老厝邊

营业中

休息中

呢日黎到呢間有幾間分店既台灣餐廳「老厝邊」食午餐🤣午餐時段選擇主食的話，可以以優惠價加配飲品～🌟 香噴噴炸雞扒便當 $62超大塊雞扒便當份量好驚人🤣雞扒完全遮左個飯🤣要撥開先見到原來雞扒下面仲收埋左半隻雞蛋同甜甜地既麵筋配菜，用黎撈飯幾正。雞扒外皮炸到好鬆化酥脆，雞肉Keep到嫩滑的，不過係皮比較多，肉偏薄。便當仲配有兩款配菜，今次係蒜蓉小白菜同紅蘿蔔、青瓜、薯仔炒粒粒，一個人會食唔哂🙈😲🌟 超濃芋泥蛋餅 $38見到有蛋餅永遠抗拒唔到🤣餐廳提供左起司肉鬆、薯餅起司、培根起司等既口味，較特別既有香葱牛肉起司蛋餅；而今次K就揀左超濃芋泥蛋餅😋無計啦，淨睇個名都好正咁🤫 蛋餅裏面夾左煎蛋皮、仲有綿密甜甜地既芋泥同好澎湃既拉絲芝士，蛋餅係偏淡味的，點一點醬汁會更好味

荃灣其實都好多好嘢食！今次就搵到來自台灣嘅「老厝邊」！雖然係平日晚去，但都已經有不少人係門口排隊等位！🙈等左大約15分鐘終於可以入去食嘢啦😂已經餓到打哂鼓😝眷村紅燒牛筋麵$62啲牛筋好冧，好入味！啲麵又好煙韌！唔會冧Patpat 咁😋香酥炸排骨$32炸到卜卜脆😋又夠哂大塊！仲好窩心咁幫你碎上，食得好方便😬滷肉飯（小）$30滷肉撈飯真係絕配！我相信有幾多可以清幾多😂起司肉鬆蛋餅$35大家睇相都知有幾好味😋芝士控嘅小編一見到就已經心心眼😍 兼 流哂口水啦🤤古早味冬瓜茶$18蜂蜜檸檬愛玉$22

之前想食但人太多放棄左，今次平日2點先黎就唔洗等位🤤鋪頭充滿濃濃台灣味，又好想去旅行了🥲🐷酥炸排骨便當($60)就咁睇排骨係好大塊，其實可食用位置都係唔多，可能我呢舊比較多肥糕無乜肉🥲排骨炸得香脆唔燶同醃得好入味。😆小食有蒜蓉翠玉瓜同埋麻婆豆腐，份量都唔少完全係可以用黎送飯，而飯係有半隻滷蛋同好似麵筋嘅嘢甜甜地幾好食😋🐮眷村紅燒牛筋麵($62)牛筋🐮好淋好入味，但係份量得2舊好少，完全唔夠喉😣蘿蔔都係得一舊🥲麵質爽滑彈牙👍🏻但係條菜🥦勁多沙仙草凍鮮奶($26) 跟餐減$10🥤仙草好味清熱解渴😋加埋牛奶一齊好好味🤤珍珠熟成奶茶($24) 跟餐減$10🥤珍珠好彈牙，好好咬，奶茶就同出邊嘅冇乜分別所以我唔知熟成同唔熟成係有咩分別😂推薦？🟡🟡⚪️⚪️⚪️滿心歡喜去食台灣野🥲但係結果我覺得唔係太好食😣除咗份量之外，食物方面亦都唔係話太出色。如果真係要排隊入去食就真係可以慳返啲時間😂

今日同朋友喺荃灣shopping, 行到攰攰地， 走左去大壩街揾食， 見到有間食台灣菜小店， 於是就入去食飯。小店原來不小， 有分上下2層。 是日晚餐紅燒半筋半肉麵涼拌小涼瓜九層蛋抓餅黑糖珍珠鮮奶紅燒半筋半肉麵， 牛筋牛肉超大塊， 牛筋非常入味， 煮到好林好軟， 煙煙韌韌, 牛肉其實係牛展， 亦都煮得好林好軟， 超正。涼拌小涼瓜， 開飯前菜， 小涼瓜夠爽口， 醒神醒胃。九層蛋抓餅， 呢個九層蛋抓餅誠意推薦，外皮脆口， 內裡軟滑， 芝士重可以拉絲， 精彩。

