翡翠餐廳 (已結業)

人生食過最差既海南雞飯飯係白飯雞係白切雞醬係姜䓤油，仲要問佢有無醬，佢先走去拎過嚟連花生都有d放咗好耐既油味諗住當佢係白切雞咁食啦雞又無味仲要唔平要67蚊其他：一路食一路係隔離拖地，D水彈上嚟

看早餐餐牌，竟然有豬雜湯麵，驚喜！豬雜湯麵很快上桌，豬膶、豬肚、豬腸、肉片各有兩塊，食材用酒醃過，香！可惜湯頭較淡，麵是即食麵，若是生麵更配合。點的另一早餐是鮑魚絲火腿絲通粉，配漢堡扒煎蛋和多士。鮑魚絲當然是仿鮑魚絲，通粉份量很多，鮑魚絲和火腿絲也不少，同樣問題是湯頭比較淡。漢堡扒和煎蛋也好吃，但油太多，用紙巾除油，結果紙巾滿是油。飲品一般，沒什麼特別。

餐廳內的廚師及飲品調配員於工作時分別在廚房內及水吧內吸煙 X.X已向食環署投訴食物質素一般 多油有味精 :-\魚有少量腥味 炒菜有鑊氣(及煙灰) :-[飲品有異味 :-\賣相普通 沒有特別 8-)碗碟餐具 建議自行清洗一次 (*_*)紙巾自取需要 $0.5/一張 :-$冷氣機滴水 影響用膳 :0員工態度需要改善 =_=餐廳衛生環境甚差 廁所內味道非常強烈 O_o餐廳內有電視及大約60個座位 卡位約佔一半 :-!食物價格合理 有例湯及飲品 :‑X

走路到比較遠的地方吃東西，由於這間餐廳還是挺舊式，於是也進去試一試，餐廳非常大，左右兩邊都屬於這間餐廳。節瓜湯，味道還不錯，沒味精，亦沒溝水。一個瑞士汁乾炒牛河，牛河的份量還算不少，但是油份也不少，吃到下面底下的部份，有點兒覺得滿口油膩。牛肉不算太多，好像整碟牛河之中，只有五六片牛肉，在上圖便覺得牛肉太少了。而且瑞士汁欠奉，跟餐牌上他的名字——瑞士汁乾炒牛河，好像不呈比例。另一樣有趣的是，餐牌上面的特餐，竟然索價＄45 ，那麼就比起一個午餐飯（$40），或者這個乾炒牛河，更加昂貴。茶走的奶茶味道還挺濃郁，煉奶份量也不少，沒慳住煉奶，甜度我可接受。

今日搬屋，聽日入伙，無時間食早餐，先出九龍區攞貨再回老家搬野，路經石硤尾，大家都太肚餓喇﹗求其搵間茶餐廳醫肚先得，辛苦晒朋友及朋友既朋友，依餐我請客。嘩﹗見到童年回憶鐵板雜扒餐，等我懷舊一翻先。羅宋湯，勁鍾意飲羅宋湯架，辣辣地就更好啦﹗但依碗好鬼咸喎，重霸道過茄膏味道，吞晒落肚算喇。迷你奶油豬，個鐵板餐配埋架喎，不幸地一啖 knock out！奶油太少，不夠香甜、不夠鬆化、半乾半硬，就放棄。鐵板雜扒餐配意粉，又烚得幾好喎，仲高水準過紅磡郵票餐廳呢。插住舊肉仔捲住彈牙意粉掛著大量黑椒汁，濕淋淋滑嘟嘟塞入口，感覺超正啊﹗見到已好高興，好多肉滿到瀉呀！有煙肉、腸仔、火腿、雞中翼、豬扒、牛扒、薯條，份量重量級，食肉獸心如鹿撞，興奮不已。炸腸無怪味，歡喜。煙肉不乾硬，嚥韌彈彈，雖偏咸但配大量意粉可中和一下。火腿，完全無煎過喎，太普通唔香口。 雞中翼，入口新鮮欠奉。豬扒，軟棉多汁好味道。牛扒，微乸不過份，味道略甜美，合格。$70 蚊有找抵食啦，飽飽。

