翠湖海鮮飯店

营业中

休息中

西灣河翠湖餐廳宵夜超抵食！ 一到宵夜時段 全場爆滿！食厭咗太安樓嘅宵夜小食， 間唔中一定會嚟翠湖食宵夜套餐，一家大小正正經經叫幾個小菜， 食完捧住個肚走。至於服務方面， 咁平應該 就一定係冇服務可言。

都有一陣子沒有來翠湖飲茶，一於今天吃下一盎兩件吧！這間是街坊酒樓，吃的都是地道的款式，最特色是平靚正，最合師奶兵團的心意。我和朋友點了魚湯肉碎龍躉泡飯、蝦餃及煎釀茄子，每款都很美味，特別是泡飯，魚肉夠彈牙，湯很夠魚味，而茄子入口是熱辣辣的，至於蝦餃內的蝦，非常大隻，確是大滿足吖

已在此店吃過5次了.來這兒吃晚飯, 一定要預先訂檯, 而最重要是如果對環境有要求, 訂位時說明要坐大廳.有晚我們三人很早來到, 七點前, 竟然要我們坐入門口位旁的一間小房, 但大廳就有很多張空檯.  本來我們也沒有關係.  但一進去, 發現衛生環境非常差, 怎會用來招待客人, 完全是一間雜物房.  內有很多東西, 除了大檯木板外, 四周也有紙皮箱, 袋著東膠袋等等, 凌亂不堪.  後來我強烈要求坐回出大廳, 那位部長就很勉強很不願地安排我們坐門口位.  雖然門口位在夏天不夠涼爽, 又會常有人經過, 但怎樣也好過在雜物房中吃晚飯.當然是因為價錢好, 食物算質及量皆不錯.  平日星期一至五更有特價菜式幾款, 非常抵食.燉湯都很不錯, 不過要一入座就即order, 否則便沒有了.  即是食宵夜就沒有燉湯.不過這樣便宜好吃的飯店, 就沒有甚麼服務水準可言了.  環境是比平民更平民.  樓面部長只得一位人兄(鑑哥)比較好, 其餘的都有點擺款, 尤其是某位胖胖的, 起初還以為他是老闆.  我比較貪便宜又愛吃有鑊氣餸菜, 所以會繼續來吃!

這間街坊酒家，食物水準不錯，分量和質素都很好，但環境就差點，因為當晚是下雨天，地面較為濕滑，我們剛坐下不久，即有一客人經過跣低在地上，幸好沒有大礙即時起身，服務員馬上用地拖處理地面水漬，避免其他客人再出問題，此外，我們5人當晚點了孖寶（乳豬拼盤和原條新鮮蒸海班），川味豬手， 瑤柱 琵琶豆腐（香滑又鮮味又抵食）這是特價餸$48， 特價蒸扇貝（特價$20/只，好鮮甜），加多個菜還有甜品（南瓜西米露或紅豆沙）送，真的分量相當足夠。

西灣河呢間酒樓一直係我同屋企人宵夜首選，因為呢到既宵夜超級平，而且每一份個份量都好大！上菜速度都好快！今次我地就食左小炒皇同埋咕嚕肉。小炒皇入面好足料，腰果烘得好脆，另外仲有魷魚，西芹等等。食落辣辣地，好爽口，好夾啊！咕嚕肉，d肉都算大舊，係排骨黎，而且d炸皮唔會太厚，加埋d汁酸酸甜甜，調味得岩岩好，唔會太甜！

翠湖海鮮酒家，街坊街里，服務街坊的平民酒樓，聞得出沒有大酒家的風範，只有親切又熟悉的家中開飯的味道！同一班打死不離的知己，約好見面吹水，中餐廳正是幾條麻甩friends,當然不會選擇浪漫的西餐廳，太hee hee 了！叫了脆皮叉燒燒肉，燒肉皮可再脆D，肉質少咸，叉燒有半肥瘦，切的的厚度恰當！琵琶豆腐香口，汁多浸脹了一半豆腐了，但豆腐做法夠經典，可拌多一碗飯，白灼蝦夠生猛，肉自然新鲜，配上辣椒油，woo,上了天堂了！而蟶子也大隻多肉，蒸的時間啱啱好，yummy yummy ! 最後的小炒王，堅有風味，也有煱氣，D喬D葱也很入味，有70分！