荃灣嘅呢間台式餐廳—老厝邊，終於一解我嘅台灣美食癮。 樓高兩層，簡樸帶有慢活感，沒有多餘嘅裝修，難得的恬靜。推薦秘製麻辣牛三寶麵，有齊牛腱、牛筋和牛肚。麻辣味到位，三寶爽口，湯底伴麵，大大碗都食得落。 而小滷肉飯，吃的就是台灣風味。 滷肉偏瘦，多肥會更惹味。小食超濃芋泥蛋餅，實在係驚喜之選！ 餅面脆煎香，綿厚芋泥拉絲，熱熱騰嚼下，淡香芋頭味，很推薦啊！而呢杯綿綿芋頭鮮奶，名副其實綿綿得黎又滑，正常甜度冰量也可以。

在IG看見宣傳，被吸引特地前來一試，結果期望愈大，失望愈大。我們點了皮蛋肉鬆豆腐、滷肉麵和芋泥芝士蛋餅。另外每人點了一杯飲品，我點了芋頭鮮奶，友人點了胚芽鮮奶，兩杯飲料的價錢比起街外的鋪頭份量較少，但價錢稍高，性價比較低，不值推薦。另外，滷肉麵味道偏淡，滷肉沒有甚麼味道，拌麵亦沒有味道；蛋糕同樣很淡，芝士亦沒有咸味，芋泥、芝士和蛋餅合起來味道變成各自各的本分，沒有融合一起；結果是皮蛋肉鬆豆腐的醬汁最濃味，正常沒有甚麼特別。總括而言真的很失望，不會再光顧。

原來佢開到黎荃灣😍晚上好多人食呀，但我好想食佢既芋泥蛋餅呀！坐底諗都唔諗必叫佢有兩層，但人流去得到快，所以唔算等得耐。我次次食呢間都叫到成張枱滿晒，因為佢好抵食，同好食。肉燥飯 $30我覺得好好,因為佢有兩個size,我緊係食細既，大既係1.5倍我食唔曬呢。真係好好食，唔食飯既我都要食唔係無原因架。同埋佢細碗唔係真係好炒，所以唔貴架。雙醬麵 $48之前未食過，但雙醬係炸醬同麻醬兩樣都係我最愛，肥都要試架啦，加埋熱既麵，出色呀真係，撈麵我真係可以食好多。炸大雞排 $35對面果個話大雞排台灣必食，定係佢諗到既係雞排妹🤭，不過佢真係妹大份，而且比我想像妹食得多，好香脆，唔似其他香港自稱台灣大雞扒既味道九層塔蛋抓餅 $32對面果個好中意食呢個，主要係用咗九層塔嘅葉同埋蛋用抓餅包住，鹹食來講去都幾香嘅。超濃芋泥蛋餅 $38佢真係真係真係好出色，爆芋泥，同埋佢係用返我第一次食果個醬汁啦，真係好好味呀，一定一定必食，中意甜食既食呢個無錯，中意鹹食就食九層塔。冬瓜茶 好中意飲

超濃芋泥蛋餅 ($38)好大份😋 蛋餅裡面有芝士 芋泥 肉鬆 😍超足料芝士份量好多 做到拉絲嘅效果😛好飽肚 幾個人share先冇咁滯😉塔香鹹香雞 ($38)好香脆 雞肉唔會炸到好乾調味都做得好好 唔會太鹹或太啖🤣滷肉飯(大) ($38)滷肉鋪滿曬係飯面 仲有蛋🤩味道一般 好多汁 飯變上好淋🥲綿綿芋頭鮮奶 ($30) 奶味好濃 超多芋泥芋泥好綿 細膩又厚實😛甜度適中😆 好飲但好滯

今次黎到荃灣一間台灣食店老厝邊，係門口已經見到裝修好懷舊好有風味佢地呢度便當類的主菜都會額外有兩款配菜、蛋同一款涼菜，十分抵食我地叫咗個香噴噴炸雞排便當（$62）同夜市香腸便當（$60），雞排真係超大舊😍而且食落好香脆，上面既豆腐乾都好好食我地另外仲叫咗佢既招牌菜超濃芋泥蛋餅（$38），入面有芋泥、芝士同肉鬆，啲芝士超多，拉出黎有拉絲，隔離仲有個酸酸地既汁，估唔到同蛋餅又幾夾，一定要趁熱食呀😋😋😋野飲方面我地叫咗手作黑糖鮮奶（$26）同綿綿芋頭鮮奶（$30）手作黑糖鮮奶甜度十足，如果加埋珍珠就正；芋頭鮮奶芋頭份量都算多，而且整得夠碎而入口最後食咗咁多野埋單都只係二百幾，都算抵食

