老友記到會餐盒專門店

营业中

休息中

今日應邀朋友在鄉議局舉辦的活動，幫忙做下場地工作人員。主辦單位安排了到會及西餅等給現場來賓享用。到會在預訂的時間前已經到達，我還擔心太早到會令食物凍哂，原來餐廳還安排了熱爐一邊蒸熱食物，就算在寒冷天氣警告底下都可以享受到新鮮熱辣的點心。食物以中式點心為主，有三款燒賣、粉果、雞翼、蝦餅等等，點心味道拍得住酒樓，其中蝦肉燒賣裏面有爽口蝦肉，香檸芝麻雞翼酸酸甜甜；蒜香金沙骨肉嫩不鞋口，其他食物都比較大眾化，款式都有十多款。餐廳還提供即棄餐具及服務員在場地幫忙，方便我們這些大型的活動。

公司受邀請到HSBC的MPF講座，當天同老闆一齊去到HSBC中環總行，聽完講座後，有些小食等給現場人士享用，初時以為到會都係普普通通，凍冰冰唔會好食，但看過食物之後即刻收返剛才的想法。食物方面款式都甚多，有冷盤，熱薰，甜品等。還有專人排開一杯杯的紅白酒及飲品，十分專業。冷盤方面有壽司、煙三文魚及火腿等，壽司味道正正常常，而煙三文魚就是我至愛，有淡淡煙燻香味。熱薰才是重點，有十多款，分別有芝士焗扇貝、蝦餅及炸雞、牛肝菌長通粉、燒牛小排、豬仔骨等等，不似一般到會一盤盤送到後就走人，這裏安排了幾個侍應好似BUFFET形式，全部有用熱爐去暖著食物，所以食落去熱辣辣，唔會凍冰冰，味道方面絕對有驚喜，牛小排拍得住外面酒店級數，肉嫩且香，炸雞保持到脆口不腍，牛肝菌通粉菌香十足，十分足料。最後唔少得就係甜品，有五至六款，外觀精緻而且又不會太甜。整體食物質素不俗，感覺上好似去食個小型BUFFET，麻雀雖小，但五臟俱全，最後我都問佢攞左張卡片，下次公司叫到會都可以一試。

朋友診所新開業、我們幫忙準備當天食物飲品等。因為要招呼近百人、我地上網找了老友記到會、聽說服務、選擇、價錢都不錯。套餐包括3小時1廚師及2侍應服務、送三友香檳、100隻仿真香檳杯和30隻仿真雞尾酒杯。當日賓客好開心、可以切乳豬、乳豬好大隻燒到紅卜卜、脆皮啖啖肉。小食有蝴蝶蝦、棒棒餃子、珍珠扇貝、鮮果串、迷你朱古力軟心撻、日式芝士卷、曲奇等。飲品亦包括紅酒、果酒、汽水等。總括來說食物選擇挺多、價錢合理。

早前陪屋企人參加家教會周年晚會，原來而家到會食品都好有水準好豐富，嗰晚我哋好多人，大家都好守規矩排隊，絕對冇唔夠食出現。當中我最欣賞雞翼、意粉，雞翼有唔同嘅口味，汁做得最好，飯都好食，玉蘭瑤柱炒飯，簡簡單單炒得幾有鑊氣，甜品不在話下，十分豐富，糕點軟滑但唔會過甜，食多兩件都唔驚！聽講呢間到會幾有規模，食物包裝得好好，準時到達，主辦人可以放心唔使煩，平嗰啲大集團，有機會我都會支持小店，需要到會可以考慮。

