翠華餐廳 (欣榮商場)

营业中

休息中

難得得閒就去食返一次翠華啦！所以今次就叫咗佢再出名嘅神之叉燒飯同埋冠軍焗豬扒飯。首先嚟講神之叉燒飯，佢嘅叉燒肉好厚實，有小小感覺自己食緊豬腩肉咁。飯嘅份量都好多仲可以加配時菜同飲品。而冠軍焗豬扒飯都好正，豬扒肉質細嫩多汁，配上好多芝士同蕃茄汁就變到更加好食，而且飯可以變成意粉，無論食飯定意粉都可以得到滿足。我最後仲叫咗一個瑞士雞翼，瑞士雞翼非常之軟腍腍入味，有好濃郁嘅瑞士汁，味道鮮味。而且估唔到佢居然有得揀凍鮮奶作為飲品。

依家出去食個茶記晚餐都唔平，翠華都唔例外，但出品高質係值得，仲成日有新嘢今期做緊超感應奶蓋系列😂😂 有芝士奶蓋阿華田西多，同芝士奶蓋翠華奶茶，各自都30幾蚊，但做緊限時優惠套餐價$46有晒兩樣，好值得試吓！流心西多勁澎湃，個奶蓋唔會太甜，反而好香滑奶味，個多士都唔油， 而好重蛋味，做得超好。個奶蓋奶茶嫌佢唔夠黃金比例，奶蓋多返1 cm就差唔多😂 不過勝在茶底靚搭救，整體都好飲冠軍焗豬扒飯 $75 都算係signature，我周不時都會嚟食，今次塊豬扒大到超越咗個焗碗抵讚😂 茄汁有少少似羅宋湯，有煮到好腍嘅雜菜粒，豬扒鬆化！芫茜牛肉滑蛋魚湯飯 $68芫茜迷必試！個魚湯好鮮甜，就算冇不到芫茜碎都好重芫荽味，牛肉用鮮牛，份量多又夠腍，冬天飲完暖笠笠好正白灼芥蘭苗 配 海鮮豉油 加配價 $25QR code落單，細心位係可以汁另上，鍾意食重口味嘅可以自己點汁，芥蘭苗好嫩好甜，正

聖誕節日，好友和我都支持留港消費，我地去左土瓜灣行街，順道去位於土瓜灣馬頭角道33號欣榮商場地下8-10號舖的翠華餐廳食鐵板餐，環境舒適，坐得舒服。我點左個 鐵板系列的香燒羊扒配意大利粉 $158，蒜蓉汁，牛油豬仔配粟米雜菌忌廉湯，追加 白灼芥蘭苗配海鮮豉油 $25，餐飲係 熱駌鴦；好友點左個 鐵板套餐（午餐）的雜菜薄牛扒配白飯 $73，配燒汁，餐湯係粟米雜菌忌廉湯，餐飲係熱檸檬茶。7成熟的羊扒好好味，羊味香濃肉質嫩滑，意大利粉軟硬適中又有咬囗；薄牛扒煎得香脆好味；芥蘭苗青綠鮮甜。店員服務態度良好，上餐快捷。

「茶記，總有一間系附近」今次小編帶大家黎到土瓜灣，同大家介紹一間水準吾錯既連鎖茶記 一 翠華🌟神之叉燒飯 $83叉燒食得出系用梅頭，肉質軟腍，搭配埋蛋香十足既滑蛋🤤👍🏻👍🏻🌟冠軍焗豬扒飯 $75豬扒啖啖肉，搭配洋蔥、蕃茄、茄汁焗飯，酸酸甜甜好開胃🤤👍🏻🌟皇牌馬來咖哩牛腩飯 $80(+$10炒底)炒飯炒得夠乾，馬來咖哩香氣十足，質地濃郁，牛腩牛味濃，搭配埋薯仔，好好餸飯🤤👍🏻👍🏻📍翠華餐廳 (欣榮商場)地址：土瓜灣欣榮商場地下8-10號舖#土瓜灣 #翠華餐廳 #翠華 #白酒 #茶餐廳 #留港消費 #叉燒飯 #香港味道 #瀘州老窖 #港式奶茶 #香港美食 #香港必吃 #香港打卡 #為食關注組 #覓食土瓜灣 #食在土瓜灣 #香港茶餐廳 #神之叉燒飯 #咖哩牛腩飯 #冠軍焗豬扒飯 #土瓜灣食乜好 #香港美食攻略 #香港美食地圖 #九十後行到邊食到邊 #皇牌馬來咖哩牛腩飯 #HKIG #HKIGER #HONGKONGFOODIE

