老厝邊

营业中

休息中

荃灣廣場後面呢條街一向好多餐廳，今次試咗呢間好有台灣特式風格嘅台式餐廳。佢仲有閣樓座位，望上去好有feel😃。眷村牛筋麵$66我地揀咗蔥油乾拌，麵條好幼，口感偏軟腍，牛筋份量好多，牛筋同蘿蔔都炆得好入味好好食😋起司肉鬆蛋餅$40材料簡單，但真係好好食😋尤其佢嘅芝士味真係好出色，多得嚟一啲都唔膩，十分推薦🤤薯餅蛋餅$36想飽肚啲可以叫呢個蛋餅，真係有一大塊薯餅喺入面，香脆好味😋食完都飽飽地。青蛙撞奶$25+愛玉$3台式飲品一向偏甜，所以叫咗微糖，甜度啱啱好，飲品可以加配其他配料，我加咗愛玉😋好滑。現煮冬瓜鮮奶$26平時手搖飲品嘅杯裝、幾方便，飲唔晒可以帶走飲。

荃灣特色台灣美食「老厝邊」去到已經好多人排隊等位證明相當受歡迎😆⭐️台式香腸滷肉便當香腸滷肉味道濃郁配料有芽菜、青瓜、椰菜配埋白飯相當好食😋⭐️香蔥油嫩雞乾拌麵蔥汁非常惹味拌麵夠彈牙又多汁雞肉鮮嫩有口感🤩⭐️玉米起司蛋餅兩邊煎到金黃色好香口中間有粟米增強口感加埋起司超邪惡😙超級推介⭐️蜂蜜柚子烏龍柚子味清新加埋蜂蜜潤喉非常解渴🥳⭐️凍椰果蜂蜜檸檬檸檬酸酸美美非常開胃仲有椰果喺入面增加口感非常好飲😍

今日行完荃灣廣場就想搵嘢食，記起哩度附近有間台式餐廳都幾多人食就今日去幫襯。點左招牌牛三寶麵同埋麻醬雞肉涼麵，飲品方面揀左愛玉芒果綠茶同百香雙響。牛三寶麵好足料而且賣相非常吸引，牛肚，牛𦟌炆得非常岩火候，仍帶有咬勁唔會過淋，但又唔會咬唔到。而且牛𦟌都好厚身，好味道。牛筋就大大條，滑溜又彈牙，可以自行揀選湯底，我要左麻辣湯底，唔會太辣，但又過癮。另外麻醬雞肉涼麵都好好味，麻醬經過調配唔會太濃花生味道，略帶甜味，涼麵配有青瓜絲，雞蛋絲同埋紅蘿蔔絲增加口感同味道，夾埋涼浸浸嘅麵食，香氣係口腔漫延，食落又夠清爽開胃。好特別地呢間餐廳雞肉唔係用雞絲而係整片雞肉，食落唔會乾身，仲幾有雞味，好食。台式飲品就當然要揀杯愛文芒果綠茶，味道非常香濃，甜甜嘅芒果香又清新，加少少茶中和甜度，正！另外杯百香雙響除咗香甜椰果仲有珍珠，咬落非常QQ軟糯，夾埋百香果嘅清香，呢餐真係令人大滿足！

小兒興趣班落堂後，喺附近搵食，見到呢間餐廳都多好評，於是就入內一試。餐廳有兩層，但樓下未坐滿，樓上唔開放。餐廳唔大，放咗好多枱櫈，枱與枱之間嘅距離好窄。餐單上好多嘢都想試，於是點咗：滷肉飯（ 大， $42）： 啲飯好削， 滷肉汁好鹹，寧願佢俾少啲汁，因為啲汁多到每粒飯都有，想溝淡啲都唔得。 滷肉就正正常常，不過不失，有肥有瘦。塔香鹹酥雞 （$39）：熱辣辣上枱，雞肉好juicy，但真係好鹹。半筋半肉麵（$76）：因為我要照顧咗小兒先開始食，食時已經放咗一段時間，所以啲麵沉腍哂，唔確定本身麵質如何。但其中一塊牛𦟌好韌，唔好食。起司肉鬆蛋餅（$40）：之前食開嘅蛋餅都較圓，今次呢間係煎到扁身嘅蛋餅，幾有趣。蛋餅皮煎得好香脆，餡料好多肉鬆，芝士都食到，但唔突出。不過，整體嚟講係好食嘅。綿密芋頭鮮奶（$30）：失策，飲品上枱後才記起忘了要求走甜，結果，老公話超級甜，感覺飲糖水咁。但，入面係真係有香芋嘅。總括而言，只有蛋餅值得食。

