翠湖海鮮酒家

营业中

休息中

本身見到其他人係OpenRice share嘅早茶優惠去到十點，我星期日九點左右就去到，咁啱冇六個人枱，不過姐姐好快手就換張大啲嘅枱俾我地坐。原來宜家早茶優惠改到十點半，十點半前落單就得。不過十點鐘開始已經見到好多人要等枱，所以都要早啲到。比較特別嘅係酒樓出面嘅走廊有啲四人枱，如果有寵物都方便喺度飲茶。有太陽傘可以遮太陽，不過冇見到有風扇，感覺夏天會熱啲。嘢食幾好食，又熱辣辣，蝦餃燒賣叉燒包都好食。仲要好扺食，六個人都係食咗400蚊，平均七十蚊唔使，已經包埋茶錢（每位$12）。之後會再黎食～

本人於3月13號 10:11:22 在將軍澳天晉滙一期取票 A100, 當時在場冇人取票只有我一人，然後陸續有2位嘅食客取票。 過了5分鐘左右，突然有穿白色衫職員叫遲過我取票的食客（A101）入內。我問前台為什麼，她說是搭枱的。我和她入來看，我說是食客仲企喺度等緊執枱嗰張喎。我嘈了一兩分鐘佢哋立即安排另一張枱給我。 我之前已試過一次是這樣的（不叫號就安排熟客入座）。咁樣做令到喺度等嘅食客好反感、好反感、好反感。我想問吓 心翠湖嗨鮮酒家 係咪縱容這些事件？我覺得 服務態度 重要過 食物質素

約左幾個親戚食晚飯，呢一間一定要預先訂枱唔係大時大節都分6點和8點2個時段入座，而且仲要坐滿人今次叫左4個小菜先嚟係第一炒，原來係帶子蝦仁露荀小炒菜式幾多帶子和蝦仁，露荀又好清新嫩口好味第二碟上嘅係咕嚕肉咕嚕肉甜酸適中，啖啖肉，伴碟菠蘿唔會太甜，幾好食第3碟遠影，係蒜蓉炒小白菜好大碟，又炒得好香口乾身第4碟係近影呢個薑蔥蠔滑雞煲上次見人地叫，聞到都好香今次記得一定要叫來食仲有幾款煲仔菜，下次再試蠔生熟程度剛剛好，唔會太熟變蠔豉，又大大隻滑雞未算好滑嘅，但索晒啲汁，好好味最後叫糖水得紅豆沙或冰糖燉雪耳2款揀上次食過紅豆沙唔太甜今次試下個冰糖燉雪耳好清甜，潤肺甜味適中

食物方面：聖紙：好大隻，好飽滿，啖啖肉，damanzu😆😆😋😋鮑魚鵝掌：鵝掌同鮑魚好林好入味，超正😆😆😋😋福建炒飯：炒得好香口！材料好足😆😆😋😋份量多，三個人食都冇問題！雪耳糖水：好潤好清甜😋😋😋服務方面：唔錯環境方面：舒服性價比方面：好抵食，兩個都係$500幾，但點既嘢係三人份量！備註：一定要bk檯，日日爆如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

一開頭我哋挑選咗六個餸菜而且有個男服務員亦主動介紹優惠上菜速度第一轉非常快食到中段，因為覺得嘢食OK 所以加咗兩道菜 然後我們一邊食一邊等等咗20分鐘 見到仲未嚟 感覺唔對路之後就問左一個服務員 問吓係咪打漏單？佢話幫我哋check吓 check check吓我哋再等多15分鐘都冇嚟到之後我哋等到好飽 就同佢講如果冇落單其中一樣澱粉質我哋就唔要另外一樣繼續要 點知佢話等多10分鐘薑蔥焗蠔就會嚟於是我哋再等 等咗成20分鐘都未嚟 兩樣餸菜前前後後足足等咗一個鐘等都唔緊要 服務員的面色態度，完全表示不滿我心諗一個鐘頭等兩樣餸菜是正常嗎？我有不滿係我的錯嗎？ 幾好食都冇用，服務態度太差感覺佢哋只照顧一啲order阿拉斯加蟹的餐枱大家如果想服務好就記得嗌個阿拉斯加蟹