2015年在士林夜市及饒河夜市都吃到蛋餅，還有其他美食，話說已經六年前的回憶！可惜疫情關係，無法赴台食食遊，祗有在港覓食，今天在荃灣西地鐵站附近覓食，見到這間標籤台灣美食小店，便進入試吓，點餐已經是下午茶時段.點餐如下：1. 大腸麵線. 2. 起司肉鬆蛋餅.3. 香酥炸排骨.4. 凍冬瓜檸檬茶.5.凍蜂檸檬愛玉.大腸麵線有點像台灣啊宗麵線，味道還可以，啲大腸食落有少少煙靭！起司肉鬆蛋餅.筷子夾起來可以拉司.味道扁甜，還可以!香酥炸排骨.超大好似人面搬大.食落香脆可口.還在好熱是剛剛炸好的！飲品好像茶舍的包裝封蓋，味道一般正常！總括平價下午茶！

因為睇緊《食尚玩家》，見到人哋食滷肉飯，好似好好食。之後搵吓屋企附近邊度有好味的滷肉飯，就見到呢度有。加上早吃，應該有位，因為睇之前的都係要排隊，所以入去試試。座位不多，環境讓人舒服。因為想試唔同嘅嘢食，所以嗌滷肉飯都係小的。珍珠奶茶就一般水準，冇乜特別、冇驚喜也不差。滷肉飯好吃，有半肥瘦，入口即溶。牛肉麵一般的水平，不過不失。不差泥芋鮮奶有驚喜，有很多芋泥粒粒，甜度剛好，如果飲悶了其他台式飲品，這也是不錯的選擇。麵線就一般和一般大連鎖店茶差不多，一試冇妨。泥芋蛋餅就有一點失望，因為見到都是拉絲，但我的就沒有。吃下也沒什麼特別。職員態度合理，價錢有點偏貴。一試冇妨。

荃灣大壩街這間老厝邊，平時見到都很多人食，今日終於入來試下。餐廳裝修企理，有上下兩層，今日照樣是很多人食。Menu不是很多，比較容易揀到款式。秘製麻辣牛筋面$62 牛筋面都頗大碗，牛筋的份量也頗多，又軟又滑，麵質煙煙韌韌有口感，整個湯底夠味道，麻辣味也非常夠。台式三杯雞便當$62三杯雞看落顏色夠深，比較干身，味道咸中帶甜，頗入味。除雞肉外，還跟配有看落似蘿蔔條的麵筋，還有半隻雞蛋。便當還配有冬瓜、椰菜、娃娃菜等 很清新爽口。塔香鹹酥雞$38鹹酥雞頗大件，入口還帶著熱，外脆內嫩，不會太干身，鹹鹹香香，是台灣的一種特色菜，好味道。花雕醉雞$38花雕醉雞上枱已聞到一陣的酒香，面上還放有一粒粒的杞子，入口帶淡淡的酒香，酒味不會太濃，雞肉帶著淡淡的酒香，帶酒味很清新。

荃灣人氣食店老厝邊,同事已推介多時,終於可去食下了.星期五晚上人流挺多,用餐時間只有1小時,多D就好了.我地都選了很久, 太多野想食.最後決定了,要左個有驚喜雞扒便當,很juicy(真心)好味至極. 仲有些配菜係有個粉絲,帶點spicy.另外有細碗的豬腸面線,味道少酸,很貼近台式口味,可以食曬^^小食有花雕醉雞,用上雞脾肉位,很正,又夠大件,又冇骨.另外有個必食牛肉芝士蛋餅,牛肉是食得出用牛腱位置,好滑身,配上醬汁更添美味,最後加多個芋頭鮮奶凍飲.真心不錯的台式食店值得有人排隊等食的.

食lunch叫左大腸麪線同撈麪，再加左個鹽酥雞，芋泥蛋餅同青蛙撞奶。除鹽酥雞外，其他都好食。麵線咸左少少🤏蛋餅最特別，食完唔漏，下次會想黎試下其他蛋餅。但係每樣份量偏少。下次試下其他。

今日放工同男朋友故地重遊，去左荃灣吹下海風拍下拖☺️☺️老厝邊之前都係大角咀食過，係正宗台灣味！一見荃灣都有分店，即刻再去食下先😝我地今次試左個台灣大腸麵線、芝士薯餅蛋餅及紅燒牛四寶麵！台灣麵線真係一上已經勁香！滿滿嘅蒜味真係好惹味，同台灣嘅味道真係一樣～紅燒牛四寶麵好足料，有牛栢葉、牛筋、牛腩同埋蘿蔔！湯底好似肉骨茶嘅味道，好濃郁，而四寶都好入味，特別推薦牛筋，炆到好軟熟，入口即溶👍🏻👍🏻芝士薯餅蛋餅係由三種單食已經好好味嘅材料整成，薯餅食落仲係脆脆的，好味之餘仲好有口感😋😋個蒜汁加分！飲品方面我地點左個黑糖珍珠奶茶同埋芋頭鮮奶，兩杯都好飲😋😋我全都要！