今日看到面書的動態回顧，想起幾年前的做馬拉松🏃🏻‍♀️🏃🏻‍♂️的幫手，當時要做渣打馬拉松賽前的簡報會，公司同事選了老友記到會餐盒專門店-提供飯盒比參加者當日老友記送貨好準時，令到活動得以順利進行，而且包裝得好好，送貨既人員都好細心同我地點算清楚 讚👍🏻一個個紙盒印上「老友記」的標誌，方便又衞生，今次叫了6款飯盒- 冬瓜火腩飯、馬來咖喱雞飯、燒鴨拼叉燒飯、粟米雞粒飯、茶遠肉片飯及蒜香茄子🍆牛肉飯，可能因為即煮即送的關係，飯盒比我想像中更耐熱，拎上手吾會凍冰冰外，仲係熱(好感動😢) 我食既蒜香茄子牛肉飯，茄子分量夠多，做到菜肉均衡，牛肉好嫩滑，而且好夠蒜香味岩哂我這種濃味人，惹味非常😋

聖誕節快到，無論公司或私人都有好多party，大家都難免會安排到會，記得年初時參加咗朋友公司喬遷之喜慶祝活動，佢哋用呢間老友記啲食物及服務都唔錯。送食物準時，包裝企理貼心，食物款式亦唔少，迎合潮流有沙律、壽司、凍肉拼盤、黑毛豬等。尤其欣賞芒果沙律杯，細細杯一人份量，食得好方便，凍肉拼盤很豐富，包括三文魚片、黑椒牛肉片、煙鴨胸片、無骨豬脾片、熟火雞胸片及蜜糖火腿片，魚、牛、豬、雞皆有，相信必有一款啱你，party 招呼人最緊要全面。有成80個人，全部洗費折左25,000幾，合理。

話說前兩日去大嶼山個浪高長岸參加婚禮 個view好靚見成日婚禮啲野食都做得好好 八掛下問到原來係叫到會野食款式又多 中西式 冷熱盤都有齊晒我見到嘅都應該有最少20款 樣樣都好好味我最鐘意就係佢地個bbq豬仔骨 又juicy 肉又嫩另外 仲有專人幫你即場bbq而且佢地好貼心 一路都會留意住 客人有咩需要咁仲有就係原來叫佢地好方便嫁叫左就會有專人幫佢地set 好成個場而且我見行禮嗰時 咩都未準備 行完禮入坐已經咩都齊好晒 好快手 如果將來我結婚 我諗 我都會搵佢地

民安隊60週年紀念酒會交左比公司同事Organise, 搵左好多間, 又問左好多朋友介紹最後搵左呢間"老友記"老友記既職員好幫得手, 最緊要好準時!!!又好有禮貌令到我地參與既人都投入同享受活動野食安排左迷你三文治, 蒸牛肉, 魚容燒賣, 鮮蝦燒賣, 蒜香墨魚丸, 菠蘿司華力腸野食唔會凍冰冰味道都好有誠意 !!民安隊隊員都食得好開心飲品方面, 有果汁先生橙汁, Fruit punch, 蘋果汁, 仲有中式茶, 咖啡, 奶茶好成功呀!! 下次都要搵"老友記" 先得

早前公司萬歲，搞左個千人聖誕聯歡晚會，當晚真係玩得好開心，節目及食物都安排得好好。同同事傾開偈得知公司叫左間老友記既到會，因為夠晒方便，有埋送貨服務，唔使搵同事過去拎得咁狼狽。食物到來，首先時間岩岩好，好準時，唔會因為太早送黎未開始個show食物就要放係到攤凍，或者太遲送來令員工捱餓。送貨員亦好好禮貌，主動幫我地將食物放晒枱上面，人實在太多，見佢拎住食物要好小心避人，仲好好笑容，真係辛苦晒。公司都好揼本，訂左好多野食返黎，樣樣都咁好味，尤其醬燒bb豬仔骨，我食左好多件，值得推介。