同朋友行過土瓜灣找野食，見到翠華，很耐未食過就入去試下，這間舖幾大間，坐位幾寬敞。 最想食番就是佢地個鹿兒島豬軟骨米線，每次都會食到同一款味道，豬軟骨都是很沐身很入味。 👉冠軍焗豬扒飯，豬扒很厚身，很沐，碎上方便食用。 👉炒蛋咸牛肉潛艇，大量炒蛋，蛋味很濃，但牛肉味就冇咁出，配有芝麻在面嘅麵包，原來會有另一款口感。 👉奶油脆豬包，新鮮熱辣辣食，就很脆口，最好味。 👉白灼芥蘭苗，配特制豉油汁，很爽脆，還原了家的味道。

一直都幾鍾意食翠華，茶記嚟講質素幾高，水準亦保持得好平穩，今日晏晝又嚟醫肚神之叉燒飯 - 叉燒少少燶邊好香口，半肥瘦口感軟腍，炒蛋好滑，蔥油夠多，白飯粒粒分明，蜜汁流落啲飯度，撈埋食好正；配清脆嫩綠菜心，健康之選瑞士汁雞翼 - 瑞士汁甜甜地好開胃，雞翼醃到勁入味，肉質嫩滑，好食冠軍焗豬扒飯 - 炒飯底夠晒多蛋勁香，豬扒大大件啖啖肉，調味適中，濃而不膩奶茶檸茶茶底夠濃，奶茶口感順滑餐牌提供嘅選擇好多，環境同座位都幾闊落幾舒服，侍應姐姐又殷勤，值得推介

👩🏻‍💼放工約咗舊同學攞番本書，順便一齊食埋個飯先。🍳神之叉燒飯：我哋本身係好鍾意食半肥瘦叉燒🔥呢個叉燒上面瘦下面肥美✔️撈埋蛋、秘製醬油同埋飯一齊食就最啱啦。🦐珍寶蟹柳吉列蝦海鮮雜扒：呢個鐵板大份到不得了呀🔥條蟹柳又長又大條🦀仲有隻炸到脆卜卜嘅吉列蝦🍤今次揀咗跟意粉🍝好飽好滿足呀🉐🥪芝士奶蓋 X 阿華田西多：食多個芝士奶蓋 X 阿華田西多就圓滿喇😍切開份西多🔪d 芝士奶蓋同埋阿華田慢慢流曬出嚟😍即叫即做🔥夠曬邪惡👍正呀😋🫕羅宋湯+牛油豬仔：勁多料嘅羅宋湯✅啖啖都充滿蔬菜同肉嘅甜味💯加埋脆卜卜嘅牛油豬仔🐽唔錯噃🉐☕️香滑奶茶：奶茶控嘅我就好喜歡佢哋嘅奶茶😍無得輸💯

🌸鐵板洋蔥薄牛扒配意粉（洋蔥汁）熱辣辣上枱，薄牛扒嘅份量都幾多，大大塊！牛扒好軟腍，都好有牛肉味！配埋彈牙同埋入味嘅意粉，真係好飽肚🌸冠軍焗豬扒飯份量好足夠，豬扒厚厚又大件，炒飯底好香蛋味，飯粒粒粒分明🌸吞拿魚蛋沙律潛艇，長長嘅潛艇，夾住超滿嘅吞拿魚蛋沙律同埋蔬菜做餡料，鹹鹹香香，一齊食落口都幾清新！🌸芝士奶蓋阿華田西多幾特別！厚厚嘅西多脆邊，外酥內軟，上面鋪滿大量嘅阿華田脆脆仲有芝士奶蓋，甜度適中唔會太甜！🌸粟米雜菌忌廉湯好creamy!🌸芝士奶蓋翠華奶茶，啖啖奶蓋香味，甜度適🌸熱桂圓紅棗杞子茶好足料，暖笠笠幾好飲！餐廳舒適寬敞，好多卡位！上菜速度快

