翠苑越泰餐廳 (已結業)

味道好又点，味道好服务就可以差?可以黑面对客人，比面色客人睇，对客发脾气?第一次食野有咁既服务，永世难忘!如果职员系唔舒服既请你请假，唔好将你既不满发给客人，我地系无辜的。…查看更多

呢啲又好味, 价钱唔贵嘅小店, 真系要支持多啲。喺女人街两边嘅食肆, 其实好难被人察觉, 唔好话见到记唔记得, 比外面嘅单挡遮住 , 其实真系见到见唔到。我唔知依间店舖开咗几耐, 但系听老板同其他食客交谈, 听到佢地应该系喺度开咗好多年, 经历过风霜起跌。香茅鸡扒饭 - 好味调味。外皮炸得脆, 里面肉嫩多汁, 加上美味葱油, 冇得弹。越式炸虾饼饭 - 炸虾饼有大排档风味, 再加上越式嘅调味, 当然唔少得葱油嘅惹味, 令到饭都食多啲。冻柠茶、热奶茶亦相当有水准。…查看更多

之前黎过呢到食, 都唔错, 旺角行完街一个人, 简简单食个晚餐算了, 估计唔洗等位。黎到果然唔洗等, 坐低点返个咖哩猪扒饭, 加$2饮品转做红豆冰, 都系$44, 真系好抵食。惹味既咖哩汁, 配上香茅猪扒, 猪排软腍, 好香香茅味, 煎得好靓, 美中不足的是, 饭略嫌干同硬左小小。加$2转红豆冰, 好抵, 红豆起沙, 不会太甜!…查看更多

今晚约了男朋友来吃这家吃了无数咁多次的餐厅，位于旺角女人街旁邉，非常非常方便，逛街累了可以吃饱再逛过。男朋友叫了个炸扎肉冻檬，可自行以自己的口味加上甜甜酸酸的甜酸汁，在炎炎的天气吃这个真的令人非常开胃。而因为我近排不太想吃冻的食物，所以叫了香芧猪扒热汤檬，也是非常美味。然后我们叫了泰式炸虾饼，这个炸虾饼外脆内软加上附上的泰式酱，真系令人吃了又想再吃。因为不想只吃太油的食物所以最后我们叫了清清的腐乳通菜，通菜加上腐乳一起吃真真是非常好味。…查看更多

翠苑大大话话都开左十年以上，作为小店可以生存到今时今日真系唔容易，全靠佢真材实料价钱合理，每次都冇失手，我每次晚饭唔想食饭都会叫佢嘅"烧鸡冻檬加沙嗲汁+冻啡"$38 ，抵到烂！次次送到嚟都系整整齐齐唔会天一半地一半，依様嘢系送外卖好重要一项！讲返个檬，佢系用一只大鸡肶去烧，次次都系烧得咁靓，生熟又啱啱好，配上超多炸过嘅干葱同花生粒仲有新鲜嘅葱油，最后更系要加埋佢嘅招牌沙嗲汁，依个美味真系冇法去形容，系冇可能响其他地方食得到！仲有佢杯冻咖啡亦系招牌，非常香浓细致，我觉得好饮过星巴x ! 希望佢可以一直做落去！永远支持佢！…查看更多