10
9
5
以上资料只供参考，请与餐厅确认详情
食记 (26)
午膳於灣仔Le Fauchon，餐廳分室內及室外用餐區，相較中環分店，灣仔店的裝潢causal一點，或許是酒吧餐廳的緣固吧。 午市有五六款午餐，約八九十元一客，價格水平和附近西餐廳相若。 先來的麵包籃只有一款麵包供應，放涼了，口感帶點硬，不甚吸引。接下來的是薯仔沙律拼甘荀忌廉湯的頭盤，份量恰到好處，薯仔沙律幾好食。主菜選了海鮮意大利飯配龍蝦汁，賣相中規中矩，海鮮只見青口一只，其餘的海鮮如蝦、蜆肉及魷魚等，大小只如尾指指甲般大小，認真細小了一點。味道方面，海鮮味道並不突出，幸好龍蝦汁還能給予應有的效果。意大利飯飯粒短身飽滿，口感煙韌，都OK嘅。整體來說，此碟菜式並未值得推介。甜品有一小件朱古力蛋糕，標準水準。餐飲凍奶茶茶底一如大部份西餐廳一樣，並不太理想，還是點選咖啡穩妥一點。
继续阅读
The restaurant is on a rooftop and it is now the perfect time to eat outdoor.I ordered the soup of the day, which was a little bit blend.My friend had the escargots which were apparently very good.The came the main course and we both had the risotto with seafood, which was good.Desserts for me was again, a little bit disappointed. I had the pavlova with mixed berries, and the egg white came in a very hard cone with almost frozen mixed berries.... But for my friend who had the chocolate pudding, it was apparently very good again!
继续阅读
同事介紹呢度d dinner set 好底食, 果然係真, 味道又好。今晚就同屋企人分享下。 蝦湯鲜甜, 當中有蟹子 前菜揀左焗田螺 主菜有大蝦墨汁意大利飯&醋汁燒鴨腿 甜品分別係薑汁同藍莓味既souffle
继续阅读
老婆早輪同朋友去飲酒,做了會員,所以今晚約多兩個friend一行四人去食晚飯.(會員有三送一優惠)外觀唔錯,我們坐outside,感覺幾好.睇餐牌食物ok,唔貴.(睇落去就知...!)等朋友來到一齊叫野食.(我倆先到飲住紅酒等)頭盤係沙律,我點生牛肉沙律,老婆同朋友分別食炸蠔同凱撒.(都係沙律)牛肉味道幾特別,但我鍾意,好味.老婆的炸蠔都好食,蠔味道好突出,唔腥.整體上頭盤沙律係good!到餐湯,得我同一個朋友點,都係要蟹子蝦濃湯,有D喜出望外,我同朋友都大讚,兩位女仕當然聞風而至,試過亦都話正,令到我對主菜好有期望.好野黎啦!我點了炭燒肉眼,老婆食羊架,仲有意大利飯同牛柳係兩個friend要既,(詳細名稱唔講啦,我覺得冇必要,因為都係一樣)一件過熟既肉.先講羊架,叫七成,黎九成半,(我''失手''果次都好過佢)冇羊味,一D都冇.(喜羊者會明白)我的肉眼,叫六成,黎九成,仲有炭味.(果然係炭燒,冇點你)意大利飯我試了小小,不是我喜歡的味道,不過兩位女仕都話唔錯,(各人喜好味道不同,冇問題)老婆仲話下次黎要食哩個.(嚇...!下次黎...!)