影片
食家推介
🇭🇰老上海馄饨舖·因为我又好想食饺子类既野啦 醒起之前食lunch经过见到呢一间都几多人食 所以我哋就嚟咗😌佢啲馄饨都OK嘅 但系其他嘢食就真系好麻麻地🙊·抵食套餐$48呢个套餐包括10粒大馄饨 1个小食同埋1个嘢饮 超级丰富 之后我哋再加多$15要咗一个炖汤😈佢馄饨个样系好似鱼皮饺咁嘅 之后佢个馅同平时啲饺子馅有少少唔同 调味系多啲嘅 好似一个迷你肉饼咁 都几好味😋之后小食我哋拣咗秘制海带丝个调味好大陆 但系口感都唔错既😂😂最后个炖汤就超级奇怪 佢啲肉系好雪同埋好骚 之后个汤个味都好怪 完全唔炖汤 大家记住唔好加钱嗌🤭·荠菜鲜肉小馄饨(15只)$35呢个超得意 真系好细粒 佢个皮好滑 食落都唔错 不过个馅就真系少左啲 系真系一细啖就无晒😂所以我自己觉得先食左啲皮再食个馅会开心啲🤣🤣·#rbyeat#rby港式#rby湾仔 #rby上环 #rby香港仔 #rby观塘 #rby尖沙咀 #rby荃湾 #rby元朗·📍湾仔湾仔道148号地舖📍上环禧利街16号地下📍香港仔东胜道9号地舖📍观塘协和街133号地下📍尖沙咀加拿分道19号地舖📍荃湾路德围34号地下📍元朗裕景坊27-31号金伦大厦地下1号舖
继续阅读
话说Fatbrown 好钟意食面，真系食极都唔厌个个国家都有唔同嘅拿手面类，好似日本到要食拉面，韩国就要食炸酱面，越南就要食Pho 咁天气热辣辣真系唔知食乜好，今日经过一间老上海云吞面，见到有得食中国大陆牌炸酱面，见冇乜胃口唔算特别肚饿就入去整返碗先<炸酱面$28>一碗炸酱面先$28，真系平到烂见到店员操呢个普通话口音，心谂应该好正宗啦挂结果又真系几好食嘅面条好烟un，虽然唔知系咪手打嘅，不过系好食嘅炸酱有啲似台湾嘅肉燥，个汁都几好食店员姐姐都几热情，食到平嘢，味道又唔错，心情都几好
继续阅读
今日收工约左班朋友去湾仔修顿睇波，咁睇之前就各自各医左个肚先。我去完太原街望下d玩具之后，睇玩具睇耐左，发觉时间唔系好够，咁就食个快啦，见到有间馄饨面店，好啦，入去啦！睇完个menu, 叫左个金牌杂酱面再加5只大馄饨，再加多杯冻柠檬茶。面好快就黎啦！面同埋大馄饨系分开上呀！面几弹牙，系幼嘅上海面，最欣赏佢嘅杂酱，几香口，开胃。到馄饨啦，馄饨系用上紫菜汤，好正，另外馄饨都好足料，皮薄多馅，好快就食完了，下次睇波都会再黎帮衬。
继续阅读
今日晏昼路经湾仔，见到呢间食上海云吞嘅面舖就走咗入去试。叫咗一个原味鲜肉小云吞面，仲加咗杯热奶茶，一共$39，非常之抵食。云吞细细只，皮薄馅靓，肉质鲜嫩多汁，几好食。至于个面就系我钟意嘅口感，软硬适中，唔错，会再嚟。
继续阅读
每日晏昼都要谂食乜，今日谂起巴士途经见到有间新开既上海云吞铺，于是就去试试话就话新开，但我记得都见到间铺头好耐，冇谂过去到见到仲有个「试业中」既牌喺门口叫咗︰原味鲜肉大馄饨 (10只) $45 (+$1 外卖盒)点知叫完找完钱后，听到楼面喺度讲个电脑好似突然坏咗，出唔到单，谂住应该冇事...啩跟住就系漫长既等待时间，眼见堂食既食客好多都等咗好耐，有啲迟嚟先上岸(应该系因为后尾个电脑好返，后面啲单出先既关系)，我个心都怯一怯，究竟我张单有冇出现过喺厨房...其实楼面既哥哥姐姐都好唔好意思咁帮我追既，但追极都要等左成25分钟先见到我个外卖出现见到佢地咁，同埋知佢地电脑坏咗，系明白佢地既困难，但最令我失望既系返到去公司，打开个盒盖发现里面得8！只！云！吞！(仰天长啸)明明个menu写明10只，都冇8只既option，做乜呃咗我两只....anyways，唔知今日够唔够饱呢....? 讲埋味道，不过不失，没有惊喜，没大失望。但因为等待时间加少咗两只，我应该暂时唔会返去帮衬依间住架啦....
继续阅读