翠軒茶館

营业中

休息中

一路都冇諗過食三文治要煎蛋，當然係流心蛋啦，因為一切開兩半啲蛋汁咪流晒出嚟？細佬嘅推介膽粗粗今朝就試吓 都算OK啊，雖然佢未至於有蛋汁流出，但係都未係全熟蛋黃 係外賣烘底爭少少囉。其實有擔心過舖頭會覺得呢個客人好麻煩 所以如果賣得太平嘅，我都唔敢咁多要求呢度$35算中規中矩啦。Good try ! 不過老實講，我始終都係覺得炒蛋會夾少少囉

九龍灣外賣食店唔錯，熱奶茶用黑白奶沖，（喺九龍灣工業區應該冇幾間）香滑有茶味，如果飲開奶茶應該滿意。燒賣同腸粉都用好食材，唔係工廠大路貨式。雞扒、豬扒，即叫即煎，唔係預早整定。 價錢相對唔平，不過品質有保證。如果現場叫豬扒雞扒要等，最好用WhatsApp預先落單。

都新開左一排，主力係食佢嘅早餐。（三文治或者燒賣）。三文治唔係特別平，只係佢有一款食材出面其他餐廳唔會專登用（出面只會用普通芝士）佢用咗車打芝士 味濃而且有少少拉絲效果。試左一兩次其實我反而睇重個炒旦 希望係滑旦 之前響另一間常幫襯嘅， 不單平啲，重要係滑旦😍$23有埋杯茶 想點？😜今日我食魚肉燒賣 之前試過食豬肉燒賣 ，又唔錯喎！（因為平時飲茶我絕對唔會食茶樓燒賣）反而我對呢啲叮叮豬肉燒賣有興趣，有啲後悔今日揀錯左🙁好似食咗啲好假嘅嘢咁 重要無啦啦貴左兩蚊（$20 包野飲）辣油又唔夠味😞同埋佢啲姐姐日日換人架 好似個個都做唔耐咁（因為有個比較大家姐feel 既）唔知係咪老闆娘 ？其他姐姐好似好怕佢咁😉😗女人的直覺😜

話說九龍灣冇咩好食就係人都知㗎啦。。最慘嘅係冇嘢好食得來又貴喎疫情期間都養成咗買外賣返公司食嘅習慣話說呢一條街係有好多外賣店咁早排就見到呢間新開咗 就梗係試一試佢啦 個常餐都只係$43，凍飲加兩蚊。即刻試一試佢先。咁佢個常餐就係瑞士雞翼撈公仔麵，黑松露炒蛋同丹麥酥。我覺得$43可以食到以上嘅嘢真係機會唔多。首先講吓佢個公仔麵，我覺得OK喎，又唔會一嚿嚿，成個賣相都幾好，係個黑松露炒蛋好似少咗啲。不過唔緊要嘅，$43我可以接受。個丹麥酥都好新鮮。不過當時可能係因為佢哋啱啱先開始營運，所以等得有啲耐，第二次去再買嘅時候已經改善咗。