翠豐冰廳

营业中

休息中

-🔸乾炒牛肉河 $60🔸翠豐無骨海南雞 $78🔸美式菠蘿焗豬扒飯 $65-今日突然想食乾炒牛河，揀咗附近一間冷室，裝修新淨闊落，食物選擇非常多，好有本土味道。乾炒牛河夠鑊氣，牛肉大大塊有厚度，河粉亦炒得條條分明，調味剛好。海南雞飯雞件好靚仔，而且好嫩滑，好少食油飯嘅我都覺得個飯非常之香雞油味，仲有些少薑味，晚市套餐跟油客油菜、例湯同雪糕。焗豬扒飯係西式選擇之一，茄汁濃郁唔會太酸或太甜，豬扒厚肉又鬆化，仲有我最鍾意食嘅菠蘿，平靚正！😋

某天晚上肚餓，黎到呢間茶餐廳位於牛頭角附近，食物款式選擇多，中西合璧，牆壁上寫住用心制作既霓虹燈字，我叫左一份鐵板牛扒餐，好大塊既厚肉西冷扒，配埋薯菜薯角好大片，黑椒汁仲好細心甘分開左裝，另外餐湯中湯好濃郁豬骨湯味，除左鐵板跟餐仲有片好鬆脆軟熟既牛油麵包之後我地都叫左一份薯仔牛柳粒，牛柳軟熟厚粒，薯仔都幾入味，加埋羅宋湯酸甜開胃，而且羅宋湯入面都好多蔬菜涵料，呢度食品價錢好平，食物份量都幾大碟，算係抵食。

今次黎到位於牛頭角、新開既地道餐廳，即係茶記。聽到茶記，好多人都會覺得好污糟。但其實近年開左好多新式既茶記，裝修靚之餘，選擇又多。先黎一個前菜，郊外油菜($20)，有幾款可以選擇，我地就叫左生菜🥬而呢間餐廳全程用apps落單，仲可以揀埋菜想咩湯汁同少油，$20蚊都可以有得揀，出面點會搵到。我地揀左腩汁同少油，生菜吸收左湯汁好清甜！腩汁一啲都唔馬虎，亦唔會過咸👍🏻小菜我地叫左份蜜椒薯仔牛柳粒。平時去大牌檔都好鐘意食薯仔牛柳粒($78)，估唔到連呢度都有😆店員一上碟仲出哂煙。78蚊黎講份量算好多，牛柳粒雖然大小不一，但都煮到好冧。👍🏻薯仔都做到外脆內軟，加上佢地個蜜汁，夠哂甜又惹味。必食‼️主菜我地叫左個美式焗豬排意粉($65)🍝落單時仲可以揀多汁定少汁，我地當然叫多汁啦。🤣豬排就煮得幾軟冧但肉味一般，意粉就正常發揮，茄汁個味道都幾甜。😋傳統焗豬其實唔會有菠蘿同芝士，但可能細個就食開有菠蘿同芝士版本，所以比較鐘意有配料既焗豬。😜菠蘿既份量都算多，芝士都多到掛哂上意粉有拉絲效果～不過就撈得唔太均勻🤣野飲我地叫左一杯什果冰同白牛。什果冰入面水果唔似罐頭水果，而係新鮮水果，呢一點要比like。👍🏻

男朋友office附近開左間新餐廳 睇完menu同店內環境唔錯 就約左我放工去試下初時以為係普通餐廳 菜式應該同一般冰室差唔多 但睇完menu發現當中有加入中式川味、港式粉麵、西餐鐵板、經典泰式既元素 當堂多左好多選擇我地兩個人叫左兩個巧手小菜晚餐 一份泰式脆皮豬手 一份黑松露蝦球炒蛋 另外再加$15升級套餐（配飯、餐湯同餐飲）泰式脆皮豬手 即叫即整 所以都等左大約20分鐘先有得食 豬手皮脆肉淋 味道亦唔會太鹹 岩岩好黑松露蝦球炒蛋 黑松露味好香 蝦球亦有6大粒 粒粒都爽口彈牙 睇得出完全無偷工減料 炒蛋個生熟程度師傅都拿捏得好好 非常嫩滑 好耐都無試過係出面食到咁出色既蝦球炒蛋

