翡翠拉麵小籠包

营业中

休息中

今天下午約17:10到這間分店，門口站著幾個人，店內多張沒有人執拾的座位。等了幾分鐘門口等位的人漸多，有的有取票，有的明顯沒有，門口一直沒有職員維持秩序，直到有客人不耐煩走入店內，裡面的職員才出來，二話不說也不問人票號，就讓一群人走進去！所以是誰投訴，誰敢混水摸魚，就誰先進嗎？都算！再等一下，有職員再出來，將輪候號碼由A052，跳到A058，我同職員講我是A057，她看了一下就不理我，走回店內！到底這是甚麼爛服務？

今日又過咗時代廣場開餐，翡翠小籠包好耐無食過仲可以用美食優惠券😋我地叫咗個自選拉麵一人餐再加小食，因為用優惠券所以套餐計番原價，不過都幾抵食😍，茶錢每位$10都包落優惠券使用㗎~🧾📍酸辣湯拉麵🍜湯比較偏辣，麪條一般📍雞絲粉皮套餐必點小食🤗📍脆皮春卷（跟套餐）另加香蔥油餅兩款小食都熱辣辣好香脆，即叫即整👍蔥油餅用酥皮包住，入面滿滿鹹香蔥油📍上海小籠包（四隻）🥢皮都算薄，有少量灌湯

晚上又同朋友黎時代廣場「搵食」，吾知係咪星期五happy Friday 既關係，點解間間餐廳都勁多人排隊？最後偶遇個朋友，俾左張食翡翠小籠包既排隊票我，剛好仲有幾個號碼便到我，所以揀左呢間食。我哋2人點左上海小籠包（4隻）、四川擔擔麵、乾煸四季豆及老干媽什菌炒牛肉。個人覺得比較出色既係炒牛肉，味道香濃，牛肉又嫩又入味，撈飯一流。至於其他菜都是一般般，沒有特別好好食。

上個星期日跟父母來到這裏吃午餐，點了小籠包，生煎包，上海粗炒年糕和春卷。小籠包不過不失，生煎包卻令人感到有點失望，因為裏面沒有爆湯汁，幾乎是沒有汁。而上海粗炒年糕，看賣相不太行，首先份量不多，而且味道普普通通未有驚喜。至於春卷裏面沒有什麼餡料。整體來說以這個價錢是有點失望的。而且要收茶水和加一，有點不太經濟。但是服務和環境尚算合格，如果要輕輕鬆鬆坐在一起食飯，環境還是可以的。至於食物不要期望太高。

今日下雨天，想起公司同事說在附近食點辣，可以軀寒，就到這間店試試。已經有一段時間沒來，餐牌也不同了。疫情嚴峻時，價錢比較便宜及更多選擇。這間店長期都很多人排隊，特別是中午的時候，輪候等位較混亂，等了20分鐘才進店。店員推介新的櫻花餐牌，但我完全沒有興趣，感覺很伏，所以選擇了套餐。本來在擔擔面及炸醬麵中猶豫，最後揀了炸醬麵。炸醬麵，特意叫店員剪面。味道不錯。一大碗，吃不完。小食是跟餐的，揀了雞絲粉皮，花生醬味很香，很好吃，一點也不漏，廚師做得很出色。至於素餃，從前是可以揀小籠包和鍋貼的。但現在沒得揀，唯有揀素餃。可能沒有肉的原因，很難吃。溫度是夠熱，但非常難食，咬了一口就不想食了。另一個伏點，就是潤肺湯。員工是先上湯的，但我想留待最後，結果都涼了。湯油膩油膩的，十分後悔沒有揀飲品，竟然揀了湯。整體而言，面是出色的，雞絲粉皮也十分好。無奈的是，店舖收這個價錢，仍不願意落本，換回小籠包及鍋貼給客人揀。溫馨提示，強烈建議客人揀飲品，不要揀湯，否則整個口腔，吃完面後，油膩油膩的感覺。

你管这麻酱汤面叫正宗四川担担面？？？麻烦请你们的厨师Google一下担担面的图片，改良也不是改的面目全非OK？没啥辣椒味我忍了，毕竟这里吃不了辣，你加一堆麻酱几个意思，真当没四川人吃你菜呢🙃🙃🙃

今日見識到，原來收取加一服務費係要自己做嘢🤬我們叫了幾個套餐，枱上面嘅餸，一碟碟都放咗有8成滿，職員為求放低碟餸即刻走人，佢竟然張放餐巾嘅碟攞起遞給我們🤬跟住再黎嘅餸菜都唔係佢執位，佢企起後面等我地推開先放低！套餐跟嘅白飯係微暖！一定唔會再去

因為有時代廣場嘅coupon，星期六夜晚大概8:50嚟到，已經停止左拎飛，職員話可以喺門口等一等安排入座，大概等咗10幾分鐘就有位，職員都溫馨提示要盡快落單。叫咗平時一定叫嘅小籠包，紅油抄手，雞絲粉皮，嫩雞煨麵同豆沙窩餅。我印象中時代嘅翡翠係比一平時分店冇咁好食，點知今次更加嚴重，除咗個小籠包叫做正常之外其他全部都係難食🤢🤢🤢。個雞絲粉皮嘅粉皮好厚，一啲都唔滑，麻醬完全掛唔到上啲粉皮度嘅。紅油抄手，好明顯係啱啱淥起，雲吞仲係勁濕就掉咗落去啲紅油，啲皮林晒又唔入味。嫩雞煨麵個湯底係好稀好水嘅，平時雖較淡味嘅湯底都變咗無味。豆沙鍋餅，個餅係硬晒好似餅乾咁...最難食。唔知係咪趕收工就質素可以差到咁，我諗我寧願食麵包都唔會再係呢間分店食，太差！食物： 2/10環境： 7/10服務：9/10性價比： 2/10