　　很久之前和朋友在這裏吃過蠻不好吃的咖喱飯，想再給它一次機會；適逢附近我較常光顧的連鎖快餐店正在裝修，於是便移步來了這裏。　　五點幾的時間，環境還是挺嘈吵的，不少人在這裏看報看書，也有一些是婦女帶著剛放學的孩子，電視播放著傍晚時間的連續劇。感覺還蠻熱鬧的。　　　　本來想來這裏吃炒一丁的，但一個炒一丁要四十元，我覺得貴；咖喱也是，所以點個下午茶餐，因為最近不要吃肉類，於是便問可否要蕃茄時菜麵。　　「冇呀有呀，今日冇蕃茄呀，要第啲啦，呢度有寫咁多你都唔揀！」　　「我唔食肉喎。」　　「咁冇架喇！」　　「金菇時菜麵可以嗎？」　　「哦！咁飲咩呀？」　　「熱奶茶。」　　　我認為作為一個侍應，她是代表餐廳的，也有責任盡量照顧與滿足食客的需要。　　麵來的時候我感到蠻失望的，菜和金菇都少之又少，麵也很淡，但淡也有淡的好吧，麵質也一般，但份量似乎太少，好像煮得不夠，蠻膠的。　　熱奶茶不過不失。　　這樣的用餐經驗，真的一次就夠了。

有時D人鐘意落街食，除咗係懶得煮之外，覺得外面D嘢都唔差，價錢同自己煮都差唔多，就一於費事煩！晌花墟打完波，過哩石硤尾搵埋細路妹三丁友，落哩翡翠哩間街坊茶餐廳飯堂搞掂仲快靚正，細個係石硤尾大，間中有哩食，但係依家都好少哩喇，今晚哩到一樣見有一家大細落哩開飯！又係費事諗叫套餐，$34-$44有交易，有小菜、煲仔菜、蒸餸俾你揀，配例湯白飯，唔算話有咩出位嘢或招牌嘢，勝在抵食，平靚正，係飲嘢另外加錢。三個人就三個小菜：紅燒豆腐斑腩、菠蘿京都骨、西蘭花炒鮮魷。如果唔係話要一大棚人要高高興興，對食物同環境要有太高要求，真係好過上酒樓，無茶芥，無加一，上菜快，份量足，講明唔算有咩突出，仲唔算太差，係個豆腐同京都骨打「獻」汁重手咗，好彩兩個都炒得唔錯，最好食係個西蘭花炒鮮魷，西蘭花炒得爽口，無話過火腍晒，鮮魷都新鮮，話晒成間餐廳就座落係街市鋪位。係唯一環境逼夾D，同埋人流複雜D，尤其球季開鑼，好多人落哩睇波食嘢！

學生時代成日都會食但係其實味道好一般....雖然佢自稱係扒的專家但係....根本就係一間普通的茶餐廳但係以佢咁的錢...食咁的野.....咁的服務....真係唔係咁值...

這是一間茶餐廳，同對面花園餐廳成對敵情況。食物方面一星期每天不同餐牌。我見過有特別一點的有豬脾肉，牛利之類，不過唔見好食，反而普通的豬牛更好。羅宋湯太酸，白湯又太淡同有時開唔均。最大敗筆是配菜水淋淋的淥完放上碟，攪到碟飯好多水。凍熱飲方面都是好求其開出來的沖飲。下午時服務夠差，因為學生一多都唔識安排人去那裡，加上通道環境窄，於是上餐就更慢了。另外其實這裡後門是街市，有沒有小強都不太知。這裡之所以多客可能是因為有有線播波，附近公屋沒有安裝，不過是晚上的事。茶餐廳去對而好一點。