如果係荃灣行街又想食抵食好味既台灣野，一定會諗起呢間餐廳。🔔半筋半肉麵：湯底好濃郁，牛筋同牛腩又冧又煙韌，麵條爽口彈牙。🔔香酥炸排骨：估唔到甘大份，外皮非常鬆脆，而且炸粉唔會好厚，肉質入口鬆軟。🔔台式蒜片香腸：香腸係屬於偏瘦的，入口一咬唔會滿口都係油，但又唔會冇左應有既肉汁。🔔起司肉鬆蛋餅：最鍾意食呢間餐廳既蛋餅，蛋餅上枱已經聞到陣陣蛋香味，蛋餅內好足料，芝士會拉絲，肉鬆好味，整個配搭好夾。

最愛吃台灣食物之朋友，今天跟他行行後，也再訪這高質台灣餐廳～很愛這感覺，台灣地道風味❤️❤️美食系列中之尋找台灣菜便當都是朋友最愛吃的，上回吃炸雞扒，已煎到酥脆，風味佳酥炸排骨便當便當也是大份，入面有酥炸排骨，滷旦，芽菜，有瓜，香菇等，多配菜，其他配菜味道滿滿台灣味。 酥炸排骨手掌一樣大～二人分亦行，排骨肉汁滿滿眷村牛肉拌面燙青菜和小蘿白。牛肉面份量多，不令你失望，不得不再次嘗試店子的菜餚，棒起司薯餅旦餅配搭很棒，組合很好～薯餅炸到金黃，芝士滿滿～旦餅包住亦保留到香口～旦餅煎得很好，而且宥足料，襯熱吃最棒了薯餅起司蛋餅好吃黑糖仙草奶台灣食物必點之手調飲品～仙草奶，仙草味香😋😋飲品不過不失的～值得讚的是很大杯，外賣杯出的😙增加口感、仙草凍黑糖奶～自製仙草凍不易，好吃的黑糖仙草，搭配黑糖醬與牛奶，特調之仙草，甜蜜的消暑聖品，棒！ 餐廳座位亦好，兩層高，食物質素高，不用等位，裝修又有地道氣氛～給愛台灣食物的你❤️愛台味！台式料理

一嚟到已經諗住嗌個蛋餅先叫咗個起司肉鬆蛋餅真係好正佢外面係脆嘅，然後啲芝士仲可以拉到絲好犀利好好食之後叫咗個滷味拼盤佢比我想像中大好多入面有大腸豆乾豬耳等等真係好大份兩個人都食唔晒不過就同我想像中嘅滷味拼盤有少少唔同唔知係呢個地道啲定係點呢？之後我哋就叫咗個滷肉飯（小)我想講佢細份已經好大碗我哋兩個人最後都係食唔晒但係佢個滷肉飯係好好食我覺得真係要試吓之後我哋一個嗌咗珍珠奶茶另一個嗌咗超級檸檬紅茶檸檬紅茶嗰個就好好飲珍珠奶茶就比較普通珍珠唔算太淋

