貼心門口有得坐。可能太多人嘅關係要齊人先可以入座。餐廳位置方便行完朗豪坊行10分鐘都唔洗就到，餐廳入面環境乾淨又夠大，大枱細枱都好多一開始叫左串燒同前菜，串燒有紙俾你tick怕辣既唔緊要串燒可以揀蜜糖的。串燒又香又脆，前菜叫川北涼粉，涼拌土豆絲，蒜泥白肉。。。。好開胃之後我地叫左酸菜魚魚夠滑唔會唔小心有骨，個低有芽菜亦都好入味。唯一不滿意係無薯粉係入面，變得入面好小野，食幾舊就食完咁。

今晚想食川菜 諗唔到去邊 又去左之前食過既老川皇🤤 同之前一樣都係咁多人食 都係要等位😆今次我地就試左麻辣香鍋同干鍋肥腸🤤 麻辣香鍋係我幾期待既一個餸 因為入面有好多材料 呢到既麻辣香鍋入面有蝦 魷魚 田雞 薯仔 蓮藕 椰菜花等材料 真係超豐富丫😍 香鍋材料走過油 好香口 蝦直頭脆到可以連殻食 但係唔會好細仔 一樣食到彈牙蝦肉👍🏻 揀左小辣 好惹味有麻香 辣得過癮👅 干鍋肥腸係一貫水準 肥鍋香口乾淨 鍋內仲有洋蔥青椒等 都非常入味😋另外我地仲試左一份紅糖糍粑 糖醬同黃豆粉係分開送上所以唔怕會淋哂 糍粑新鮮炸起 外脆內煙韌 甜甜的 很不錯🌟

爺爺話想出街食川菜同飯😂話我成日食魚生壽司，要食辣野去濕！應該係好耐冇返大陸，都係時候要搵返少少味覺既～老川皇旺角旗艦店係登打士街歐美廣場，寫住一樓，初時都誤會左上完一層樓梯就到，但原來係小甜甜，原來仲要上多一層，辛苦了老人家。我哋叫咗土匪豬肝，一斤水煮魚中辣。豬肝先到，薄切嘅豬肝，連埋芫荽同西芹一齊食都好香口。爺爺話青色既叫野山椒，好辣架要小心。之後就嚟咗一大盆水煮魚，個容器比餐牌嘅靚好多喎😂整體來講，唔夠過癮，中辣唔夠辣，唔麻，可能見到嘅辣椒種類唔算多，辣嘅層次都相對唔多。魚片要讚下整得鮮嫩滑溜，但係好多骨！ 米飯雖然唔係好靚，但有大量芽菜，索埋啲辣油好好送飯。其實都煮得算出色，今次食得少，下次再嚟試真啲，食下大辣先～

黎到老川皇，梗係唔少得食辣喇，本人覺得佢既辣都算係正宗四川咪種辣，唔似得湖北果隻辣黎，猢辣比起川辣既分別係川辣有種後勁果隻麻，所以特別正。座位方面，十分之開揚，始終舖頭面積夠大，所以枱與台之間話有1.5米距離真係唔難，座枱仲有張紙隔一隔張枱，所以感覺都幾乾淨。燒雞皮，呢度既燒雞皮唔似出面咁，燒完出黎仲係好油，呢度就係收乾曬d油，同食落好脆好香。燒雞翼，外皮好脆，內裏仲保留住唔少肉汁，加埋d辣椒粉仲調味，真係一流。主角方面就係烤魚，呢隻魚魚骨好少，而且就算有都炸到好脆，好容易咬到，好似多春魚d骨咁，辣既程度就岩岩好，唔會太辣蓋住左魚既鮮味，又唔會唔辣變得唔好食。另外，好推介大家叫杯椰汁黎解解難，食落就岩岩好。

今日放早，夜晚要上堂~~上堂之前就同朋友食d野打底先xpp記得之前食過呢度既午餐唔洗加一都幾抵食！！雖然晚市要加一，但價位都唔高，小菜熱炒平均都係六七十蚊就有交易，所以愈食愈多人，最後仲見到有唔少人係門外等位~~因為晏d要上堂，所以都唔敢食太飽，怕會飯氣攻心xppp之前午市黎到已經想試下呢度既串燒，但果時店員告知要晚市先有，所以今次就決定要點返幾串試下：)朋友就話最中意食呢度既樟茶鴨，佢話每次黎親都必食！！！因為朋友話自己可以包底，所以我地要左一隻，份量都真係有返咁上下~~而鴨既味道有d似煙燻肉咁，外皮就有酥脆既感覺，好易令人追住食xppp因為我地都想食d菜，所以就要多碟萵筍炒臘肉一齊share~~而個萵筍臘肉就超夠鑊氣！！！我地要左小辣，唔算好辣但好惹味！萵筍食落爽脆，閃下眼就食晒xppp串燒因為係即叫即燒，所以就最後先黎到未食就經已聞到混合左孜然味道既香料=]]雖然味道稱唔上係驚為天人，但以價錢黎睇，CP值不低，平均10幾蚊就有一串！！加上有平日少見既墨魚嘴，超有咬口，正~~而原條既粟米都係10蚊，完全滿足到想食串燒既癮xpp呢d串燒小菜真係配酒一流，可惜食完要上堂就廢事飲酒~~不