踏入秋冬，好想食鐵板餐~～近近地就黎到翠華食! 同家人點左個鐵板西冷牛扒拼帆立貝, 揚洲炒飯, 白灼菜心苗，炒滑蛋三文治～鐵板西冷牛扒拼帆立貝～西冷牛扒肉質嫩滑，配埋薯菜，真係好正，薯條脆卜卜。個餐配埋羅宋湯，味道濃郁，酸酸甜甜好開胃，另外仲送埋牛油豬仔包，好香口。揚洲炒飯賣相金黃，炒飯炒到乾身又粒粒分明，食落好彈牙，唔錯。白灼菜心苗菜心好靚，食落好爽脆~炒滑蛋三文治滑蛋炒得好香好滑，食完好飽肚~

翠華真係個個香港人都識，水準一直保持得唔錯鐵板京川蝦球炒雙黃麵 - 鐵板上熱辣辣，麵好夠脆，汁夠得嚟唔會太多，大蝦同洋蔥都爽口彈牙印尼炒飯 - 炒得好香，調味好好，粒粒分明，蝦片脆卜卜，串燒有咬口阿華田奶蓋西多士 - 好邪惡，阿華田同奶蓋嘅組合勁夾，又香又甜，西多入邊仲有兩層蛋黃，好特別辣椒腐乳通菜 - 大大碟又翠綠，腐乳好夠凍奶茶 - 香口順滑，茶同奶嘅比例啱啱好環境好光猛好闊落，又乾淨，完全唔迫，好好餐牌提供嘅選擇好多，應有盡有，圖文並茂咁好吸引，用QR code落單又方便，真心唔錯

敝人大陸人，但已在港生活4、5年。向來知曉茶餐廳的基本規矩，也瞭解服務態度。但今天這家翠華仍然是突破我的三觀，令我痛罵自己沒有出息花錢遭罪。坐下舉手點單，男服務員直勾勾看了我一眼，然後就忙別的去了。您哪怕說一句等會都行啊。又看到一位女士我舉手。一句話沒理我，把我桌子上上一位留下的殘羹剩飯收走。幸好她沒把我忘了，過來點單。期間問我什麼湯我立即答中湯。然後哇「冇中湯我問你羅宋定餐湯！！！」聲音又大又兇嚇得我差點一哆嗦。可我只是正常聲量說錯一次而已，好像小學時被老師叫到前面當著全班被罵一樣。本來我今天心情很好，一直也是心平氣和。但各位服務員充斥到整個店的怨氣和憤怒情緒已經完全改變我的心情。後悔又失望下寫下此篇。翠華已不是低端便宜的連鎖品牌，但給了我超越普通茶餐廳的心理陰影。以後絕不會再來，謝謝。

相信大家對翠華唔會陌生香港家喻戶曉的老牌餐廳經過土瓜灣分店好大間一於探店試下質素如何❣️鐵板照燒牛扒配薯菜牛扒上盤約七成熟，有兩大塊份量十足，咬下去非常軟熟，口感柔軟而且多汁，肉味濃厚，配上黑椒汁一流；薯菜有薯條和西蘭花，薯條炸得脆口食到不停～❣️芫荽牛肉滑蛋魚湯飯牛肉和滑蛋身為最佳配搭，配上湯飯同吃不得了😋芫荽的清新味道，令湯飯增添色彩和纖維素，更可用來消除牛肉的油膩感⋯⋯❣️清湯海蝦球米線清湯呈奶白色，湯底鮮甜唔會太鹹～蝦球大大粒，肉結實又彈牙，用料新鮮👍米線腍滑適中，吸滿清湯的香味好掛汁❣️沙嗲牛筋牛腩河粉牛腩牛筋，份量很大一個人未必食得晒😆牛腩好爽好香，可以食到牛嘅肉香，而且咬落爽口又唔韌；牛筋煮得好腍，河粉又滑配香濃的沙嗲湯底，好滿足的午餐～

