翠華餐廳 (欣榮商場)

营业中

休息中

茶記早餐不外乎腸仔蛋公仔麵之類，今天在這𥚃吃了個蝦籽珍珠雲吞麵，珍珠雲吞顧名思義，細細粒，一粒雲吞剛好一隻蝦，幾爽脆，雲吞麵雖然有少許淋，但都算合格，加上一杯招牌奶茶，飲到茶香，名不虛傳

真的有點很不明白， 為何這麼多人專程找這間餐廳❨翠華❩？ 我之前都陳在旺角及銅鑼灣食過， 講到價錢絕不算平，可說比一些西餐廳還要貴，服務質素也只是平平，而食物品質也只可說普通，之前以為只是遊客區是這樣，但原來連街坊區，也只是一些普通的茶餐廳， 某情況下，街坊的茶記也比他好豬軟骨米線，豬軟骨味道還可，但米線太過淋及淡蝦籽珍珠雲吞麵， 名副其實珍珠雲吞， 麵質偏韌，唔睇個名差啲忘記了有蝦籽餐牌好似好多，但其實撰擇不多

紅日假期的上午一個人, 沒有太多的選擇下, 還是只有集團提供的食物; 上班已是五天的公仔麵餐, 今天見到有粒粒雲吞麵選擇, 算是給自己一點安慰吧! 蝦籽珍珠雲吞麵餐($37)雲吞不錯, 份量不多 

天氣轉涼🌀一早到土瓜灣開會, 順便食個暖暖早餐😋翠華算是大集團, 出品算是不錯!今日揀了最簡單的火腿湯通粉😋湯底幾濃wor!!配埋太陽蛋既汁! Yummy!😋(我鍾意吉穿d太陽蛋黎食😂)餐包好暖呀！有烘熱的確不錯!餐茶必定點選熱奶茶☕加上1匙半糖! 味道剛好!奶同茶的真係比例好重要, 呢間處理得好好!評分: 5⭐最好食物: ⭐⭐⭐⭐環境: ⭐⭐⭐價錢: ⭐⭐⭐服務: ⭐⭐⭐p.s. 被安排坐在門口位, 所以食物好快就變涼😅

兩個人收工睇完戲想食少少野最好就去翠華卡位多好坐又多選擇呢度最出名海南雞我地一齊叫海南雞飯加多幾元改雞脾位雞脾夠油亮，而且肉質鮮美嫩滑油飯十分香口，可惜隰咗少少連埋跟餐的醬油同羗蓉超正如果油飯乾身啲就好配一個青紅蘿白湯，有埋豬骨咬吓可惜個湯偏咸跟餐小食酸青瓜都吾錯朋友果個近雞胸位佢話鞋喎個餐吾包飲品，平均每人七十元水準算不錯，但都幾貴因為飲品另外叫，我地每人加涷飲埋單接近每人一百元了久不久食一次還可以

兩年冇黎翠華，今日為左就腳黎食個午餐，再次失望告終。首先係香煎龍脷柳伴海蝦球套餐。忌廉湯味道ok，平平無奇。龍脷柳味道唔差亦都唔太細塊，奇怪在於海蝦球。我搵左一陣搵唔到海蝦球，同個侍應講冇蝦，佢拎返一粒比我，後來先發覺家人原來係魚柳底搵到一粒(一隻手指公咁上下大細)，即時覺得好冇癮。然後係豬軟骨配魚蛋米線套餐。呢個餐食得過，起碼冇偷工減料，魚蛋同豬軟骨都幾入味，個湯底都食得出冇乜味精。另外個凍檸茶少甜少冰水準ok，正合我口味。

昨天打了今年的一個十號風球，因此多了一天假期，在家休息了一天，可能因為咁，今天早上起床得特別早，醒咗又肚餓，當然要吃早餐，六點可以去邊度食，最近只有翠華，因為它五點五十分已經可以入去坐。這裡有幾種早餐，不過我食來食去都係B餐，包括有牛油豬仔、沙爹牛肉麵、煎無公害雞蛋，凍咖啡另加$3，共$38。牛油豬仔，外皮好脆，只係牛油少D，雞蛋本來係炒蛋，不過我改了煎雙蛋，賣相都幾差，不過好有雞蛋味。沙爹牛肉麵，沙爹味只在牛肉，個湯只有些少許沙爹味，牛肉都幾淋身，至於麵質就比較硬，我喜歡浸一、兩分鐘先食，因爲我會先加入辣椒油，咁麵就可以吸收D湯，仲會好味些。我喜歡這裡的凍咖啡，因為會有些咖啡粉在冰上面，不過今次太多忌廉，咖啡味無乜，好彩可以換返。呢度辣椒油都幾辣，唔好加咁多。

今日返晏, 當然要好好嘆返個早餐先返工喇! 上次同女朋友仔食過呢度既早餐唔錯, 今日自私食再encore多次歐陸早餐歐陸早餐似all day breakfast, 炒蛋, 茄汁豆, 豬油豬同一大條深海炸魚柳豬油豬十分脆身又香口, 幾好食!大條野既深海炸魚柳都係熱辣辣嫁! 即叫即做好有誠意!! 魚柳個肉質唔會太過林, 而且仲keep到水份唔會炸到太干! 幾好!! 而且又夠大條加埋杯凍奶茶呢個早餐須係豐富又滿足不過呢個餐要$4x, 都幾貴