過了忙碌的一個星期，本來諗住在家度過懶洋洋的星期六。但公關朋友突然邀請參加一個投資講座，於是便到鯉魚門走一趟。聽了一小時的投資分析，然後便是茶點時間。場刊介紹的是簡單點心，但原來一點也不簡單，十分豐富。有超過十多款的點心，包括炸魚餅，春捲，咖哩角，三文治，還有較少見的日式芝士波和芒果西米千層糕。芝士波吃起來煙煙靭靭，十分有嚼口。西米糕則不太甜，適合愛健康的香港人。之後跟公關朋友聊天得悉這間到會專門店叫老友記。他們十分準時，而且也會負責場地佈置和收拾，既方便又不算太貴。下次有機會搞活動也可以一試。~~~~~~~~~~~~~~~~~~~~~~~~老友記到會餐盒專門店 香港觀塘觀塘道436-484號官塘工業中心第三期四樓T室推介菜式：日式芝士波，芒果西米千層糕👍🏻方便快捷👍🏻食物精緻

今日係今年N次去人地既婚禮..今年身邊勁多FRD都結婚，搞到自己都心郁郁有啲打算~~ 不過佢地話成壇野好煩…影相過大禮搵場好多野要諗…真係好頭痛，咁我都係乖乖地食下野算了~ 呢個frd話如果搵野食呢，佢就介紹今日我地呢間間老友記到會，因為佢地可以比你揀左野食先，職員會慢慢同你plan 點set d 位，佈置等等。服務好加一分! 另外，你知啦婚禮已忙死，如果到會又遲又唔醒既真係會嘔血! 朋友再讚佢夠準時，又有一分＠＠　食物就我比番1分佢， 因為選擇夠多，小食，主菜飯甜品等等都有，同埋又啱我胃口~ 下次到我..的話都要諗諗了! 

公司要我們安排餐飲到會，我們經過幾天時間網上搜尋，終於比我地搵到一間好合適既餐飲到會，老友記到會餐盒專門店，老友記除了提供美食到會，還有餐飲到會，而且仲有用品租借服務，真係一站式，真係方便快捷因為我地只要餐飲到會同租借服務，而且仲會安排兩名3小時服務，用品租借服務有華麗宴會枱布、長檯、奶茶機、大型蒸餾咖啡機、四頭電咖啡機保溫爐，餐飲到會連用品租借，價錢合理，當日老友記準時到達，侍應服務態度超好，讚~~

之前仲係apple store成員之一既時候，公司在發佈日叫左間到會慰勞一班員工，我覺得算幾體貼員工，落力謹守崗位同時，如果攰既可到休息室食下野補充體左。野食送黎既時候，真係好開心，非常準時送達，而且仲好熱辣辣，叫左好多野食，盤盤都裝滿食物擺設都幾靚。食物質素一d都唔差，我覺得有醬汁既食物，調配個醬汁調得好夠味，例如沙律豬扒、香檸雞件、葡汁蔬菜之類。雖然已經離職左公司，將來去到第二間大公司都可以推介一下叫哩間到會，方便，快靚正。

今日朋友邀請我參加匯基書院開放日開放日期間有到會食，其實我好怕食到會，因為會焗到唔好食又或者凍晒，但今次既到會另我改變左，到會竟然仲會熱辣辣，仲出緊煙，而且炸物仲會金黃香脆， 而且選擇種類好多，有沙律、拼盤、飯、串燒、三文治、小菜等等，好好味。而且到會都有侍應招呼我地，佢地既服務態度真係好好，我以為佢地會擺低晒就唔理，真係服務一流。之後忍唔住去問下邊一間，原來係老友記到會餐盒專門店，因為我地聚會都會需要到會，下次亦可以介紹朋友。

是日朋友婚宴，位於鯉魚門交易公園，於是選擇了附近既觀塘老友記到會餐盒專門店作為饍食供應。用到會餐廳的確是一個省錢省時的好方法。它會有職員和你詳細討論數量安排，亦會包埋餐枱等佈置。食物種類選擇很多，而且份量亦絕對夠飽肚。餐廳還會提供各種醬料餐具，完全是一站式服務。食物亦很夠暖，而且味道也不錯。後來問開朋友，發現價錢亦不貴呢。其實宴會最重要還是大家既快樂和祝福，至於食物，與其大費周章費時又費力，倒不如選擇些簡簡單單，大家飽吃一頓便足夠了。