老三火鍋雞煲海鮮放題

营业中

休息中

今日收工約咗朋友佢呢間老三火鍋雞煲海鮮放題之前睇到介紹見到呢度可以食完雞煲再打邊爐但價錢優惠就過嚟試一試，咁我哋嗌左個唔辣嘅雞煲隻雞好亂畫有好香嘅香味咁冇辣味啦因為我哋眼冇啦咁我哋嗌左半隻雞嘅都好好味咁食完雞之後呢我哋就叫佢上呢個火鍋啦火鍋嘅湯底有好多選擇嘅我哋揀咗比較之之寶啲就係花膠雞嘅湯底，咁咪包一隻鮑魚扇貝顯鮮蝦花膠呢度係每人一份嘅份量咁另外呢可以嗌任食嘅就係前邊啦龍躉片啦豬紅啦牛啦豬啦仲有即炸嘅響鈴啦台灣豆腐啦魷魚啦仲有最尾呢可以食雪糕嘅嘢飲呢都包括有可樂啦⋯⋯自家製嘅羅漢果茶啦

對上一次喺外面食火鍋已經係一年前，呢段時間買咗個蒸氣火鍋嘅架後，想打邊爐都係喺屋企，始終要洗嘢，每次食完都搞到好晏。前排朋友話呢間任食嘅火鍋店有我鐘意嘅白鱔片，而且價錢都幾抵，即刻重燃出去打邊爐嘅熱誠。餐廳都幾多卡座，另外有幾間房，中間係圓枱，我覺得坐得都算唔錯，落單後食物好快到，質素都幾好，另一點好滿意係所有職員都好有禮貌，比我感覺好好。先食雞煲，份量唔會太多，每人幾件，我哋呢個雖然走辣，但係都好惹味。之後點咗個清啲嘅芫荽皮蛋鍋，第一次見會落埋粟米蕃茄，菇類。每人會上一份鮑魚花膠海鮮盤，每份6款海鮮，鮑魚好新鮮喺隻碟度仲識得旭，亦有洗刷乾淨，蜆無沙，蝦都幾大隻，扇貝就普通。開始唔洗畫紙，職員會按人頭上一啲食物，食過好味再落單。白鱔片，龍躉肉係我最期待，鱔片雖然唔係好肥，不過都幾滑，唔鞋。龍躉肉都幾新鮮。安格斯牛肩胛，唔肥，又唔韌，不過牛味唔濃。手打蝦丸幾彈牙。呢度嘅鵝腸好味，雞子都幾大粒。仲有雪糕任食。飲品好多都啱我飲，除咗罐裝，仲有一渣渣嘅自家凉茶。

無意中在社交平台看到介紹廣告，任食任飲無限時，嘩！好抵喎！疫情影响，10時必走，很久沒出街吃飯，而最喜歡無限時，無需急趕，可慢慢食，先吃雞煲，BB辣，好野味，再來打邊爐，叫左個花膠雞煲，湯底好正，侍應話用雞煲左3，4個鐘，我信架！因為真係好好飲，似媽咪煲嘅湯一樣咁好味，再來海鮮拼盤，有6樣海鮮，隨機的，食物選擇需然不多，但已經夠食，最想講係粟米好甜，午餐肉似兒時味道，因為現今的午餐肉，最多只食2塊，味道便有些怪，環境清潔，待應態度很好，應會再去。第一次寫那麽長嘅食評，但相片不多，三五知己，聚舊好地方

疫情放緩，本來一早bookmark定老三火鍋，而家終於可以約朋友食雞煲加打邊爐喇！每人$228 (另收加一)，任食任飲，唔使勒住銀包既感覺真係好爽！去到就先黎一個雞煲，有BB /小/中/大辣，任君選擇！我地唔太食得辣就揀BB 辣，一上檯就要焗三分鐘，再打開蓋，香味就湧哂出黎！好正呀！雞件啖啖肉，又香又嫩，侍應話用另上既響鈴索煲內既汁黎食，確係正！食完雞煲，稍稍清理檯面後就準備打邊爐，我地揀左花膠雞湯煲，侍應提醒可以先飲碗湯再打邊爐。嘩，無諗過打邊爐既湯底係可以咁濃郁架！套餐包埋海鮮拼盤、龍躉片、牛肩胛、蔬菜盤等等。另外仲有幾十款食物可以追加，真係抵到爛👍🏻海鮮拼盤有唔同蜆類、鮑魚、花膠、仲跳跳紮嘅大蝦，全部材料都好新鮮！淨係食完雞煲同海鮮拼盤都已經飽咗一半啦😂 之後我哋叫多一轉牛肉同丸類就已經飽晒啦😁飲品類亦好豐富，值得一題係有兩款低糖果汁，女士們一定鍾意！配埋個雪糕就大功告成，攬住個滿足嘅肚腩走人😂

