影片
入到去问有冇位，女收银态度已极其恶劣话冇位，态度差唔紧要，但完全冇招呼完全唔理你，完全唔稀罕做你生意咁，好耐之前食过，但经过今次极不愉快经历后，绝不再考虑，无谓买难受
继续阅读
系我楼下既一间私房菜，久唔久都会落去帮衬下因为食物水准真系有，但每次食都要等超过30分钟先上菜仲要每碟𩠌都唔平。今次去帮衬更加谷气，3个人6点半钟入到坐左张岩岩好既枱，落单个个丫姐仲提醒话晏啲有机会要同人地搭枱因为晚市，咁心谂无谓阻人做生意啦，照坐低叫左3/4个𩠌有煲仔有菜，每个菜都百三四蚊起，贵既要二三百，谂住好食既野贵啲都正常，如是者一直等到7点十分，三个人一壶茶系到等，平时都呢个时候都上左一两个𩠌，今次一碟都无，隔离枱早过我地到都正系黎左一条鱼。我地去问啦：「点解咁耐都未黎菜既」落单个丫姐就话：「厨房得两个炉煮野食架炸，系要等下架啦，你睇下咁多人」我望一望，咦又系㖞真系好多人，仲要枱枱都无野食架㖞，咁就好笑啦咁你地忙咁耐系到做紧咩。望真啲佢一直都系到做外卖单，原本以为佢做埋手上面张外卖单会理下堂食啲客，无丫佢完全无谂过理，做完一张又一张，一袋二袋咁拎出去。又等左半个钟，我屋企人就颇有微言，开始口噏噏讲话咁耐都无一个𩠌系咪想做生意架，坐咁耐正系饮左几杯茶。佢地第一时间唔系话安慰下你，氹下你，全部都唔系架㖞，落单个丫姐即刻就讲左句「系要等架啦，系咪唔想食先 唔想食可以走㖞，还掂都未开始整你地张单，张单就系到。」痴线咁豪爽讲得，我一定系走先架啦，仲等你出第一个菜俾我食？？咁多枱客都无野食 我相信9点都上唔齐菜。拿拿临去隔离食个碟头饭，好过帮衬你仲要俾你西我面。谂返起晚市价钱已经贵过人地，料靓啲好食啲系基本野啦，唔系我俾咁多钱帮衬系为咩，仲要每碟野其实唔系好大份。再讲，去高级餐厅 迟出菜/漏单都会安慰下你，讲个对唔住啦。无下次，不过间铺唔忧做，附近好多人争住帮衬。如果有人专登入黎显径食，真系要认真考虑时间既问题。
继续阅读
自从第一次食咗佢嘅梅菜扣肉之后，实在惊为天人，从此每次食耀哥我哋都一定会嗌梅菜扣肉，甚至晚上谂唔到食咩，就去耀哥叫两个小菜其中一个就系梅菜扣肉，因为真系好好食！不过预咗要等，起码四五个字，因为佢真系即刻整出嚟，但系佢嘅肥膏入口即溶，猪肉又冧又有弹性，真系10分唔错。其实佢其他小菜都好好食，真系私房菜感觉，有好多配菜。
继续阅读
无时间就真系吾好嚟食喇， 真系会食到火都嚟 一开始落单𠮶个阿姐 已经九唔搭八 我有我讲佢有佢讲 你畀个餐牌我 人哋谂好咗叫边几个𩠌 嗌你埋嚟落单 然后就开始一轮九唔搭八嘅对话 我一边我有我讲食乜𩠌 佢就一边讲今日有啲乜嘢新鲜，乜乜花蛤扇贝炒蚬咁…… 已经系啲唔咸唔淡嘅广东话都算 ，但系可唔可以听我讲完我想叫嘅𩠌，先至再推介你有啲乜嘢好介绍呢好啦，咁最后就叫4个菜，谁不知逐个逐个嚟，食完每一个隔成10至15分钟先上第二味菜， 我真系xxxx， 第一个𩠌菜上枱 我就叫番𠮶个 阿姐 即时帮我落单 要三个白饭 如是者 一家三口 就贵煮一碟𩠌食饭， 到第二味菜嚟到， 自己碗饭都食完咁济 真系痴X线 ， 应该自己去煮会快过佢最后嘅总结系 ，第一，帮你落单啲阿姐 应该系冇脑兼弱智 第二就问题系厨房 ，我想食嘢先嚟，你就吾俾嘢人食，玩呀而家 ?不过我人好老实，食就系几好食，不过真系预咗等到燥同埋落单一定落到著火嗌交咁， 你有你讲佢有佢讲 ，仲要佢又唔明你讲乜咁， 难道我落单要讲国语😒🔥
继续阅读
这间耀哥在显径邨，每晚如果在正常晚饭时间几乎必要等位。今晚夜了吃饭，所以一去就有位。但吃过就知点解会多人帮衬，真系味道不错啫啫鸡煲，足料就一定，重点是味道，不会太咸，食材吃得出不是茶记那些普通。几新鲜。鸡肉不实又有鲜味，可惜冇咩汁，真系想连汁捞饭清。炒左碟菜苖，这个真不得不说，吃时滑滑的但绝不油又不水，而且很新鲜，我很少在街吃菜会觉得这样。就是纯炒菜会比肉类食品更好味，这个做得到。可惜只是和太太二人吃，无法再叫太多。无怪乎很多客来都必吃海鲜或贝类。这店的入货水平必很好。所以个个都放心吃。
继续阅读