收工諗住買外賣係車到食，見到翠豐冰廳都好似幾抵食，買黎試下！❤️黑松露蝦球炒蛋份量的確幾多，炒蛋細嫩，入口順滑。蝦球有咬口感，味道不錯，黑松露味道挺重及突出，完全混合在炒蛋中，啖啖炒蛋都有黑松露，正呀！❤️無骨海南雞套餐海南雞切割鋒利完整，肉質厚切而軟冧，加埋海南雞醬同油飯，一啖飯一啖雞，超Yummy。油飯質素唔錯，粒粒分明、有層次好軟熟。套餐仲要包埋油菜、飲品，晚餐仲會配上雪糕甜品、我簡左沖繩海鹽雪糕，食到好滿足呀。❤️孜然芝麻雞中翼雞中翼大大隻，孜然味幾突出，外皮脆脆，肉質實在，幾好食！

大鄉里出城， 今日要去牛頭角果邊開會， 開完都已經好夜， 所以同同事食埋晚飯先。 行行下見到一間新開的茶餐廳， 環境光猛， 看似寬敞，便走進去試一試。 餐廳行電子化， 是用電子下單的我和同事分別選了兩個巧手小菜， 蜜椒薯仔牛柳粒及香芒沙拉骨。 蜜椒薯仔牛柳粒分量不少， 三色椒切絲配上蜜糖， 薯仔切粒與牛柳粒的大細相約 薯仔粒外脆內軟， 牛柳粒軟身不硬甜甜的外皮， 配上惹味醬汁，口感一流 香芒沙拉骨最愛沙拉骨的醬汁令人非常開胃沙拉骨炸得金黃鬆脆，配上沙律菜作伴碟賣相及味道不錯。 套餐有雪糕送， 較少茶餐廳會有雪糕食， 真開心雪糕是是Cocoberry選了比利時焦糖餅味， 甜甜的雪糕為勞碌的一天作結。翠豐冰廳牛頭角偉業街91號地舖

兩個人係九龍灣午餐唔知食乜好，行過公司附近見到間新開餐廳-翠豐冰廳就試吓啦！無骨海南雞套餐海南雞細嫩幼滑，肉質肥美唔煙韌，無骨岩哂我依D懶人，配上小店自家調配三色醬料，更加入味！食海南雞一定要食油飯，油飯香噴噴，配上海南雞是一種飲食享受。套餐份量足以兩個小女子食，包有例湯，加多杯凍檸茶，已經好滿足。聽店員講，套餐夜晚仲有雪糕甜品，好似好正咁。菠蘿咕嚕肉咕嚕肉皮薄肉脆，最緊要夠肥美，小店味道調配得很平均，酸酸甜甜，不會太酸，挺開胃，跟飯食就一流。我忍唔住搭上小小油飯，更美味，大家即管試下。

餐廳： 翠豐冰廳地址： 牛頭角偉業街91號地舖今日又約左老友記食飯，今日又收工又收得遲唯有係公司附近睇下有咩好食，諗起一間新餐廳，上次食過午餐都試過，今次就試下佢地晚餐，原來晚飯都有做過套餐優惠，套餐有餐湯同甜品送先上餐湯，中湯火喉十足，主菜就叫左海南雞飯 , 海南雞超級嫩滑，冇骨容易入口。食落既香口又惹味，配海南雞醬簡直冇得輸另外一個套餐就金菇牛仔骨飯，朋友點晚，牛仔骨份量都幾附，醬汁又入味，不錯的選擇套裝仲有甜品送，真係食到好滿足另外叫多份小食、麻辣手撕雞真心有驚喜，雞肉鮮嫩，麻辣惹味又不會過分辣，可以講個醬汁都幾惹味不算太麻亦不算辣，好食個不停整體個性價比都幾高，不錯