雞煲嗰種麻麻辣辣嘅感覺真係好正㗎！但係如果同時有得食海鮮喎，又唔錯喎！有咩開心得過食完雞煲再有豐富嘅海鮮餐等住你呢？老三火鍋嘅雞煲，雞肉質鮮嫩而且啖啖肉，我之前食過其他雞煲肉小骨多又唔新鮮，食完真係好冇癮㗎！食完雞煲之後，我揀咗花膠雞湯底嘅海鮮打邊爐任食套餐！每個套餐都已經包海鮮拼盤（鮑魚/聖子/蝦/蜆）、招牌餃子、安格斯牛堅、龍躉配線片同埋菜，其實食完呢一個套餐已經飽咗啦但係佢仲可以無限任任加其他配料呢個價錢來講佢真係太抵啦雖然飽到咁，我都食埋甜品先收手！佢嘅甜品有幾種特色雪糕，包括奶茶同埋海鹽味雪糕！今日真係太滿足啦！

叫得火鍋控梗係每個星期都要打次邊路先安樂啦😂今日就同閨蜜👭嚟到旺角「老三雞煲海鮮放題」無限時⏰嘅任飲任食火鍋店真係唔多🙌呢度真心抵食又唔貴，定食火鍋 $228 有雞🐓煲、鮑魚花膠海鮮拼盤😍雞煲🐓黎既時候跟左碟自家製響鈴☺️雞煲小辣炒得好香又惹味🌶份量都多🙌肉質嫩滑入味‼️醬汁味道有層次唔會太單一☺️配料洋蔥🧅花椒八角、莞荽炒到好香食落幾香濃惹味🤤重點係炒好雞之後店員🧍‍♂️話夾舊響鈴撈埋啲汁食下🙌好食到嘩左出黎（唔係浮誇）鮮炸響鈴包住啲醬汁入口微暖仲超鬆化🤩連平時唔係好食響鈴既我都食左幾條🤤安格斯牛🐂頸脊有驚喜！😍牛味濃之餘口感軟淋又帶少少咬口🤗唔會太肥又唔會韌🙌龍躉片及鱔片好新鮮🤩魚怪食左好多片😋店家好大方連呢兩種魚都係任食😍另外有彈牙手打🍤 蝦丸、自家製水餃….仲有30幾款追加火鍋材料🤩🤩非酒精飲品方面基本既汽水🥤烏龍茶🧃甘蔗水與及自家煲嘅羅漢果茶🧉等等….就算要加錢既🍺酒精飲品都唔貴🍺藍妹、健力士黑啤…青島仲要買五送一😎啱哂我地班酒鬼🤣整體食物質素/服務態度都係唔錯的😆卡位坐得幾舒服環境光猛而且大枱與枱之間會落透明膠阻隔🙌以平時228加一呢個價位食到咁多新鮮野其實都唔錯🥰性價比都幾高❤️呢

朋友約食生日飯，鐘意打邊爐既我見有新開既老三雞煲火鍋，就一於試試!星期五六每位$238，雞煲加打邊爐任食，價錢唔貴。雞煲肉質鮮嫩，而且入味，好食!而且份量多，食完食雞煲都已經飽左6-7成。雞煲仲跟埋一碟即炸嚮鈴，老闆教我哋沾左雞煲汁去食，果然香脆好食!食完雞煲，店員會幫手換湯底打邊爐，仲會俾埋海鮮盤、招牌餃子、安格斯牛肩胛、生劏龍躉肉拼鱔片、蔬菜盤。我哋揀左藥膳醉雞鍋，標準食法係先將海鮮盤加入去，等湯底滾起就可以飲湯，然後食海鮮。藥膳醉雞湯清甜可口!海鮮盤有鮑魚、鮮蝦，硯等等，最好食係鮑魚同埋蝦，好彈牙爽口!硯同貝都好味既，不過就有少少沙，美中不足。第一次食，我覺得老闆同員工服務都十分細心，會同我哋分享點先最好食，例如會提我哋食左蝦先，不然肉質會太老，值得一讚!總體黎講，我十分推薦大家去試，我自己亦會再去食。