土瓜灣嘢食多籮籮, 如果唔想試新野呀可以保守啲可以食翠華餐廳早上10點半已經來到土瓜灣, 對於我來講假日要今早來到土瓜灣真是有點吃力. 不過今日晏晝會入大澳行街食嘢, 所以今日比平時早起身, 少有可以食到早餐與男朋友叫了一個歐陸早餐以及一個菠蘿油歐陸早餐外型同all day breakfast 一樣, 除此之外仲有一條即叫即炸嘅深海炸魚柳酥炸魚柳好實肉又有口感, 炒蛋味道比較淡口, 同埋冇想像中咁滑身. 整體而言都不錯喔! 菠蘿油單叫 $11價錢的確幾抵食, 而且呢度有冰鎮牛油, 食菠蘿油食得夠氣勢啦掛😏😏😏菠蘿油食得出好新鮮, 內裏嘅麵包鬆軟無比, 配上牛油的確係完美嘅配搭今日呢個早餐真係食得好豐富❤️

我有時早上起床之後，想吃早餐，都會想起翠華，雖然價錢貴些，而係質素有保證。它的沙爹牛肉麵餐，有炒蛋及脆豬，而且我愛吃煎蛋，因為沒有加任何野，而最重要就是辣椒油，又辣又香，加在麵裡，特別好吃，而凍咖啡就香濃。

今日經過翠華，見到面包櫃入面有新鮮出爐既菠蘿包，結果忍唔住停低買左一個即場食，當我拎係手既時候，真係熱架。咬落去個皮好脆，而面包亦好軟熟，以hkd 6 既價錢食到咁新鮮既野，絕對係抵食呀。有感而發：其實而家去d大型連鎖式既面包店，已經好難買到新鮮熱辣既面包。

其實而家少左好多舊式既麵包舖菠蘿包 雞尾包 腸仔飽 墨西哥包咁變晒做咩咩芝士包啦 黑糖咩咩包啦 宇治沫茶什麼 等等等......總知唔會再簡單 一定要加多少少既名係個包名前 多謝10蚊 20蚊一個....都明白到現今物價高 要求又高但其實仲有好人都係想簡簡單單食個包 只係要好味啲晏晝經過翠華 早餐太豐富未算好餓但唔食又怕轉頭會肚餓 咁不如食個包??要左奶墨西哥包同雞尾包各一個其實都唔明點解成日有人排隊買架今次就試下啦入面係半固體 類似有句咁既奶黃 甜甜地 好重奶黃味同個包好鬆軟既質感好夾 一咬就鬆開左 個面層鬆化得黎又唔會好散新鮮出爐 熱住食 好味雞尾包就可能唔係咁夠熱 暖暖地 所以個雞尾包饀唔算好流心咁 但包面好有口感 厚而不硬饀夠香同甜 而且個包有平時既兩個咁大 我食完都飽晒 本來想飲埋佢個奶茶 但太飽 下次啦

今天有外賣麵包早餐吃，雖然回到家已經凍了，但賣相仍然吸引😊雪山奶皇包，口感實在，奶皇很幼滑，感覺有點像很滑的布丁。 雞尾包-一樣涵料十足，甜度適中，包上滿滿芝麻，是雞尾包不可缺少的。 這裡的麵包的確不像有些麵包店的出品像吃了風一樣，完全沒有飽肚感，是個價錢親民但味道口感滿分的選擇！

今晚相約友在尖沙咀吃晚飯，整個晏晝的時間隨便到處逛逛，行累了就找間餐廳歇息一下，此刻心裡最想吃的是菠蘿油跟奶茶，便想去翠華吃。下午茶時段客人稀少，可隨意找張自己覺得合適的餐桌，侍應留意到有客人，即時迎接遞上了餐牌並推展有下午茶供應，我只翻過餐牌一會兒便點餐，點了香港既普遍又好吃的食物——菠蘿油、蛋撻以及奶茶。菠蘿油熱騰騰，夾入鮮牛油熱溶浸入包裡更香口美味，外皮脆口，吃入口外脆內軟，再配上奶茶更完美。蛋撻涼了，變相撻皮也開始有少許“林”，蛋味不太突出，整體味道普普通通。犬犬本身挺喜愛飲奶茶，可是港式奶茶往往味道偏向苦澀，茶濃味苦，失去了紅茶的香味，今次也不例外。記得有次出國旅行，始終不習慣外地的飲食文化，短短不足一星期的日子就已經思念香港地道菠蘿油和奶茶，雖是普通廉價的平民食物，但足以滿足自己的胃口，香港就是一個能夠鎖住你個胃的老婆。

聽就聽人講得多, 今次第一次食, 講真都係普通野...今時今日3x蚊食個早餐算係合理黎個最普通ge B餐, 沙嗲牛肉湯麵配蛋同豬仔包無公害雞蛋同普通雞蛋一樣, 係有蛋味ge, 而且的確炒的好滑, 值得讚賞。不過個包就......唔知係咪凍咗....硬過石頭...至於個牛肉湯麵, 的確係"湯麵", 同我想像中的沙嗲牛肉有少許出入, 質地比較稀而個麵係未煮透, 可能驚食客嫌淋掛, 所以要浸一陣先食得。