好久沒吃上海小籠包，同老婆行完街，便去時代廣場地庫翡翠拉麵小籠包吃下午茶，除了小籠包，還點了百步香葱油餅，醉豬手和酸莱牛肉冷麵。祇有小籠包保持水準！小籠包有四隻，豬肉餡有肉汁，葱油餅葱蓉頗多，熱度不足，而食落感覺十分油膩，醉豬手無肉，冇乜花雕味，豬手皮爽脆，但份量太少，酸莱牛肉冷麵，麵質較腍，有酸菜、青瓜絲、紅蘿蔔絲和牛肉絲，牛肉絲數得出10條也不夠🤔除了食物質素下降外，收銀員的服務態度也待改善，對呢間餐廳有少少失望🙄

今日去了翡翠拉麵小籠包的時代廣場分店，想用3張時代廣場優惠卷。係門口看餐牌時，職員告知用優惠卷只可點1人餐或2人餐，看了餐牌都有興趣所以入座。點餐時，我想點2個$78的1人餐，但職員話要用原價$108。既然坐低左，又要趕在6點前離坐，只好點餐。食物來到，小籠包味道正常，蔥油拌麵醬汁較淡要另加辣椒油調味，但擔擔麵只有很淡的辣味，沒有甜酸麻味，只食了兩口，真的很難食！一來使用優惠卷太多規限，二來食品質素很差，曾經是米芝連推薦的餐廳竟然落得如此田地。

自從同事有了時代廣場的優惠卷之後，我們lunch time都走到時代覓食。奈何實在太多人，所以只好買外賣回公司吃🥲，最終到了這餐廳叫上海菜。由於我們是用coupon的關係，所以必須要以正價購買套餐。🙂我挑選了小籠包、酸辣麵，而它就附送了一粒超大粒的芝麻湯圓。小籠包很抵讚因為爆汁得很，汁飛至桌上。🤣酸辣麵很貼心地分湯，酸辣湯有層次，不是死酸或死辣，濃度適中。😆而最驚喜是芝麻湯圓，大大粒size像乒乓波，咬下去芝麻餡很甜，加上姜湯很驅寒。🥰由於我們是用時代coupon，所以要以正價$88買一個餐，三個餐減去兩張coupon，每人只是$55一個餐，實在太抵了！用coupon的話，性價比是不錯的。🥰

👉每到用餐時段，門外總係企🈵️人在等外賣，乜真係咁好食咩？.📌自選小菜一人餐 $68 ～ 小籠包、回鍋肉 ~ 菜、肉份量比例適中，味道很不錯，下飯一流。但小籠包始終跟堂食🈶️啲距離！📌自選小菜一人餐 $68 ～ 雞絲粉皮、糖醋魚柳 ～ 魚柳大塊厚身啖啖肉，酸汁夠開胃。雞絲粉皮靈魂 ～ 芝麻花生醬超足料，爽口好味👍📌自選拉麵一人餐 $68 ～ 鍋貼🥟、四川擔擔拉麵 ～ 擔擔麵湯汁好香花生🥜味，少少辣🌶，麵底好大份，叮返熱食超正。鍋貼仲keep到脆邊，小心啲汁從嘴邊滲出⋯🤤👉$68自選組合真係幾抵食，又好味😋，難怪晚晚排晒長龍 ～ 下次記得預早落定order到取！

放假日在時代廣場覓食，見倒翡翠最近做緊小菜套餐，飯+小菜+小食幾十蚊諗得過窩！平日單點太貴，性價比唔算高。呢間連鎖店質素唔係好平均，時代廣場呢間味道算較好。至少當日食回鍋肉醬汁香濃，豬肉肥瘦合適，唔會太“en”。小籠包一如既往，皮算薄餡汁多，唔會腥。最緊要坐得算舒服，環境乾淨企理。

發現鼎食聚、香港旅遊發展局，連同200+家酒樓、餐廳，推出We Love Dining promotion。第８站，是翡翠拉麵小籠包，有很多分店可選，我預訂了銅鑼灣時代廣場店。We Love Dining 午餐，118元/位：#點心：２選１ 其實我小籠包和生煎包，都想吃！終於選了上海小包籠，１份有４隻，好味！#拉麵：也是２選１，選了紅油牛肉拉麵，餐牌上標示辣度是３隻辣椒，真的辣，但吃得過癮！#桂花酒釀丸子：吃完辣的吃甜的，讚！#豆漿：有冷或熱可選，我點了熱豆漿，好味！很滿意的一餐，給滿分！

今晚同朋友第一次泥呢間食，兩條友叫左5樣野食，真誇張！水煮牛肉拉麵真心推介，因為我本身吾食開麻辣都覺得佢好食，佢又吾係好辣，紅油抄手又係值得推介嘅一樣野食！又係好食的👍🏻