🌟港鐵荃灣西站B出口 13分鐘路程荃灣廣場旁邊嘅大壩街 近離開咗林林總總嘅食肆 而老厝邊就係其中一間聽朋友講好抵食 又有地道風味 所以就去食吓啦🙆🏻‍♀️🙆🏻‍♀️裝修好有70/80年代嘅風格 木枱木凳 掛喺牆上嘅木餐牌 都好懷舊揀咗兩碗主食 麵類 麵嘅份量好多 再食埋其他小食 飽到呢🤰🏻🧡#眷村牛肚麵- 牛肚份量都唔少- 每一塊都大大件好腍 唔煙靭 - 炆得好入味- 牛肚麵湯底味道濃郁 🧡#香蔥油嫩雞乾拌麵- 嫩雞好多舊 嫩滑味道好- 香蔥油汁 加埋乾拌麵 完全係台灣嘅味道😃😃🧡#起司肉鬆蛋餅- 起司同肉鬆永遠都係好好嘅配搭 倒入蛋漿一齊煎成蛋餅 熱辣辣勁好食😄🧡#香炸魷魚- 台灣勁多香口惹味嘅小食 香炸魷魚就係其中一樣 炸得好脆🧡#蜂蜜清香烏龍- 因為唔想飲其他有勁甜味道嘅茶 所以就揀咗呢杯蜂蜜味嘅烏龍 淡淡蜂蜜味 唔會太甜 烏龍茶味又好濃🫶🏻🫶🏻

老厝邊，因為e個「厝」字，🐷先生成日念念不忘，話要黎試下😌🔸半筋半肉蔥油乾拌麵牛筋「動L動L」牛肉軟糯，跟餐既酸菜酸甜度岩岩好，非常好送麵。拌麵唔會過淋，而且用滷汁拌，咸香咸香👍🏻🔸香蔥牛肉起司蛋餅要等10-15分鐘，因為係即叫即製所以我覺得可接受，上到枱熱嗱嗱，芝士仲係半溶狀態，牛肉都唔少🔸塔香鹹酥雞同台灣出爐既一模一樣，皮薄而且炸得好酥脆🔸三寶奶茶三寶即係仙草、紅豆、珍珠，超級足料，奶茶好快比我飲哂，但都仲有半杯料😂🔸鳳梨旺來烏龍飲到鳳梨既果絲，茶味唔算濃餐廳樓高2層，位置闊落，而且餐廳啲姐姐應該真係台灣人，因為聽佢哋講國語係唔同語腔，超有feel💕

老厝邊 (荃灣)荃灣大壩街25號地舖飯堂之一，諗唔到無食咩時輕食平靚正又就腳都會諗起佢，價錢相宜，牛肉麵雞扒蛋餅都好好食。牛肉麵入面淋，一夾肉同根已經可以分開，佢仲有一舊蘿蔔做配菜，同樣係炆得好淋，唔使用力都可以分開，面質比較淋，好大碗，一個人也吃不完必食嘅蛋餅，芝士粟米簡單，好食，新鮮上菜熱辣辣，再食過都依然覺得必嗌，冇得彈。排骨便當，排骨超級大份，雞扒排骨都不錯，配菜都唔求其，有芽菜、味菜、蘿蔔、感覺非常台灣，大碗飯，之前好像是便當盒，不過都好，份量好似比較多，同埋枱面可以放到更加多嘢。荃灣不錯選擇，台灣經典飯堂。

見OpenRice 有超多300人話呢間好食，於是今日黎試下。2個人叫左一碗半筋半肉麵、真心滷肉便當同熱古早味冬瓜茶。半筋半肉麵到，第一樣試啖湯先，完全冇味，淡到，湯冇味碗麵都唔荒好食。果然麵都唔好食，蘿蔔都冇吸到湯，成碗麵得一舊肉係淋，其他好老。牛筋普普通通，無特別。總括黎講，係我食過最難食嘅牛肉麵。真心滷肉便當係我老公食嘅，佢話好咸，唔係特別好食但可以接受。至於冬瓜茶，叫左熱。唔知係翻熱太熱定係用紙杯封左膠膜散熱慢嘅關係，杯冬瓜茶係超熱，食完野都仲不斷出煙，唯有叫侍應比隻杯我倒出嚟飲，倒完原先個紙杯都仲繼續出煙。建議熱飲可以直接用杯倒出黎serve