今日經過見到一間新開餐廳，被它大大顯眼的燈箱吸引，所以同朋友們即管來試一試。入到去，覺得卡位很寬敞，而且環境很清潔乾淨。我地叫了兩樣食物及一個套餐。泰式脆皮豬手 ：豬手皮下面的肉質很嫩滑，口感很有膠質 ，簡直是皮脆肉嫩。無骨海南雞套餐 ：雞肉已經去骨，食落啖啖肉。嫰滑的雞肉配上特調的醬汁，加上油飯香噴噴，很有家的味道。 招牌牛腩魚蛋粗麵：招牌牛腩果然名不虛傳，雖然味道較坊間的牛腩淡，但可保留牛肉原有的鮮味，肉味香濃。魚蛋大大粒，十分爽口彈牙，而粗麵煮得恰到好處，完全沒有鹼水味。

朋友係附近返工，於是係附近揾間茶餐廳坐下，傾下偈。原本想去隔離間茶餐廳，點知5點就收舖，呢間翠豐有位，就坐低。下午茶餐牌都多野揀既，價錢都合理，炒野平均四十幾，兩餸公仔面同其他輕量d既餐就三十幾。見佢特別highlight咗個生炸雞脾薯條$43，就叫咗黎試下。因為佢真係即叫即炸，所以都要等返咁上下時間。除咗覺得個皮炸得乾d，肉質同味道都唔錯，有少少孜然味，薯條都做到外脆內軟，整體都覺得係好味既。另外叫咗個干炒三絲銀針粉，下午茶黎講份量係好夠，味道偏淡，上碟夠熱既。但係就完全比生炸雞脾薯條比下去，食完隻雞脾就唔係好想食返碟銀針粉。服務就睇開d啦，我見住阿姐攞碟粉俾我既時候插咗隻手指入去

🍽翠豐冰廳 (牛頭角)📍牛頭角偉業街91號地舖最近公司同事係咁講話多咗一間茶記喺公司附近，夜晚 O完T 就一於去試試😍，見到啲裝修好光猛，好企理，已經加分👏 兩個人分別嗌咗兩個晚餐😛 ， 蘇格蘭肉眼扒🐄，個扒好冧，用鐵板上好友鑊氣，而且性價比真係好高，呢個價錢仲要送老火湯同牛油餐包，最令人驚喜嘅係個個包係我最愛嘅蜂巢多士，真係超級開心，簡直係將我OT嘅不快一掃而空呀🤭👏👏 另外都叫咗一個翠豐招牌炒飯，好足料，有蝦仁🍤有蛋白，啲飯仲要炒到粒粒分明，十分推介。 環境：💛💛💛💛🤍4/5衛生：💛💛💛💛🤍4/5食物：💛💛💛💛💛5/5價錢：💛💛💛💛💛5/5總括嚟講，性價比好高，呢個價錢黎講嘢食又好味，環境又舒服，一定會再次幫襯👍

🐳每個星期日嘅午餐都要喺觀塘附近搵食，而喺偉業街呢度新開左一間茶餐廳，今日就嚟呢度試下。🐳喺門口大大隻字寫住餐廳嘅名，所以一定唔會搵錯或者去錯餐廳。一入去，大部份嘅客人都係附近上班嘅建築工人，裝修工人或者地盤工人，所以餐廳比較多嘈雜聲。但係啲侍應姨姨就好好人，一見到我攞外套出嚟着，即刻幫我教細啲個冷氣，超級體貼。🐳至於食物方面，我哋叫咗一個是日午餐，仲叫咗一個較為西式嘅意粉。🐳是日午餐：蒜蓉牛扒拼蟹鉗配飯💰62奉送老火靚湯和熱飲☕️我覺得呢個餐都幾抵，佢碟飯都唔細㗎 ！而且又有老火湯飲，老火湯非常之足料，夠晒甜呀！牛扒雖然唔係好厚，但係都有薄薄地兩塊，味道都唔差㗎，另外仲有一個炸蟹鉗。🐳橄欖油香蒜帶子意粉💰72奉送餐湯或熱飲，凍飲加💰3而家喺茶餐廳都可以食到西式嘅意粉，而且都好有水準，呢個帶子意粉炒出嚟好香，唔係好油膩，帶子都有五，六件，適合一啲唔係咁想叫中餐嘅朋友。

