影片
营业时间
今日营业
08:00 - 22:00
星期一至日
08:00 - 22:00
以上资料只供参考，请与餐厅确认详情
同两个中学同学好耐冇见，于是约埋放工一齐饮茶，而家几点心都好创新，味道好好，推介！🌼流沙芋泥包超正！大推，好香芋头味，咬落去热辣辣，流心啲浆涌出嚟🤤🌼五柳炸云吞一样有水准，咬落去好香口，云吞嘅馅都好足料🌼老冯鲜虾肠啲肠粉皮好嫩滑，识落唔会黐口，鲜虾弹牙爽口🌼豉汁蒸凤爪凤爪好入味，仲要大大只好多肉，食完之后好满足haha
继续阅读
因为好耐都无食点心 见呢间设计怀旧 晚市可以饮茶就试下金牌炸芋角芋角外层酥脆 入面有满满的芋泥 满足蜜汁叉烧肠肠粉粉皮滑溜 叉烧亦非常足料 啖啖都满口叉烧老冯鲜虾饺虾饺皮唔厚 大大粒而包满老冯流沙芋泥包无谂过小店都做到 流沙的效果 有惊喜！坦白讲 做到流心 好难系塞满芋泥但包依然有香浓的芋头味姜汁桂圆红枣糕姜汁唔浓 反似有啲似椰汁糕 普普通通总结价钱： 4/5两个人另叫了 鱿香肉饼饭 （无影相）都系200令蚊 价钱唔贵食物： 3.5/5 虽未至惊艳 但食物全部都好足料 流沙芋泥包亦非常推荐 服务： 3/5 麻麻地 出面无人 但有啲食物未食完已经打算执走希望服务态度有待改善 但价钱唔贵 放工可以过下饮茶口瘾
继续阅读
落荃湾，因为近 地铁又近千色店，天桥可以去到。可能都系地方细，所以都等咗差唔多七八个字....开茶叫咗香片，算系咁啦，第二巡都仲有味。 (畀起有啲其他嘅茶居，第二巡已经唔多 好饮)今日虾饺正正常，起码每个 D 皮不会太厚，三十零蚊都食得过。鸭脚扎 有惊喜 ，好食， 附加嘅柚皮 都唔错； 反观鸡扎平时几好食今日啲鸡就太普通了。虾酱蒸腩仔饭 就真系回复返水准， 虽然冇当初咁香，但系都算系中上。红枣糕你就当 okay 啦。 而家换咗咕噜(guru)排队 ， 秩序好咗好多 ，招呼就 要睇 伙记𠮶日心情啦。
继续阅读
朋友茶瘾起又想去老冯茶居，今日可能系平日嘅关系，等位唔使等太耐，大概等左15分钟，而且我哋2位都俾咗张圆枱我哋。XO酱萝卜糕系每次去都必叫嘅食物，今次感觉细碟左，但仍然好味。老冯金沙米肠皇系肠粉包住炸米网虾春卷，外软内脆，好味。蚝皇鲜竹卷基本嘅鲜竹卷，够味。蟹籽烧卖皇正常味道，今次卖相有点打风嘅感觉。古法千层糕一笼只有3旧奇怪左啲好似俾人偷食左一旧咁，不过真系好好味。虽然系咸加甜（我最怕）但味道好夹。
继续阅读
今日带妈咪嚟到呢一间喺荃湾千色汇二期地下外边小巷入边嘅老冯茶居度饮茶，我哋两个入到去嘅时候都好多人，所以需要喺出边揿飞等位。咁我同妈咪两个人都唔会食得太多嘢可以见到我哋嗌咗四个点心左右都好够，食嘅期间都听到有其他食客嗌咗蒸饭，个侍应都同佢讲要等大概30分钟，我谂都真系即叫即正。两个人食咗百零蚊咁都唔算贵因为佢食物质素都唔算差，好多都系好新鲜嘅，有个小贴士就系大家可以嗌佢餐纸上边有打星星同埋手指公赞好嘅点心，叫唔晒下次都可以再食过。
继续阅读