今次男朋友來接收工，想吃麻辣剌激一下味蕾，所以帶他來試一試這家老川皇，之前和朋友來試這家的lunch set後一直念念不忘，好想試試這家的晚餐。疫情期間人氣依然超強！我們都要等一下位先入座呢~位於歐美廣場，環境寬闊有卡位，大圓檯，環境乾淨，這裡的衛生做得不錯呢~我和男朋友都是魚控~~嘻嘻~~吃麻辣吃水煮魚是必然之選，只要有水煮魚就一定會試！水煮魚片這道菜就可以滿足我和男朋友這2個麻辣迷，份量超大的！足足有一個面盆這麼大！由於豆芽完全吸收辣湯湯汁，湯面有滿滿的花椒，食起來會食到啖啖辣味和滑溜魚片好正呢！我和男朋友將這道菜完全清光光哈哈~夫妻肺片原來這道菜有2款肉類包含其中，有牛肚，牛舌~食的時口可以一試2種口感，夫妻肺片上還有灑上芝麻、香蔥碎、芹菜等~~更添香味呢！醬料含有多種香料的複合香氣，濃郁而具有回味，配軟糯又熱辣辣的米飯，好滿足啊！口水雞份量好足啊~~雞做得皮夠爽，肉也夠嫩，有彈性，不霉亦不嚡，而且醬汁味道夠層次，麻辣、酸、鮮、香，兼而有之，非常惹味啊，我們點了中辣，可因應自己口味和店員下單時加強辣度哦！單是菜式已經夠正宗，食物種類又夠多，已經值得我們再次捧場及支持啊！ 📍店名：

媽媽節前幾晚，女皇大人突然辣癮起話要食川菜……所以呢日就等埋大帝收工上黎呢度開餐~~好彩我地七點前黎到唔洗等位，因為到左7點半已經滿坐！！！雖然女皇大人話要食川菜食辣野，但佢個女既係我，偏偏食辣既程度只有bb級，所以我一黎就話要食“樟茶鴨（一隻）”HKd$168+10%，呢味就一定唔會辣xpp跟住女皇同大帝就各自揀左一款小菜：）呢度既菜式都可以選擇辣既程度，為左我都食到，所以我地都只係要左微辣~~女皇所嗌既“蒿荀臘肉”HKd$70+10%先到，雖然有唔少乾紅椒係面，但味道又唔算太辣，連我呢個食辣bb級都可以食到！！！之後我最期待既樟茶鴨都黎到啦~~~平日係其他菜館要成二三百蚊先有交易既樟茶鴨，呢度加埋一都唔洗二百！！而且份量無偷工減料，味道都相當唔錯性價比好高~~最後就到大帝所嗌既“干鍋千頁豆腐”HKd$72+10%！！！一鍋上既千頁豆腐氣派十足~~雖然同為微辣，但可能因為熱住食，加上千頁豆腐好吸味，感覺上會較辣！！！呢d咁惹味既餸菜，真係食多碗飯都仲得呀xppp呢度仲有鮮榨果汁可以order，岩曬用黎解辣~~~~

今日興起想食辣嘢就去到旺角近油麻地，歐美廣場3樓呢間老川皇。呢度嘅lunch set真係抵食夾大件！😆😆先嗌咗一個水煮牛午餐，上枱直情”嘩”咗出嚟，勁大兜！🍵🍵🍵🐃牛肉滑溜而且入味，配菜亦好多！呢個價錢可以食到呢個份量真心抵到爛👏🏻👏🏻👏🏻鐵板茄子上枱嘅時候咋咋聲，令人食指大動。個醬汁濃郁惹味，茄子煮得夠淋身，吸曬啲燒汁，用嚟送飯一流！最後重試咗尖椒皮蛋，味道唔會好辣，分量都幾多 不過就冇茄子咁出色。留意返呢度啲飲品偏甜，飲開少甜嘅朋友記得同職員講要超少甜就會啱啱好🤣🤣🤣

天氣開始轉熱…最啱就係食下辣野…又開胃…又可以去濕…😂近幾年香港多左好多川菜餐廳…老川皇都算係其中一間比較多人去既餐廳…就算而家疫情都好多人等位就知呢間野唔錯…之前試過水煮魚…今次就試下鮮花椒…魚類有鯇魚…鱸魚同桂花魚…姐姐話鯇魚就脆口…鱸魚同桂花魚就滑d...最後揀左桂花魚…因為之前試過水煮魚份量都多…所以係咁二加d串燒同一個涼麵先🙂涼麵先到…唔記得叫走花生😅😅。 夏天食涼麵最正…有種透心涼既感覺…麵質幾煙韌…個汁麻麻辣辣好正…花椒魚份量依然多…成條魚起哂魚肉…好方便食…啱哂唔識圇骨既我😄…魚肉好滑…個湯有麻又有微辣…帶少少酸…好開胃…仲有蘿蔔同醃製左既萵旬…食到大半都開始飽飽地…食到咁上下之後串燒就到…所以應該即叫即燒…點左雞翼…雞軟骨…豆皮…墨魚丸…韭菜…調味都係用孜然粉…辣粉…好有大陸街邊串燒既味道…😍😍所有野食都唔錯…推薦涼麵👍👍最重要價錢合理…加埋杯凍檸樂都係3XX