老二公社 (已結業)

今日放假約咗朋友6點旺角等，早咗成個鐘到，於是去咗老二公社食個下午茶。巧遇新成員（老二神獸），我覺得似土豪貓多d。點咗日式餃子下午茶餐配Affogato咖啡，由於我係第一次飲affogato，所以唔識分佢好定差，但個雪糕幾滑，咖啡香口帶甘，未試過哩種味道，於是我誠心向店員請教，原來佢地用咗Barbera咖啡豆煮的，不過好明顯我係唔識佢（咖啡）XD。至於餃子，一食就停唔到口連食咗3隻，試過幾間cafe哩間最好味！到食第四隻時味道就變咗，可能我傾電話傾得耐，餃子得番日式漿汁味，所以建議大家餃子要襯熱食！老二公社地點離地鐵站唔算遠，下次一定要帶多幾個朋友試埋其他食物

等朋友的好去處前幾日 約左個朋友去新寶睇戲點知佢突然有事要遲d先到 於是我就自己周圍行 行行下見到一支幾得意既旗仔 原來係間cafe 於是就膽粗粗上左去試下上到去見到份meun都幾得意 仲有set tea環境就好舒服 因為差吾多全部都用曬黃光 俾我個感覺好溫暖 仲播住一d比較舊既音樂 真係令人好放鬆不過由於我未食野就出黎 於是就叫左個香蒜黑椒蜆肉炒意粉同一杯荔枝綠茶👀可能係得一個員工既關係 等野食個度就大概用左20分鐘出齊 不過時間都ok 因為上得cafe都係慢慢hea下既🙈意粉個份量比想像中大份 配料都好足！一拎到上枱就聞到好香既香蒜味 食落去啖啖都有足曬料同味😋而杯荔枝綠茶就無乜特別 甜味恰當 又吾會去到太甜 不過正常荔枝綠茶呢d飲品都吾會有咪特別既😂總括黎講 老二公社呢間cafe都幾有驚喜 因為好少cafe會著重係主菜度 而份量又夠大份😍有機會既話我下次會再黎 品嘗下呢間cafe既咖啡 希望吾會失望啦😎

收工同朋友搵地方食飯傾計，朋友見呢間新開所以就試下，一入到去已經覺得環境幾寧靜舒服。我地揀左最入面梳化位坐～周圍佈置睇得出都花咗好多心思～講返食物先～我點咗個黑椒牛柳粒飯（$90），同朋友share 一客蜜糖雞翼（$58/8隻），加两杯green tea latte ($44@1) ，可能上到去都幾夜所以得我地一枱客，點完菜大約等咗15分鐘就有得食。黑椒牛柳飯份量都算多，俾一般cafe 大份，食完都唔會有唔夠嘅感覺。味道方面黑椒味幾重但又唔會太辣，牛柳粒都好滑唔會“鞋”～蜜糖雞翼幾香囗，朋友request 咗多蜜糖所以食落蜜糖味都幾重，一般都係得淡淡地嘅蜜糖味～Green tea latte 就有少少失望，因為覺得甜咗啲，飲第一啖唔多覺，但飲咗一半就開始覺得有啲甜～但食物整体都覺得唔錯絕對值得再去！係旺角要搵個寧靜地方傾計唔容易呢，加上食物又幾好食！岩晒同好姊妹去～