影片
以上资料只供参考，请与餐厅确认详情
影片
相片
蛋牛治烘底连饮品
蛋牛治烘底（连饮品）
+101
+27
所有嘢都安排失当（1）谂住今日妈妈去照CT做个乖乖女陪佢去请咗成日假，原来照𠮶15分钟就走得，心谂早知请半日就算啦⋯⋯嘥咗半天假（虽然我啲假都唔知做乜）（2） 又一心谂住睇完同佢去饮个茶去舒服少少嘅地方，点知佢又话约咗人又讲到含糊到死 神神秘秘（3）好啦，谂住冇办法啦自己去揾间想食嘅茶餐厅Hea下都好丫，又唔想专登搭车出去 点知行到去又冇开门 😵💫无处容身，唯有求其揾间好少少嘅茶餐厅啦费事买嘢返屋企食阿妈见到 终于食咗一间蛋牛治烘底$41嘅茶餐厅 $25 食过，$56都食过 ，究竟有咩分别呢？$25 系外卖平台买嘅 ，啲蛋唔系嫰旦，烘底变咗冇意思 论服务态度：好似唔系好想做我生意 嫌我嗌啲咁平嘅嘢？ $56 牛肉系鲜牛，烘底脆脆的（当然堂食同外卖有分别啦） 呢间贵得来服务态度都好一般㗎乍，好有个性，老板又钟意闹人 。好多规矩，如果你系第一次去一定吓亲但系又吹咩？好啱我口味㖞😮💨呢间$41 正正常常，旦系嫩滑嘅 ，我拣呢间系因为佢门口真系仲有热辣辣出炉嘅面包 所以丰俭由人 到我退休一支公可能都食唔起$56个间 所以成日话要活在当下啰
继续阅读
今日放工黎左翠屏呢间旧式茶餐厅食个下午茶。唯然呢间餐厅食物味道质素一直都系麻麻地，不过我觉得唯独佢既猪扒蛋面既味道系可以接受，所以我黎亲都只会叫佢呢个茶餐既。猪扒唔会过咸，味道适中，亦唔会太过软腍，份量都足够。 面底一样整得唔会太过腍身，会有少少弹牙。环境方面，呢间餐厅有好多卡位，卡位都几寛阔，装潢好怀旧，系传统旧式屋邨茶餐厅既味道同情怀。帮衬既大部分都系屋邨入面既街坊。食既系怀旧既味道。柠檬茶唔会太过甜或太过酸，可以接受。
继续阅读
间唔中都会去翠屏探朋友，经过见到呢间茶餐厅门口有面包卖，卖相都几靓，就打算卖上去同朋友分享，每款一D咁，D面包好新鲜软熟，朋友话最近呢间D面包好食咗，唔知系咪转咗师傅，仲话唐饼都好得，临走再去买咗D老婆饼同合桃酥回家，连我妈妈咀刁都大赞老婆饼好好食，佢仲话好多年冇食到咁好味嘅老婆饼，值得推介
继续阅读
街坊茶餐厅，午市送餐极快，食物质素颇低，赶时间者可考虑。之前叫咗个快餐 蒜蓉鸡扒饭，蒜蓉汁系嘅冻嘅只有少少余温，颜色黯淡，食落味道亦奇怪，冇蒜蓉味，而且比较穊（杰），相当恐怖。鸡肉质感一般，饭嘅口感一粒粒，而且系唔太热嘅。快餐星期一至日各有不同，星期二嘅免治牛肉饭相对而言尚可接受。茶餐各款面亦同样，相对而言尚可接受。另外之前单嗌过干烧伊面，劲湿劲咸。
继续阅读
当日食左沙嗲牛面下午茶，坐得舒服，空间十足，铺内装修有details 。💯🍜门外有面包🍞买，新鲜热辣，走前我买左个老婆饼，好食，好多芝麻，仲有糖冬瓜，呢啲先系老婆饼👍🏻👍🏻，两个人先食得哂，偏大同甜左少少可能太多糖冬瓜，我平时口味偏向少甜😂。经过就算唔入去食都可以买走。而且呢到翠屏邨都好值得去行下，好大，又有好多打卡位。🏙️📸📹🎥📽️🌆🌅🏞️🗾🛣️🌁🌄🏢🏡🏠🏘️🏗️
继续阅读