我們一家人近期喜歡到這間西灣河翠湖酒家吃晚飯，皆因昰景福酒家轉老闆了，故此我們一家便到翠湖作為我們家常便飯的聚腳地。我們吃了數次晚飯，餸菜味道佳，價錢合理。我們最喜愛的是有位男侍應叫安哥，熱情款待各位食客，且加上傳菜員亦賓賓有禮，談吐大方。但近日不見安哥，聽聞酒家開分店，他到新店工作了。某天，我們一家一如既往到這西灣河店晚飯，我們找了沒帶笑容的女侍應替我們寫餸菜，點上湯浸覓菜，她說沒有來貨數月，沒有覓菜。我們告訴她，我們數天前吃過這個餸菜，她很不禮貌副氣說沒有覓菜。我們用肯定說給她一次，真的有覓菜啊。我們忍不住告訴她應去問下其他職員知否有沒有覓菜，最後這位女侍應死死氣替我們寫這個餸菜。我還記起我們第一次吃晚飯時，我眼見有食客用紅封包給錢這位女侍應，她見錢即刻開眼，笑逐顏開，蓮子容招呼這枱客人。而這位女侍應見唔到錢，就以不願工作或似死左人的樣子口黑面黑招呼食客。今天，我們飽受一肚寃氣晚餐。我們的一壺熱茶飲光了，給了一位男職員取走後，茶壺沒回頭。其後，我們找了一位肥男侍應，告訴他，我們不見了茶壺，可否再來一壺普洱茶。這位肥男侍應，大聲告狀我們說，不是他弄到我們沒有的，我們不明白他有這樣的反

西灣河呢間酒家D服務真係勁.勁.勁....差!嗰D待應鞋口鞋臉;冇水洗臉咁樣，嗰位吊帶肥佬，叫佢地幫忙茶壺加水，佢就話你唔揭開壺蓋點知你要加水，但係佢講完又唔幫我加水，我揭開蓋佢又唔理。 跟著第二日再去食，叫上湯浸莧菜，點知嗰位化咗粧但鞋口鞋臉的中年女待應話有，我同佢講前兩日前才叫過，佢就粗聲粗氣咁話冇，係度同我拉据，又唔去問人，仲話過年到現在未買過莧菜，後來佢同事話比佢聽有，她才死死地落單，但依然冇水洗面，跟著食到差唔多，每碟餸仲有少少，又係個位吊帶肥佬，因為想張枱做多轉就完全唔問客人D菜仲要唔要，就咁一句都冇就收起晒，我記得其中一碟仲有幾隻大冬茹。 今日約咗家人又去食，點知又係茶壺的事，話說我為免比人話揭開壺等人加水，等咗好，耐終於有人攞咗壺茶去加水，點知一去冇回頭，于是叫咗那個吊帶肥侍應問一下，跟著佢就好寸咁話，我唔知喎之前唔係我跟，冲過壺比你，我話係普洱，結果來咗壽眉，我就叫那個鞋臉女待應，因為隻手掂到佢隻手袖口，佢就好恶好大声咁叫我唔好掂佢，我話佢知比錯茶，佢又話唔關佢事，最多開過壺比你，講真呢D唔關待應事咁關邊個事，唔開過壺唔通又比返壽眉?唉!總知

小妹昨天生日，諗住一家人吃個便飯，開開心心簡簡單單的便已足夠，因有個朋友介紹過便選了呢間人間地獄酒家，打破我們一貫作風去熟悉的酒家餐廳吃😪一踏入門口已心想🤦🏻‍♀️地下滑潺潺，已知唔方衛生，連地下也不抹，更何況看不見的🙈我們一行8人連BB,雖然已訂位也只給我們一張最多可以話係6人枱，餸也不夠位放的，看看側邊3張枱留坐，見到其中一張又係自己留的名同人數，咪同佢講，誰知佢話第二個同你一樣訂左😡😡好嬲但又生曰我地個個都忍住唔嘈🤬點知冇幾耐佢張枱變咗兩張細枱咁即係話嗰張枱本應都係留俾我地，但係啲人見人多我哋坐細枱！再一陣仲係我哋後邊黐住背脊開多張二人枱，坐三個人簡直板間房龍屋😡你間酒家好冇品，接不下咁多客也接，連上菜也冇位，我爸怕上菜會整到佢孫女，早早預了上菜位，但佢地又要係呀女側面上，超危險，叫住佢都硬上😡菜又不出色又不是說好好味，真的一肚氣😤從來不寫食評的我也必定要寫😠 總結這是一間冇品，冇良心，冇禮貌的餐廳！如果不是生曰又有BB費事周街再找地方，我們是會即走，明明留了位也像walk in 咁☹️

出左糧今晚想食好D，就上酒樓吧！翠湖係街坊式酒樓，無華麗裝修，但食物唔係是是蛋蛋做比老街坊，而係分量足、味道佳。剛踏入秋冬，我地已經急不及待食羊腩煲。大大煲好多羊腩，無羊騷味，肉質仲好諗，有少少肥膏，所以好易咬開。煲𥚃面嘅枝竹吸收左湯底嘅香濃，好正。附送嘅一碟唐生菜好鮮甜，足夠比我地兩個吸收纖維，有助消化。胡椒豬肚湯，好香濃胡椒味，少少辣，令味覚為之一陣，好醒胃。豬肚大大件又夠多，比我地食過夠仲叫左兩個小食泰式鳳爪丶海哲雲耳，兩者味道差不多，辣中帶甜，幾特別

