翠河餐廳 (已結業)

同男朋友落街食飯自從茶餐廳執晒後就得翠河有似樣啲嘅小菜食其他餐廳都唔啱就揀佢啦今晚食咗漁香茄子 椒鹽鮮魷加多$8轉飲維他奶紅豆冰一如以往大大碟漁香茄子食咗幾舊先記得影相漁香茄子味道唔錯如果多啲蔥頭就更好不過一食就知係熟咗先放落煲仔椒鹽鮮魷我次次嚟都食粉唔薄但啲魷魚都厚肉可惜咸咗啲食到最尾要咬走啲粉先食得晒維他奶紅豆冰好味呀一送到嚟見冇想像中咁大杯唔係好多紅豆有啲失望但飲落覺得好正唔會好甜最後未食完嘢就飲晒埋單$117

該分行已開業超過一年，但仍有以下問題沒有改善!1) 經常話食物不足，賣晒！2) 上枱食客碗碟，食物殘渣等不處理，任留在枱上，成日話人手吾夠！3) 出錯入錯單，是但出食物俾食客!4 ) 食物質素非常差!作為街坊，茶記係一般的選擇，但不代表是是但但，成日以人手吾夠掛口邊，係吾會被體諒的! 望貴公司多了解分行之需要，吾好令員工太多藉口，得失客人，甚至引起無謂的争議！其實已半年多沒來過，但仍沒進步！超失望! 不會再來! 其他分行問題冇甘多！

6月尾黎左翠河餐廳食個TEA, 呢個下午茶餐幾抵食喎, 31定係32蚊有一大個豬扒包 (切開兩邊上), 兩隻瑞士雞翼全翼, 仲有杯飲品. 味道亦都幾好. 豬扒包個麵包係豬仔包黎既, 望落好似好硬身, 但拎起咬佢一啖原來又幾軟熟, 入面夾住D豬扒, 蕃茄塊, 生菜絲, 同埋有D沙律醬所以入口都唔覺得乾身. 豬扒個味都OK, 質地軟淋唔會嚡口, 兩邊豬扒包加埋咁大份..淨係食個包已經飽飽地....另外都估唔到有兩隻瑞士雞翼全翼, 以為得一隻全翼或者兩隻雞中翼架咋. 雞翼都煮得入味, 又唔會好鹹, 成個餐性價比好高, 我覺得抵食過大X樂D快餐店.

街坊飯堂，服務態度好，廚房出品也有部分好。但廚房對食品的製作態度差劣！選舉性出品，不是菜牌有就照正常運作製作。他可以回答你沒有改吃別的，就算你跟餐單點菜，也不一定出來後你會接受。新開時質量很有水準。現在只能去一次少一次。

雖然新春佳節。但呢間「茶餐廳」收既服務費仲貴過酒樓！😡😡😡😡😡😡😡😡本身呢間茶餐廳一向都唔平，不過大家入得入去食都遇左價錢係非一般茶餐廳價，食物都無咩特別！不過最過份既係，佢加15%服務費張紙細過乜，個個比完錢番轉頭先知，我重申，門口餐牌係無提及過加15%架！仲要個15%服務費，係無服務可言，又唔無紅真係值番個個服務，個個阿姐叫幾次先落單，又唔耐煩，刀叉就咁直接放檯，底餐紙都無張！係張檯咁乾淨⋯⋯⋯仲要加15%服務費？喂！如果你大大張寫新春期加價，我唔入去食丫，貼係個收銀度，個收銀員個頭都遮左一半張紙，等位入去個啲更加唔會知！！！乜搵錢搵到你咁鬼崇？？？！簡直搵人笨！以後擺食呢間咁既野（本身都唔平）！

是晚同家人黎到秀茂坪商場一間裝修新派的餐廳晚餐，叫左幾個小菜，最可惜的是沒有套餐，全部要加錢，味道很不錯等候時間亦唔算長，侍應態度亦不過不失，在這些領展商場下，價錢大家不要期望太優惠

話說近排屋企商場係甘開新餐廳，可能係應付安達臣呢條新村，所以一口氣開左四間餐廳。今晚收工就同屋企人試試新口味。環境比人既感覺舒服，簡潔，另外有D類似露天既位置私人空間感大左，吾會覺得D侍應望住。侍應大部分以師奶為主，間中有一兩個候生仔，大家都好有禮貌。我地兩個人嗌左兩個餸菜：焗芝士大蝦伊麵，伊麵出奇地有少少咬口，吾似出面餐廳好水狀，芝士味適中，炸蝦好新鮮，肉質係有彈性，頭身無分開，正抵讚。$65菠蘿咕嚕肉，正常口感，炸粉略多少少，但份量多，酸味岩岩好，吾會成舊紅當當嚇死人，即叫即炸係脆口既$55另+$9配飯湯總結：抵食之選，特別係家庭。價錢比之前的茶記合理，呢個價錢食得過！