最後先講牛柳,因為'精彩',朋友要七成,黎七成,(冇問題呀!)係一邊九成,一邊五成.一邊牛肉乾,一邊血淋淋.(點做到架,唔係底面,係左右,嘆為觀止!)望住件扒你好相同佢講野:WHAT THE HELL ARE YOU. 但落單時係有問到要幾成熟喎!(原來係禮貌上問下)真係冇諗過衰main course.甜品我冇叫,但係個個都話好食.(我都信,我老婆條俐都有我七成功力)總結哩餐飯...沙律-7分.餐湯-9分.主菜-下次先講.(下次...?)甜品-7分.老婆見我咁,佢都唔係好開心,(佢叫我去)所以我決定俾多次機會佢,去多次Le Fauchon.(中環果間)P.S.原來中環貴灣仔差不多一百蚊一位,明白晒.(中環D食評好好多,果然一分錢一分貨)
继续阅读
星期五, 相信大家很多時都會出去食飯豪豪佢, 今次我地一班同事都唔例外, 今次揀左老富昌, 同事之前在中環過覺得不俗, 今次就來試試灣仔分店老富昌地點在灣仔soho區, 因為要上樓, 樓下又無招牌, 可能唔係咁易搵, 地點位於位宅大廈下, 可乘小型升降機上二樓, 或旁邊的樓梯上中午原來也頗多人, 我地訂左位都要坐露天, 當天有下雨, 還好我地既位有大遮遮蔭, 旁邊的幾位行政人員就沒我們好彩了, 食食下下雨要轉移陣地, 露天是一個很有趣的位置, 望過對面見到灣仔舊樓, 喜歡食煙更加可以大食特食, 難怪難怪, 不過露天有個問題就是會有飛來橫禍, 有隻小昆蟲高速飛落我隻杯來左個漂亮插水, 而且天氣太熱就最好不要坐露天了我叫左一各午市精選套餐 ($88), 同事則叫左行政午餐 (好像是 $148)頭盤先來幾客麵包, 雖然外國的麵包都是比較硬, 這裡的很正宗, 加上牛油後很是不錯什菜沙律配紅酒醋汁: 沙律菜很新鮮, 西餐廳的沙律就是這樣, 可紅酒醋汁有點失色, 如果有多一點果味如柚子等會更好行政午餐多左煙三文魚, 巴馬火腿蜜瓜, 炸蟹餅, 我沒試過, 不知味道如何, 不過同事話味道不錯, 應該不會差得去那是日精選餐湯: 羅宋湯很夠味, 酸味剛剛好, 雜菜也多, 是合格的羅宋湯主菜燒西冷牛扒配鵝肝醬燒汁 (午市精選套餐): 預先叫左七成, 但黎到真的好紅, 應該沒有七成吧, 兩塊扒是比想像中多, 其實真是算抵食, 但我看真的要留意一下火喉, 感覺真的生了點, 雖然我不抗拒, 但如果拎返入去再燒一定不會好食鵝肝醬燒汁只是普通燒汁, 可能旁邊的那一pat是鵝肝醬吧, 但我真的吃不出來配菜是豆角, 尚算新鮮無渣, 牛扒很嫩, 薄薄的也不會太韌, 牛味濃郁, 而且不會太肥, 有幸分到朋友的行政什餐, 我覺得這個午市餐更為好味, 也更平扒紐西蘭肉眼扒配青胡椒粒汁 (行政午餐): 分了一點朋友的來吃, 火喉真的差太遠, 肉眼燒得太熟了, 而且好多液體在面, 雖應該不是油份, 但賣相已經不討好了一吃之下, 真的燒得過熟, 如果這個價錢吃這件牛扒, 我會覺得這個executive set太不值了甜品蛋糕 (午市精選套餐): 有少少的咖啡味, 也有點朱古力, 蛋糕很實, 不是鬆鬆的那一款, 蛋糕算是不錯, 不過略嫌細了點蛋糕, 雪糕, 焦糖燉蛋 (行政午餐): 多了雪糕 & 焦糖燉蛋, 吃了一口雪糕, 奶味不錯, 不過露天的宿命就是很快溶, 焦糖燉蛋只是普通, 現在太多好吃的焦糖燉蛋了, 這個相比起來不算甚麼, 但以set來說甜品款式很多, 應能滿足不少甜魔如果老富昌是名店, 我會有點失望, 畢竟價錢火喉都有失準, 這個價錢 (尤其是行政午餐) 我可以有更好的選擇, 不過還好朋友有member card, 不然我會覺得這一餐真是不值呢
继续阅读