香港地年尾總會有一兩餐飯外出用膳, 偷懶好, 為自己打氣好, 我家也不例外。當然, 口味比較傳統, 開銷屬實際之人, 我地會揀翠湖.翠湖位於西灣河街, 住置偏靜, 但年尾時候, 飯市起總會見到佢一頭湧湧, 無他, 佢係食得過.是晚一家食口, 叫左三個餸, 四碗白飯, 下樓唔洗四舊水, 同區唔易搵. 況且味道合格有餘, 所以特此寫呢篇野, 鼓勵下呢D家坊生意仔.其中叫左個石窩梨山骨, 係一個好好佐飯的餸, 大約都係八十餘元一個, 當然, 各面平衡取勝總有缺點, 就係晚市太旺, 要等位同埋未必座到靚位, 咁就要有個心理準備俾大家

第一次幫襯, 一個簡單的星期一晚飯, 未夠630pm已入座, 全場都只係坐了三檯人。叫了數碟菜, 椒鹽豆腐超正, 面脆心滑, 大大碟.半隻炸子雞, 雖然係特價, 只賣$38, 但係貨式不錯,當然唔會係新鮮雞, 但係新鮮炸出來, 半個鐘過後都是脆皮的.四個人只得一個人食魚, 只叫了一碟魚雲, 不過不失, 但是鋪在面的子薑就辣得很.本來餐飯我會很滿意的, 可惜我最愛吃的魚香茄子煲就真係令我很失望.要是廚房很多單很忙的, 我也會原諒, 但係不見趕工的情況下,出來一煲半滿的茄子煲竟可裝出半碗油來, 就是差在這心機, 令我不欲給這店一個笑臉.

從西灣河舊店，搬去筲箕灣， 再搬回西灣河新店，都會去幫襯。 父母最愛這兒的片皮鴨、芝士焗龍蝦， 因為平靚正。雖然價錢已上升不少，份量都少左， 但都比其他食店抵食。 父母明天回加拿大，所以今晚再食多次! 母親6:30去等位，好彩仲有一空枱，遲一步唔知要等幾耐。 枱與枱距離接近零，唔緊要，對此食店沒有環境及服務的要求。 被安排坐窗邊，門口好多人等位，個個企在窗邊望住，都好有壓力。 沙薑鷄腳 大食的父母只食淨一隻給我。。。味道ok，鷄腳唔太淋，夠咬感鵝掌鮑魚 $40 一份鷄煲翅$128 呢個價錢當然沒有期望係靚翅；但份量及質素比想象好。每人可分到2碗多小小，但湯䶢左小小（父親好重口味，所以他ok）。最有驚喜的竟然係隻雞；雞有半隻，飲完湯后，侍應斬開，竟然幾有雞味而且幾滑！芝士龍蝦伊麵每次必食！份量雖比以前小，但2百多元。。都幾抵食！質素依然不變，煮龍蝦剛剛好離殼，肉嫩滑，爽口。因此店有大魚缸養海鮮，所以海鮮夠新鮮。伊麵配芝士係我們的favourite，但今次芝士略少。魚孖寶 西蘭花炒魚球-魚新鮮加上大廚炒得剛剛好又夠火候，好味！蒸魚頭-唔識食魚骨，父母話好味有糖水送-南瓜西米露雖然此店搬了3

今日下午打算想慢慢嘆一個BRUNCH,於是選了一盅兩件,就去呢間較細規模的茶樓~因為佢都幾平~10:30去到, 約10:50入座,於是最後衝刺點11:00前的特價點心,例如: $9.8 排骨飯~最後我地點了:1)排骨飯: 排骨用蒜蓉蒸~所以好香, 而且肉質新鮮~雖然係特價, 不過都唔會好少料~呢個好味~2)燒鴨瀨: 估唔到佢十幾蚊都仲俾個燒鴨脾我~~呢個都好好味~而且兩條菜心都唔係hea~好甜的菜心~有誠意~3)棉花雞: 呢個就太油了~而且豬皮扮魚肚…個雞都冇乜雞味…4)麻蓉包: 呢個好多人點~可能唔係好多地方有麻蓉包食~~包質軟~而且好香芝麻味~!!5)牛肉球: 呢個要追左幾次先到~不過不失之作~牛肉球有牛味, 但口感較「稔」….沒有咬口..最後結帳竟然俾預算便宜$15~~原來11:00前入座的點心卡是當「早茶」, 所以所有點心都比午市平d~~最後兩個人$80~~抵食~!

在這兒大家可以找到很傳統的點心 懷舊大米雞一籠只放得下一隻, 是小時候見到的糯米雞, 裏面竟然有燒鴨! 真正古法馬立糕, 可以吃到兒時的味道 南瓜西米露每次的必食! 充滿南瓜蓉, 足料大大碗, 推介!另外他們的燒腩外賣也十分抵食, 拜神佳品~