今日到翠湖海鮮酒家試了一些點心，整體感覺不錯。（$250）抵食好食😋。假日唔洗北上👌👌🦐鮮蝦白米腸米腸皮薄而柔軟，裹著鮮甜的蝦仁，口感滑溜，每一口都能感受到蝦的鮮味，搭配醬油更添風味。🍲豬腳薑薑味濃郁，湯汁香甜，豬腳煮得軟糯入味，每一口都讓人感到溫暖，是一道非常適合寒冷天氣的佳品。🍚豬雜粥粥底綿密，豬雜處理得當，沒有腥味，反而帶著一絲豬雜獨有的香味，讓這碗粥更加豐富。✅✅🥮流沙包，包子外皮柔軟而不黏牙，內餡的鹹蛋黃流沙香甜而不過膩，輕輕咬開，內餡流出，十分滿足。😊😊菜品雖然不算花俏，但每一道都能品味出用心，值得推薦給喜歡港式點心的朋友。✨👍👍📍翠湖海鮮酒家翠湖海鮮酒家 (將軍澳)將軍澳唐俊街12號天晉匯1樓102號舖#將軍澳美食 #酒樓 #點心 🥟 #腸粉 #豬腳薑 #粥粥

{飲個茶食個包 - $300}將軍澳有唔少酒樓，但好味嘅真係勁少，翠湖真心算係價錢合理又好味嘅代表，不過假日搭正2點拎飛仔，都要等成粒鐘！下午茶時間點心都有幾多特價，燒腩仔米粉孖寶可以加埋鮮蝦腐皮卷，牛肉球有成4粒！菜苗餃除左有菜苗仲有蝦同肉，同一般有啲唔同但好好味！流心奶王包做形一流！金錢肚份量亦好好，每一樣點心都食得出係即叫即做，非常好味！炸物仲做得特別出色！一定要嘅仲有68蚊2隻乳鴿，俾埋手套你大大啖咁食，兩個人叫咗咁鬼多嘢真心有啲飽飽！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #翠湖海鮮酒家 (將軍澳)將軍澳唐俊街12號天晉匯1樓102號舖

電話預約訂枱，去到酒樓，安排了近電視那邊，因為有小朋友不想他們太近看電視，所以要求轉枱，但藍色衫應該係經理嘅男職員走過來話：另一張枱無咁大。佢知我地因為部電視嘅問題而轉枱，佢主動就話可以熄電視。跟住職員幫我地搬位（因為當時已轉了枱開左茶，洗緊杯和碗）仲有，家人覺得凍，又即時去調教冷氣溫度，服務非常好首先嚟這碟鮮菠蘿拔絲咕嚕肉個咕嚕肉真係好拔絲，拉到絲好脆口，好惹味，啖啖肉（平時食嘅好多骨）出邊好少食到呢種感覺，仲有個新鮮菠蘿好鮮甜，唔會係浸糖水個隻甜，亦無酸味。再上嘅係龍蝦晚飯四寶（1）上湯西澳洲龍蝦伊麵底（加左芝士，$30）龍蝦啖咪肉，伊麵同芝士汁好夾，多人唔夠食添呀加錢轉芝士，係明智，因為超好味（2）海南文昌雞半隻有啲淡口，無乜特別，薑蓉好咸，唔點薑蓉又無乜味（3）海皇雜菜煲有幾款菜，任君選擇，排得好靚好齊正，加埋中間嘅海鮮：帶子，珊瑚蚌，蝦（少少雪藏味未僻好）（4）清蒸游水藍瓜子魚肉魚甜，size唔算大，因為有其他餸，大家都唔太好魚，所以夠食（淺嚐）繼續散叫小菜：雲耳白合炒蓮藕呢一碟全部都好啱大人細路食，正常味道，好快俾我地食清光紅燒雜菌豆腐呢一碟個豆腐燒得好滑，好惹味仲要大大碟