荃灣廣場對面，大壩街街尾嘅老厝邊，有唔少朋友都大讚佢嘅台式小食。今日同朋友行完街決定試試～佢午市仲有套餐，主食加手搖飲品仲有得減$10~眷村牛筋麵 $66份量十分大碗，男士食都絕食夠飽～牛筋炆到好軟身，香濃入味；麵係用到台灣手工麵，掛到湯頭又有嚼勁～香蔥牛肉起司蛋餅 $42超級抵食，有成六大件～即叫即做，蛋餅裡面包住粒粒香蔥同牛肉，仲有融化咗嘅芝士，香濃可口～花雕醉雞 $46好紮實嘅雞卷，肉質好實淨而且juicy，一咬仲有香濃嘅花雕酒味～家常滷味拼盤 $45拼盤有海帶片、滷蛋同豆乾，滷味好香，而且熱辣辣～建議夾埋芫荽一齊食，成件事更加地道～

眷村牛肉麵 牛肉麵有不同湯底選擇，我們揀了紅燒牛肉湯，湯底湯郁，牛肉燉煮到軟冧，蘿蔔清甜無渣，吸滿了湯汁，很滋味，大推👍超濃芋泥起司蛋餅芋泥入口絲滑柔軟，配埋濃濃的超司，還有少少肉鬆，包在蛋餅入面，食落好夾好match，系我食過最好味的蛋餅💯塔香鹽酥雞鹽酥雞肉嫩多汁，帶少少肥膏，咸咸的味道，調味岩岩好，加上炸過的九層塔，為炸雞帶來了少少辣和香草清香，令炸雞食落更不膩香炸魷魚朋友最愛這個，魷魚炸衣炸到脆脆的，食落「咔咋咔咋」，魷魚彈牙易咬，鮮香味美，食到停不下口，份量再多少少更好😂蜂蜜檸檬愛玉酸酸甜甜，好開胃，尤其是食了不少炸物情況下，可以解膩，愛玉亦爽口易咬，少少蜂蜜甜味，很好飲整體好好吃，開多幾間分店就好🥳#大角咀美食 #大角咀 #荃灣美食 #荃灣 #炸雞 #吃货 #香港吃货 #台灣 #台灣菜 #必试 #香港必试 #香港美食 #香港网红打卡 #香港美食探店 #蛋餅 #檸檬愛玉 #老厝邊 #foodie#hongkongfoodie#moodzfoodie #moodzfoodz

性價比高高高正宗台式餐廳👍🏻必試餐廳推介👍🏻👍🏻👍🏻今日七點去到已經坐滿晒人🤭餐廳裝修好有特色，好有台灣風味，店員好似係台妹🤭🤭半筋半肉麵實在太多料啦，啲肉質仲好新鮮軟林，牛肉味香濃，麵質爽口彈牙花雕醉雞肉質結實，雞件冇腥味，伴上濃濃嘅花雕酒香味👍🏻香葱油乾拌麵濃烈嘅蔥味，加上特製醬油，令無餸嘅拌麵都亳不失色绵密芋頭鮮奶超讚👍🏻好飲過好多台式飲品店👍🏻👍🏻好多新鮮芋頭蓉，有口感👍🏻鮮奶味濃郁，必試👍🏻

之前經過見到‘老厝邊’門面已經很吸引，今日去開荃灣搵朋友，梗係試一試啦！可能時間尚早不用等位，入到去原來有上層，入面感覺舒適又帶點台風！💰$40 芝士肉鬆蛋餅推介，蛋皮好脆，餡料十足👍🏻💰$24 燙青菜青菜好足料，還配大量醬汁😀💰$69 紅燒牛肉麵湯底濃郁，牛肉夠多又夠淋，跟酸菜、蘿蔔💰$39 鹹酥雞好香脆，啖啖肉，正👍🏻總結位置荃灣廣場對面易搵，價錢合理無加一，食物款式多、質素不錯。推介👍🏻