翠園 (銅鑼灣廣場) (已結業)

今晚去左銅鑼灣廣場附近一間美心旗下食肆食晚飯，叫"翠園"的。裝修黎睇確係美心集團旗下算高級既食店之一，淨係睇個樓底咁高，氣派係有既。食物叫左香蒜雞半隻，燒味拼盤五人份(即乳豬，燒腩仔，叉燒同炒帶子)，瑤柱肉碎蒸蛋，豉汁炒涼瓜，大家無乜食慾，呢幾味都夠了。值得一提既地方有數點：1. 燒味拼盤叫五人份只黎四人份，重新換左之後，燒味確係變左各有五份，但中間既帶子仍然係得四隻，結果係要換兩次，等到蚊都訓。2. 白飯只叫四碗，仍需催促三次才施施來到。3. 豉汁涼瓜食晒所有野，再等多二十分鐘，催促四次以上，亦係施施來到。食味確係唔差，涼瓜煮得恰到好處，蒸蛋雖有肉碎而仍嫩滑，神奇也。幾位部長級先生姐姐，服務確是周到有禮，連傳菜嬸嬸，亦相當親切，滿意也。但傳菜年輕小子，一副未訓醒(定無訓過?)樣子，笑容欠奉，說起多謝的次數，反而是小弟說得比較多，求佢添茶，果然只係拿走茶壺，可憐水壺躺在桌邊獨自飲泣也。心情本不甚佳，氣往上衝之際，大佬笑曰："起碼人地態度殷勤丫!""好好好，今晚我寫文章既時候寫埋落去囉。"

:好開心..今天老公BOOK了卡位和我食鮑魚...心情很興奮..一去到個帶位小姐真係幾靚比美得港姐...哈哈我身為女士都不禁地望多2眼....食物方面很好..今次是我第2次來吃的...先來個鐵板友叉燒...即時倒蜜汁於鐵板上......喳一聲後傳出很噗鼻的香味....真的要讚是他們用了西式方式上菜...感覺很好...因以為要食中菜一定耍有4個以上才成事呢...主角出場了..6頭南非鮑魚伴肉掌.....比想中大...同好好味...還有位小粗即時煮熱上菜..好好入味....希望HSBC多D出呢類2人餐啦...TOTAL埋單盛惠7百,好合理

(21/9/08)自新開張時知道這裡有懷舊點心,好興奮,等到今日才有機會來試。上湯粉果,炸得燶左d,浸一浸即刻食,仍脆,味道略淡。灌湯餃,懷疑一送來已穿,所以枱布濕了一大片,而味道只可說佢企企理理,沒什麼特別。再來懷舊魚蓉燒賣,「懷舊」只不過係加左片臘腸o係面,根本就係干蒸鯪魚肉燒賣。難得見到的片糖(啡色)馬拉糕,唉….又一次失望,因為佢唔係成大餅糕一蒸籠形式,而係一籠一籠疊起,咁樣件糕無咁鬆軟,仲有d實地添!甜味又落重左。另吃了义燒酥、黑椒豬肚、帶子腸粉,ok啦!起碼好過那些「懷舊」點心o羅!椒絲牛柳絲炒麵,整色整水,放在鐵板上「炒」,也沒有熱鍋的香味,味道只屬一般。

星期五晚銅鑼灣冇訂位突然朋友約我食飯，加上銅鑼灣是我每日上班的地方，要唸一個食飯的地方，一時真的唸唔到．行吓行吓見到翠園馬上走上去．是關翠園永遠比較容易有位，而食物水準也不會差．果然等的人不多，不到五分鐘已安排好位置給我們．我們快點了幾道菜．翠園最出名的跪皮雞當然少不了，乳豬切塊配燸米飯底幾特別，但乳豬皮黑了一點而燸米也味道太濃，有點蓋過乳豬的味道．我們再點了杏汁豬肺湯，每位４８元，杏仔味好重，但仍然懷念農莆的味道．鮑汁燒豆腐的鮑汁味道又不夠厚．最後再點了紅豆燉蛋，幾好味但有點太甜．一句講哂，不算差，但以每人$260的價錢，沒有酒水，就未見驚喜．

2008年3月22日，翠園大夥兒來喝早茶，也來試一下上次在尖沙嘴吃不到的懷舊魚翅餃。等了好一會都看不到點心車有，所以找來點心阿姐問，阿姐話：無賣呢D嘢！心有不甘，明明有介紹過嘛！另一半替我去問部長，就叫了3籠！但要特登Order先有！味道都麻麻啫。馬拉糕、炸雲吞、蒜蓉尤魚都可以。叉燒D包餡唔新鮮。其他的點心就一般啦。

今日又黎呢間飲茶, 食左好多次都幾好食, 感覺好食過利舞台果間, 可想而知, 同一間酒家, 五同廚師竟然相差甘遠, 利舞台果間食過一次後以後都五會去. 所以成日黎依間. 不過今日食左個東星斑腸粉入面竟然有幾條好大既魚骨???? 好彩五係d老人家食到, 如果五係我一定投訴, 基本上呢間都幾好食, 前菜成日五同, 今次係酸齊, 好味, 不過今次比劣係有骨東星班腸粉!!!!!! 重有個杯竟然有條菜係個底度!!!! 荼每位$12 可以甘dirty?????

