之前已经去过呢间嘅旺角总店，真心超钟意佢哋嘅煎饺同炖汤😭睇住佢哋愈做愈大，最近仲开埋土瓜环分店，一定要支持下🤙🏻每次到访都一定要食佢哋个煎饺，今次就要咗京葱羊肉同鲜牛肉洋葱 双拼($79/8 +$2)，呢到嘅特色系煎饺系煎三面，所以食落去特别香口，而且皮薄馅靓，两款咬落去啲汁系涌出嚟劲夸张🥹原味小云吞15只 ($38)都唔错，云吞皮够薄，而且都几滑身，特别钟意佢哋个秘制酱汁🤎麻辣凉拌大拉皮($42) 都好滑身，几有咬口，拣咗BB辣唔会太辣，捞埋啲花生同青瓜唔会太heavy～凉拌极品海蜇头 ($39)份量都好多，海蜇头几爽口，搭配煎饺就刚刚好～不过MVP之一必须有炖汤，要咗乌鸡炖人参($49)同排骨炖虫草花($46)都一样咁正，呢到炖汤每煲都好足料，乌鸡汤个药材味好出，排骨炖虫草花就相对清甜啲，两款饮落去都好滋补嘅感觉🤍总括嚟讲，呢间街坊小店真心好值得一试，唔怪得晚市会大排长龙，而且食物出品都好有水准，几次到访嘅水准都好稳定，同埋佢哋啲下午茶劲抵食，人均三十几蚊就有交易，推介畀大家一试🤤…查看更多
