老二 (已結業)

份量超少，味精極重。出餐時間等得耐，又漏單。員工態度差，香港仔又一間劣店，未試既真係可以唔洗去。食過就明我講咩，真係不可一不可再，南區好食既野已經唔多，唔需要話要高質素，正常已經好好

今日去左香港仔搵一搵個朋友拎野，拎完之後見有啲肚餓，所以諗住食埋野先返出黎。經過見到哩間好似係新開，連門口地下好似都係到翻新緊，所以就入去試下。見到佢哋個餐牌幾豐富，又有雞煲又有咖哩又有酸菜魚，簡直係我杯茶最後我都係揀左個咖啡牛腩黎食一黎到個陣聞到已經覺得好好食啦，因為佢地個咖喱幾香，個香味已經令到我食指大動，同埋因為好肚餓所以聞到個陣味已經流哂口水。佢地既牛腩大大舊，唔似出面一啲餐廳咁啲牛腩會好零零碎碎。當咬落去第一啖既時候，肉質出奇地柔軟開頭擔心牛腩咁大舊會好韌，但係佢地既牛腩又大舊又軟，配埋佢地濃郁既咖哩汁，撈飯真係一流。佢地餐廳既咖哩食落口係幾香濃，但係又唔會濃得好過份，配合返我地平時香港人食開咖哩牛腩飯既咖哩味。食落去唔會好似有啲餐廳咁，一食就覺得好似平時係超市買個啲即食咖喱醬或者咖喱磚開出黎既味道。而佢地個飯又唔會太濕又唔會過硬，所以撈埋一齊食係真係唔錯。整體黎講佢地哩個咖哩牛腩都幾推薦食下。可惜本身住得唔近， 如果唔係我都想再食下佢地個雞煲，因為朋友住香港仔，佢食過個雞煲話幾正，唯有下次再經過既時間先再試下佢地其他既野食啦。讓人吃得非常愉悅。此外，米飯的口感非常Q彈，完美

行行下見到間鋪頭名幾得意，就入去試下喇，無諗到都幾好食😆裝修都幾雅致，坐得都幾舒服唔會太迫，侍應又好禮貌，呢個要讚下👍👍👍落完單都幾快就黎野食，木耳食落好爽口，原本想揀小青瓜，不過個木耳好似幾吸引咁，唯有2選一揀木耳喇🤣🤣🤣個麵一黎就聞到好香好吸引，個麵份量啱啱好，食埋個木耳就飽哂🤣🤣食食下見到隔離個雞煲好香好吸引，份量睇落好大份咁，自己一個應該食唔哂，下次搵朋友陪我過黎試下先🤣🤣🤣

入到香港仔，來來去去都是一般連鎖餐廳，冇什麽特別。見到呢家叫老二的餐廳，好奇心驅使下就進去試試。簡簡單單叫了兩個小菜套飯，想不到有些驚喜。套餐有幾款前菜選擇，黑木耳丶烤麩丶拍青瓜，還有茄子，都是些開胃前菜。京蔥爆牛肉，用的是京蔥，唔似其他餐廳用青蔥頭代替，醬汁也不會水汪汪，牛肉雖然醃制過，但依然能保持牛肉味。回鍋肉亦做到應有的風味，比一般餐廳做得好，有驚喜。餐廳新開的，裝修簡潔，座位亦比較寬敞，揾日再過來試下其他菜式。

終於到Happy Friday, 好想食餐好獎勵下自己咁岩見到樓下開左間新餐廳，望下個餐牌深深俾"奇味雞煲"吸引左，即刻入去叫左個2人份量，加埋碗白飯都只係$145，超級抵! 成日都好想食雞煲，不過平時得2個人食飯，大大個雞煲都食唔曬所以成日都叫唔到今次一見到有2人份量既雞煲即刻order!  一上菜已經好有驚喜，個煲熱㷫㷫，仲聽到咋咋聲，仲有果陣香辣既香味令人食指大動個汁好濃郁仲好香辣惹味，D雞件吸收曬D汁既精華，再食一啖飯，超級滿足! 最尾我地仲叫左個雞絲粉皮，個麻醬好香濃，加埋少少青瓜口感好清新! 

成日落香港仔食野都食到悶，見到有間新野就同屋企人入去試下餐牌組合都幾特別，有上海野又有港式野咁今晚就2樣都試下，上菜速度都快手嘅，而且d野最重要係熱辣辣 (最基本要求，但真係唔係間間餐廳都做到嫁)酸菜魚味度幾好，魚滑最有驚喜係咕嚕肉，好香好好味！其他食物都係水準之內，舖頭環境同服務都幾好，喺正中心位方便就腳如果想一餐食多d唔同嘅菜式，e間餐廳可以放入選擇清單，佢仲有雞煲、烤魚！下次多d人可以試下。

今日咁啱要出job去南區，平時自己就好少過嚟香港仔，所以唔太熟路。諗住隨便揀間餐廳食個快dinner就歸家，竟然味道唔錯，有驚喜、有水準喎。😋起初見餐廳裝修企理，環境寬敞，又幾多人幫襯，咪膽粗粗同同事入去試吓😆 見到隔離檯叫咖哩牛腩煲 (爆香呀～又大大煲)，所以無諗就叫嚟試吓。👍🏻抵讚係咖喱勁香濃，唔太辣(撈飯一流)👍🏻牛腩超腍、好入味(完全無痴牙)👍🏻勁多薯仔、洋蔥 (加分)👍🏻超欣賞有得揀菜飯最後嘆埋杯靚奶茶，奶滑茶香，唔錯唔錯

今日出香港仔開會，開到差不多8點先完，就去附近食埋個dinner 先返屋企。見到依間新野，咁就去試下la～本來想叫個小菜，但見隔離枱個煲仔飯又幾香，咁就轉咗軚～個煲仔飯有驚喜！味道ok，咸蛋幾香，肉餅有咬口～煲仔飯個重點係飯焦！黃金色唔太燶，剛剛好，配埋個甜豉油，滿足配埋杯凍檸茶，平行返～ 話曬依幾日都幾熱，好彩晚上涼返啲～比上次去廟街排隊店好食～ 始終遊客太多，上次排左成9個字先入到去。。。下次再出香港仔開會可以考慮再食～

午餐點了個四川擔擔拉面套餐，份量少過下午茶，乜料都冇，收人$65。食完要去第間再食先飽。環境冇裝修可言，將之前執既餐廳野重用，其實都睇得出間野冇乜心機搞，不過想食上海野，就揀左呢間試下，不會回頭。

行過見翡翠拉麵小籠包執咗，行咗入去試下。裝修：沿用舊店裝修，檯櫈都無變。野食：排骨同扣肉既肉質超硬，咖哩腩份量超少，無薯仔，擔擔麵及其他麵類份量超少價錢：以65-68嚟講CP值超低。可一不可再。

呢間野整體質素差，d 小籠包啲皮好厚，啲肉係冰鮮肉、青瓜醃製得鹹、最差係個咕嚕肉，唔知炸過幾多次，上枱有約有7件大小不一的肉乾。每個晚飯小菜88蚊起（包碗飯和前菜一小碟）。另外叫d 客自助倒水，所以唔收10%服務費，有性格～最搞笑就係去買單時，d 職員同d 食客講自己係翡翠小籠包，一開始覺得好嬲，後黎得淡笑！好心做得咁差就唔好冒認，因為一試已知龍與鳳，真的假不了，假的真不了，自己做反好d 質素啦唔該。絕對唔會再幫襯，同埋如果呢間老二以後摺gei 話，希望翡翠小籠包可以反黎開反～