是大約前個月來過，都要補回食評，因為去過咁多間酒樓飲，呢間算好差！主要是食物質素，不知是不是主人家將價就貨，因為我覺婚宴擺酒價錢，是直接影響食物質素，即一分錢一分貨，人家食完呢餐後，都知你放幾多錢係酒席上．本人覺得呢間酒樓，未去前印象是不錯的，始終覺得是集團經營，不會太差．．．可惜，先說乳豬，上枱時已經係凍的，我因為坐近出菜位，見到d侍應一早15分鐘己經將d乳豬放係枱預備，d乳豬實凍啦，跟住就慘啦，上菜極慢，一係等15分鐘,最耐果碟要等成差不多半個鐘,等到個肚好餓,吊住來食咁,耐都算,仲要細碟,個侍應分菜,(瑤柱生菜)d生菜每人分得一小塊，隻炸子雞唔熱又唔脆，每人又係分得2小塊,搞到成枱人都唔飽,你話有幾何去飲d人要臨尾靠食糖水填肚,最搞笑係條魚,竟然係兩細條一碟上,同枱d人一見到都忍唔住話:點解唔係一條,係兩條咁怪?可能兩條細魚平過一條大魚,但係份量又唔夠！唉，呢間都係飲下茶就得，擺酒就．．．諗下啦

老闆好喜歡食灌湯餃, 所以我睇左openrice知道此店有正宗既灌湯餃食..咁岩我又要外出工作, 一早約左老闆去飲個早茶先做野..平日既9時多唔算太多人不需要待位..地方都幾大d位又唔會太迫..環境算唔錯.我地上茶樓都好耐無見到d亞姐推車仔..此店仍然保留此特色都覺得唔錯既..唔知係咪唔係太多人, 所以出來出去都係4-5架果d車仔唔算多選擇, 最重要係無我地最想食既灌湯餃呀..最後我地都係忍不住直接落order好過.最後等左10分鐘左右正宗既灌湯餃上枱..一籠2大隻外型都幾吸引既...不過食味都係麻麻唔算多湯汁..加上入面有d好似這喱既物體食落感覺怪怪..本人都係比較喜歡食回湯包住隻既餃既唔正宗灌湯餃多d啦..至於其他點心都算唔錯啦..會唔會再去就唔知..不過一定唔會再係為左食正宗灌湯餃而去啦.

好耐冇去過美心飲茶. 去到先知完來分兩邊. 一邊有車仔. 另一邊冇. 兩點幾都要等位. 原來全因為阿蘇介紹過.得好少選擇. 3/4張A4紙o甘多點心only.點心大部份都有美心既水準. 全部都唔錯. 蝦餃真係好食. 不過特別好食係蛋散. 非常鬆. 小小甜. 好!但係阿蘇介紹個個芝麻卷就唔係想像中甘好食. 香芝麻味但係比較濕. 同埋唔夠凍. 服務就普通. 較混亂. 我地張單去左隔離檯. 整體上都好. 多D選擇會好D.

星期五同了爸爸媽咪去蘇絲黃之前強烈推介的銅鑼灣翠園飲茶，蘇絲黃介紹的好我一毫子都睇唔到，唔知係唔係都係美心集團的關係，食左幾碟點心的味道都有一種美心大酒樓的味道，不過是貴好多。我都唔知點解阿名蘇會推介呢間酒樓，最難頂就係有個女知客噴了特濃的香水，在飲食的地方是不應該噴這種香水，一點也不專業。點心而言，燒賣是最差的一道，不是有一隻蝦在燒賣上面就是名貴，燒賣內肉同肥豬肉的比例完全失衡。潮州粉果的皮澄麵太多，同食香口膠冇分別。比較好少少是個帶子taro角，不過沒有帶子的taro角。早知去香港仔珍寶飲仲冇咁嬲！