叉燒肥瘦相間，舊舊厚切，燶邊焦香，蔥花滑蛋蓋飯，配個濃稠蜜汁豉油醬，賣相同味道都相當岀色。碗飯上枱個樣係靚過餐牌張相，怪唔知個名叫神之叉燒飯。 記住加碟菜，翠華油菜係我係茶記食過最高質素的！白灼菜心苗配蒸魚豉油，認真說比酒樓做的高幾班，色澤同口感都一流，豉油調得好好味。焗芝士西蘭花小朋友會喜歡，有拉絲芝士、車厘茄、粟米、白汁。甜品：超感應芝士奶蓋阿華田西多，完全冇過甜，奶蓋微咸，西多士脆邊入面係蘸滿蛋汁金黃色，華田粉有混合脆脆唂咕味勝於甜味，未切開奶蓋已經「感應到」要像熔岩般流動～高度推薦。翠華經典：生磨蛋白杏仁茶，每次都會飲，蛋白份量足料，杏仁茶底味道天然，濃淡適中，入口舒服。

冠軍焗豬扒飯 $75豬扒金黃酥脆，肉質鮮嫩多汁，配上香濃嘅芝士，表面微微焦脆，米飯粒粒分明，煮得鬆軟，完全吸收晒豬扒嘅鮮美肉汁，再搭配香濃嘅蕃茄醬，味道更加豐富。鐵板京蔥牛筋腩 98牛筋腩全部都炆得夠腍夠入味，份量真係多，尤其有我至愛嘅牛筋，口感滑嘟嘟，非常嫩滑，配上香脆嘅京蔥，更增添一種獨特嘅香氣。熱鐵板上，牛筋腩與京蔥一同翻炒，滋味交融，層次分明。瑞士雞翼撈麵 $50 下午茶雞翼經過特製嘅瑞士汁醃製，外軟內嫩，輕輕鬆鬆做到骨肉分離嘅效果。撈麵就煮到剛好軟熟，表面淋上香濃嘅瑞士醬汁，帶有微微嘅香甜味道。荔枝紅莓沙冰 跟餐加$20清爽可口，冰粒細膩，荔枝嘅香甜與紅莓嘅酸互相結合，色澤鮮艷，口感滑順，十分解渴。凍檸茶 跟餐加$3

講起茶餐廳，相信好多人都聽過翠華～間唔中又想食下茶記，行過土瓜灣呢間翠華見到座位闊落，環境乾淨企理，於是去試試佢最近質素如何😼見到有限時優惠，芝士奶蓋阿華田西多士+芝士奶蓋翠華奶茶都只係$46，咁嘅價錢真係抵到爛🥹西多士勁大份，芝士味唔係好食得出，但阿華田同奶蓋嘅組合已經好出色，出奇地唔會覺得好漏🙈翠華奶茶本身印象都唔差，今次再加上芝士奶蓋，奶香味更加濃郁，口感亦更加醇厚👍🏻鐵板選擇多樣，午餐鐵板薄牛扒拼牛仔腸只係$73，本身仲諗緊薄牛扒係咪同大家x早餐一樣，估唔到原來咁厚咁大塊，仲要有兩塊！抵食到呢🫣熟度恰到好處，牛香味重，冇咩油邊，啖啖肉🥩神之叉燒飯作為翠華招牌都係必食，叉燒外皮微焦、肥瘦均勻，厚切嘅口感好正，醃得非常入味～滑蛋蛋香味濃郁，配上秘製豉油真係食過翻尋味😋瑞士雞翼撈麵茶餐配埋嘢飲盛惠$50，雞翼有三大隻，肉質嫩滑飽滿且好入味👍🏻撈麵裹滿秘製醬汁好惹味～加$20轉特飲，試咗新出嘅荔枝紅莓沙冰，應該落咗唔少新鮮生果，冇咩藥水味，沙冰口感綿密、味道清爽可口，解暑一流😄