真係嬲嬲地，野都未食，先打50大板，全部台比哂熟客，等到差1張台既時候，諗住好快入得啦，結果不停比人插隊，最後又等多30分鐘。等從來都真係唔係問題，但係公平d好唔好，下下比哂d吉台熟客，就搞到著火。大佬呀，唔洗下下都比哂熟客，隔住比唔得既，真係將酒樓文化演繹到極致🤡。你d垃圾月餅我就無諗住買喇，留返比d熟客買黎做VIP，我亦都無諗住再黎幫襯👋。野食我就唔評論喇，等左成粒鐘，比龍肉我食都無味。祝 早日結業🫶

2024年7月13日 (星期六) 6:00pm 32°C 環境光亮整潔，餐具乾淨。 瓷杯、瓷碟均印有藍色蓮花圖案，秀麗典雅，散發一種高貴淑女氣質 ❤_❤ 人數：5人 HK$782 家人提早一天電話預訂 不用等位 上湯焗西澳洲龍蝦伊麵 - 味道比上湯更濃郁，好像芝士汁，龍蝦肉質鮮嫩，滋味無窮，頂級之作！【推介之選】❤❤❤ 晚爐脆皮燒鵝 - 外皮脆卜卜，內層肉香，肥瘦適中，肉汁豐盈。【推介之選】❤❤❤ 薑蔥鮑魚滑雞煲 - 鮑魚完全不靱，容易咀嚼，雞肉滑嫩，茨汁十分濃厚，相信拌白飯會一流。【推介之選】❤❤❤ 清蒸沙巴龍躉 - 蒸熟度恰到好處，魚肉滑溜，塗上少許豉油，立即提昇鮮味。 冰糖紅棗杞子燉雪耳 - 滋潤美味，清甜不膩。《 餐 牌 》：【 溫 馨 提 示 】：❶ 接受電話訂座❷ 另收加一服務費

開住宅區，但淨係接大枱，細枱唔搭枱就係咁等，如果你淨係想做地產鋪生意，唔想做街坊客，我肯定你做唔住！人地下畫來食都唔開心邊有人想去食夜晚你地淨係想賺一水錢根住接埋？

來將軍澳探望朋友，直接在天晉屋苑樓下食晚餐⋯⋯脆皮乳豬外脆內嫩，啖啖脆波波⋯⋯燒鵝也不柴嫩滑，鵝肉入味，味道ok!斑腩兩味份量很大，斑腩居然有煎過的痕跡，所以吃起來比較香！

年初一晚與屋企人到該洒家訂了一圍約4千元晚飯，當晚生意十分好，我們要食第二輪(即晚上八時)，職員安排入座有點混亂，但由於考慮到顧客眾多，出現此情況惟勉強接受，然而職員清理枱面時令餸汁及食剩食物横飛而沾污大部分坐椅，之前客人食剩的一大個魚頭跌落地上竟然無職員自覺處理，大部分餐具留下污漬，必須小心揀選並自行用熱水清洗才可使用，此等衛生問題在任何情況下皆屬不能接受，儘管食物份量及味道唔錯，但前枱衛生情況之差劣難免令人懷疑㕑房之衛生情況!

見到有新開酒樓去試吓（之前都係酒樓不過執咗），寫咗兩張點心紙落單，寫埋枱號，俾左個男部長，點知等咗半個鐘都未有野食，之後再問下個女部長，佢竟然話我哋冇落過單，有冇搞錯…你話口嗌唔記得就話啫，白紙黑字寫都可以冇落到，唔通丟咗落垃圾筒？最搞笑係，隔離枱有對兩公婆又係咁，等咗好耐都未有野食，原來又係冇落到單，我真係笑而不語。啲嘢食一般質素，價錢都係普普通通，環境又唔係得別好坐，樓底矮，啲枱又迫，試過一次怕怕，唔會再嚟。