老三火鍋 (已結業)

4人食咗$998 仲有2位唔知饮咗几枝酒前菜叫咗鸡脚 正常嘢 见到条小青椒以为个鸡脚好辣 但唔觉辣全汤最得系个鸭汤 上枱滚起后店员会先斟一碗给你之后先开始落料打边炉炸响铃 热辣辣炸出嚟就咁食 唔浸汤都得如果个甜酸酱 可以杰身啲就好啦浸汤食 我会浸到好冧先会食我自己一个食咗三条🙂🙃 胖是有因炸云吞 一啖咬落去 热汁bi咗去我手指尾辣到我🥲 证明咗佢炸完 都唔会干争争多汁配沙律酱 我觉得配甜酸酱就冇咁漏牛 还好吧～正常无特别 疫情期间 平日嚟呢度饭聚都几好无爆座 同埋坐嘅空间感都够大仲有好大只猫猫俾你任摸😍…查看更多

今日要十点后先有时间食饭，揾到呢间火锅店开到12点，嗱嗱临去到食个零钟过下火锅引～睇左OpenRice 有人介绍呢间有鸭汤汤底，$88 半只鸭，咁平既汤底，唔使谂,即叫😂都几多鸭肉，不过啲鸭肉好鞋😂个汤比较淡，不过$88 蚊，你唔会要求好高，算系咁啦！同埋要赞下佢服务极好又帮我哋分汤又好有礼貌咁介绍所有嘢。$88 蚊一个汤底佢仲要有专人嚟服侍我哋分汤真系几好服务。叫左普通既手切牛半份，睇个样几靓，但食落系几普通，我哋煮得好生都太过韧，咬左好耐都未咬晒😂🥲冰荳腐，$38 （好似系），唔贵，所以唔好期望好食。系真系普通野。牛心椗，似系x 宝既货😂系平既，不过都系唔好太有要求。呢个醉鸡丸竟然出奇地非常有惊喜。佢已经提左我哋小心烫口，但我哋冇为意以为普通一粒丸，一咬落去原来爆汁！佢原来里面系包咗啲酒喺里面。食落系真系几特别！！！最后俾我哋撞到肥猫店主😆总括嚟讲我哋每人消费200零蚊，夜麻麻有嘢食又咁平算系咁㗎啦～…查看更多

本身系边炉精，成日周围去唔同嘅地方食火锅，最注重嘅系汤底。第一次去老三火锅，系朋友介绍佢个鸭汤一流，所以就去试下。汤系第一样嚟到嘅嘢，系火锅配料未黎之前先饮汤。朋友介绍𠮶阵讲过呢度嘅汤系清而浓，一般来讲形容汤可以系青淡或者浓郁，清而浓我完全唔知佢想讲乜，不过饮咗一啖之后就明咗，全个汤嘅味道的确好浓郁，但系绝不油腻，有一种清新嘅感觉，呢个就系清而浓嘅来源。至于火锅配料，我个人觉得比较一般，无论系牛肉、牛骨髓、芝士虾丸、芝士墨鱼丸、韭菜饺、鱼皮饺花枝片、鱿鱼都冇乜特别。唯一值得赞赏嘅系粟米真系好甜，响铃亦都香脆。仲有最紧要嘅就系佢只PR猫九万😍😍，只猫绝对有满分。…查看更多

老鸭半只汤底，汤底采用老鸭、党参、红枣、圆肉、虫草花、沙参、杞子熬制，味道独特，味道甘甜、鲜香。辣云耳小食，口感爽滑，味道香辣、惹味。猪肚，口感爽弹，食落好有咬口。黑牛百叶，口感厚身、爽口。蟹子鲜虾滑，蟹子口感脆口，鲜虾滑食落弹牙味鲜。水鱿鱼，口感厚弹，味道鲜甜。鱼肚，口感薄身、滑口。金菇菜，份量多，食落好新鲜。墨汁芝士鱼饺，皮薄馅多，饺皮墨汁味浓，芝士、鱼肉比例恰当，食落咸香带鲜。生菜，口感爽脆，味道清甜。豆腐丸，外Q弹内滑嫩，食落充满豆香味道。乌冬，口感烟韧，好挂汤。鱼肉芝士饼，鱼肉甜鲜，芝士味道咸香。…查看更多

今日约左个老友食生日饭，地点就决定系佢屋企附近啦，系佢强烈建议下，我地去左老三火锅打个靓边炉啦，去到个场都几爆。望下个汤底先，其实都唔洗点拣，当然系选择佢个招牌秘制老鸭锅啦，我地两个人就叫左半只。好啦，汤到啦，饮啖汤先，啖汤非常香浓，而且就真系有鸭味，另外就重有d药材，我地每人都饮左两碗汤，另外就试下d鸭肉，完全唔系汤渣感觉，好滑，就连鸭胸都系，我相信系煲汤嘅鸭同食嘅鸭系分开黎煮呀！食完只鸭之后就加汤打边炉啦，首先系本港手切牛肉，我地两个人就叫左个大嘅，牛肉好滑同埋好香牛味，大约过一过热水8至10秒就最正，完全无根，基本上个牛就停唔到口。必食推介。跟住到水鱿，感觉上同出面食嘅水鱿系有好大分别，系好滑同埋弹牙，爽而不韧，同埋都真系几有鱿鱼味。大蚬，系新鲜同埋无沙，只只都大大粒肉，新鲜。最后我地两个男人食埋个皇帝菜就饱饱啦，不过建议如果加汤就加清水就可以啦，因为个汤会愈滚愈浓，最后会变咸，一定会再黎帮衬。…查看更多