耀記滷水店

搭地铁入青衣 穿过青衣城 到天桥到青衣公园到一间天主教堂 过马路 到巴士站到青衣邨上天桥落天桥到大王下村入村向右手见到一间隐世小店......原来开正午十二点， 老板告诉我收两点 ，再由五点开到夜晚大约十点。的确有些奇怪原来好多这个小岛的居民也不知道有这一间隐世小店， 感觉上 佢哋嘅 椒盐 九肚鱼 真系好唔错， 起码皮唔会厚，鱼都系上价货， 入口皮即溶 鱼都唔错好香，第一次去当然要考下佢哋嘅炒功， 佢哋嘅干炒牛河系合格嘅。另外都叫咗个蒜蓉蒸鱿鱼， 碟下面有粉丝， 要嚟配白饭 好好味。白饭嘅质素如果能够再好啲就好喇。…查看更多

蒜蓉粉丝蒸鲜鱿：一向最钟意清蒸嘅方法食海鲜，今次呢个鱿鱼非常新鲜弹牙，切咗花刀嘅鱿鱼除咗增加口感之外，仲可以沾上更多蒜蓉汁，而垫底嘅粉丝同样地都系吸满晒啲蒜蓉汁同埋鱿鱼嘅鲜味。唯一要挑剔嘅位就系如果可以再多啲粉丝就好啦！椒盐猪扒：份量非常多，大概都有十块猪扒。每一块都炸至金黄色，外酥内嫩，冇咩多余油分。食得出有提前腌制过，非常惹味。加埋蒜粒、辣椒末同埋葱花，送饭一流，可惜今次只有两个人食，已经饱到食唔落饭啦～…查看更多

最近好耐都无同朋友聚一聚同埋食耀记，所以就约时间嚟食呢间，再试老板手势。我个朋友系熟客仔，所以一早同老板落好order, 老板当日就会买新鲜食材嚟煮。我地一行6人就叫个8个菜首先就上左个辣酒煮螺，辣味十足，非常惹味。冬风螺亦非常新鲜。之后我地仲叫老板用净低嘅辣汤底煮面，啲面挂晒啲辣汤，非常好食！！之后仲叫左龙虾2食，蒸荷叶饭+粉丝炒底。龙虾劲新鲜，鲜甜弹牙！果然系老板即日新鲜买嘅龙虾。每次来必叫的乳鸽，一咬落去爆晒啲肉汁出嚟，皮脆肉嫩。另外再加个啫啫班腩煲。鱼肉新鲜无霉味。最后嚟个煎蚝仔蛋埋个靓尾。咁耐无来老板都仲keep 到水准，食完又要再约定下次食了。…查看更多

已经帮衬左几年，最近好生意改成一晚做两转客，每转限时2小时既私房菜，，今晚人均$420，食物质素同味道明显下降，环境挤迫，开2大1中2细枱，声音极度嘈吵，某女店员（疑似新任老板娘）态度礼貌欠奉，由以前可以慢慢享受美食同畅谈畅饮既好地方变成赶食既餐厅，叫左8𩠌1汤，最后一道菜上时已经过左1小时30分，还有15分钟交枱就赶右切埋蛋糕，全餐都急住食，如果唔介意赶食既可以考虑，豉椒圣子米粉底，个味咸到一个点，其他食物一般，成餐晚饭感觉好似食放题般赶急…查看更多

高质满足既晚餐同事farewell晚饭叫左卤水拼盘，墨水鹅肠，卤水牛腩，椒盐鲍鱼，炸子鸡，龙虾两食，凉拌圣子，姜汁芥兰同JJ唐生菜菜单早半个月前个大厨倾定好，每道菜都无得弹，同事们冇谂过鲍鱼可以椒盐，仲要可以外脆内嫩，爆汁炸蚝同样惊喜，每个人都话两只都唔够喉炸子鸡都系我必食推介之一，外皮脆肉嫩爆汁，同出面原全唔同龙虾同姜葱粉丝又系绝配，膏同头爪配荷叶饭估唔到咁好味凉拌圣子不得不赞，送酒一流好多嘢食都系同大厨要求菜牌无架…查看更多