13-10-07 (六) 晚餐不用傷腦筋的套餐坐下來就可以開餐了，一開始先來了毛豆清炒河蝦仁，再來酥脆蟹肉吐司，蝦仁清淡，吐司脆香，接着是瑤柱竹笙珍珠翅，再下來主角清蒸江蘇大閘蟹才登場。幾滿意這個安排，因為去年在某酒樓也是吃大閘蟹套餐，第一道菜就是大閘蟹，當肚餓的時候就太願意和蟹慢慢“纠纏”下去，太餓太飽就及現在好，仔细研究一下，發覺蟹膏頗多，甘香鮮甜，而且每隻蟹都很平均，像某年在某酒樓吃黃油蟹，有些很好而有些又很差，要互相"禮譲"一番。剛剛還稱讚大閘蟹現身的時間(雖然知道是有意安排還是開始時未蒸好)，大家還剛開始和蟹“纠纏”，已發現金華蒸原條海斑和喜氣洋洋麵巳在旁邊的小枱上等候，大家即時由讚變彈，只好加快節奏，但由於吃蟹技術不精，又想浪費食物，當消滅完蟹後，魚也涼了一半，過雖然魚較細條，味道是很鲜的。有些意外麵條味道都錯，當時對安排有些微言，便對侍應說麵浸得太久，變得太軟了。誰知她的回應是要問問廚師才知是否原本就是這樣，由於美食是會令人心情好的，我們都想再理了。忘記一提，吃完蟹後送來的一壺薑茶很香。這時，上菜的速度由快變停，等了好久，看見侍應幫我們跟單又跟單，才迎來了蟹粉灌湯小籠包

15-9-07 (六) 午餐和家人到這裏午膳，星期六、日不設預訂，提早些來排隊，後來發現很多人在等“推車仔”那一邊，用“點心纸”的一邊原來有位，立即可以入座。這裏装潢較舊店雅致舒適，座位排得較濶落，餐具講究，食物水準如何？立即試試看。六個人叫了一份四人午市點心自選再加其他心水食物。午市點心自選:燒賣：平時不喜歡燒賣，但這裏鲜蝦燒賣新鮮可口。雞春卷: 合格。素粉果: 皮薄味美。燒腩仔: 果然是這裏的招牌貨，终於不顧一切，連皮也吃掉。菠蘿咕噜肉: 普通，一點驚喜也没有，要“打包”回家。翡翠炒雙蚌: 水準之作，用料不錯。另叫: 肉躁米纸卷: 普通，有點油腻。竹笙鴨脚扎: 我沒有試。上湯煎粉果: 自己就不太欣賞。烤鸭脚包: 没有試。紅燒妙鸽 : 皮脆、肉嫩滑。百花炸蟹拑: 即炸即吃果然較好吃。

15-9-07 (六) 午餐和家人到這裏午膳，星期六、日不設預訂，提早些來排隊，後來發現很多人在等“推車仔”那一邊，用“點心纸”的一邊原來有位，立即可以入座。這裏装潢較舊店雅致舒適，座位排得較濶落，餐具講究，食物水準如何？立即試試看。六個人叫了一份四人午市點心自選再加其他心水食物。午市點心自選:燒賣：平時不喜歡燒賣，但這裏鲜蝦燒賣新鮮可口。雞春卷: 合格。素粉果: 皮薄味美。燒腩仔: 果然是這裏的招牌貨，终於不顧一切，連皮也吃掉。菠蘿咕噜肉: 普通，一點驚喜也没有，要“打包”回家。翡翠炒雙蚌: 水準之作，用料不錯。另叫: 肉躁米纸卷: 普通，有點油腻。竹笙鴨脚扎: 我沒有試。上湯煎粉果: 自己就不太欣賞。烤鸭脚包: 没有試。紅燒妙鸽 : 皮脆、肉嫩滑。百花炸蟹拑: 即炸即吃果然較好吃。

減肥中, 有三個月無去酒樓飲茶, 見到阿蘇介紹翠苑, 第二朝7:30就沖到去啦! d點心唔肥膩, 好好食.蒸蘿蔔榚, 不好吃! 蛋散, 正! 要問佢攞多d糖醬點先好味架! 芋角, 幾好, 唔油, 不過男友話芋太少, 我就覺得ok! 咸水角, 勁正, 必食!义燒包–皮薄, 有d人鐘意, 有d人唔鐘意, 不過都幾好味!潮州粉果, 正, 必食!雞扎–好好味, 又唔油, 火腿變了厚身菇, 健康d正, 必食唔記得重有無…埋單200, ok啦! 其實翠苑不嫐偏貴, 不過環境同服務都幾好!

喺希慎道既翠園飲過茶，點心唔錯，見呢間新d，今日試吓呢間。先講裝修，一入門口知客既位置唔算細，客人等位飲茶唔會逼，一望入去感覺好似好大咁，好多檯，尚算闊落。朝早無食早餐，好鬼肚餓，二人點咗梡仁馬拉糕、瑤柱蒸蘿蔔糕（正）、芝麻卷、蟹肉菜苗餃、叉燒酥、合桃糊、煎腸粉等七樣點心。除咗煎腸粉之外，全部點心都合格，OK。好難明，呢間酒樓而家都仲係用推點心車賣點心，可能係佢哋既賣點啩，如煎腸粉呢類點心就要同侍應落order，有d唔方便咁。侍應服務態度唔錯，幾好招呼。