👧🏻😋👅🍽✨牛頭角新地標冰廳✅-翠豐冰廳 🇭🇰 牛頭角偉業街91號地舖 🇭🇰-📍電話/whatsapp/QR code落單好方便, 臨放工叫完行到去就有得拎!📍裝修都幾靚, 廚房有大玻璃, 係出面等外賣都見師傅戴晒衛生帽, 入面都好企理📍款式超多, 鐵板扒, 小菜, 炒粉麵飯, 係高質版茶餐廳-🥩🍞🥫至尊鐵板晚飯 - 蘇格蘭肉眼扒 $118💯可揀汁底: 黑椒/蒜蓉/燒汁, 跟塊丹麥多士拎到歧屋企都仲好脆😍💯另外仲跟羅宋湯, 超級濃郁, 偏酸好多雜菜粒, 係真心高質過好多茶記😙💯講返個扒, 肉眼好腍, 少少筋少少肥係兒時去扒房回憶既味道🥰 配薯角, 西蘭花同車厘茄-🐓🍚🥬🍨晚餐D 翠豐無骨海南雞油飯 $78✨配老火湯, 油菜, 雪糕同熱飲, 仲有個靚雞餐平D $70, 不過少左菜同雪糕, 胃食既我都唔爭在8蚊😂✨個老火湯勁正, 完全冇味精, 肉味濃好甜✨海南雞好滑! 有齊3隻醬料任君選擇, 仲有少少醃蘿蔔好開胃, 不過油飯就乾左少少, 配老火湯一齊飲就balance晒✨雪糕係cocoberry牌 (放題常食😂), 有4隻味揀, 比利時焦糖餅味正

🔹牛頭角//翠豐冰廳 🔹人均約$100🔹▫️ 菠蘿咕嚕肉 $78咕嚕肉好脆卜卜，酸酸甜甜好開胃😙送飯就岩岩好！▪️ 西蘭花炒帶子 $78西蘭花炒得爽口好岩我胃口😝帶子都幾大粒！抵食！▫️海南雞飯 $70招牌海南雞😋冇骨架，油飯金黃色🍚🍚🔹好飽評語新開嘅茶餐廳，經過試吓，附近都係商廈多🤣打工仔可以落樓下試吓😋🧠回頭指數：7️⃣🧏🏻‍♀️打卡港女：7️⃣🌬冷氣溫度：8️⃣🚽廁所評價：⏹🧾性價比呢：7️⃣

係海濱匯附近工作嘅朋友有福喇🥰呢間茶餐廳開正喺海濱匯對面，lunch time 就可以試下喇！紐西蘭西冷牛扒 $128港式情懷鐵板餐🥩大件啖啖肉，滿足食肉獸🥰厚切牛扒七成熟味道質素正常✨淋上黑椒汁咋咋聲✨童年回憶嘅味道返晒黎配菜有即炸薯角🥔西蘭花🥦套餐配有紅湯，意粉同埋熱飲紅湯蕃茄味都好濃🍅意粉超大碟😂泰式海南雞套餐$70套餐配有老火湯，白飯/油飯，熱飲海南雞啖啖肉🐥係一個抵食飽肚之選翠豐冰廳 (牛頭角)牛頭角偉業街91號地舖