翠園 (葵青劇院)

营业中

休息中

新都會裝修完都幾靚幾舒服喺附近既翠園飲埋茶就一流佢既餃類同腸粉類都好正！皮夠薄 料又夠多～特別係個叉燒腸真係無得彈！強烈推介大家去飲茶既話要叫佢個皮好滑 而叉燒粒又爆多 完全值個個價！

因荃灣翠園好吃，又見葵芳葵青劇院新開張了數月及見日日好多人排隊和又近公司咪今天一行十三人去吃午餐預賀新年因多8人以上可預訂，但有㸃失望，價值高份量少及堂食服務好慢，可能不夠人手，最另人煩厭，叫了一窩例湯追了五次，到結尾才到但又不夠熱，叫薑茶湯丸是無甜味及薑味兼溫度是暖，極失望，為何還有這麼多人排隊？不明，但本人就覺得暫時不應該花時間到此吃，往後都是回荃灣翠園吃吧午餐就去返潮庭好過希望它們有待改善，始終葵芳好酒樓不多

一路見到翠園為住木板裝修，就好期待10月尾嘅開幕。因為荃灣嘅翠園我覺得水準好高，食物嘅質素好好，自從湘川滬執笠左之後，就少咗一個一班人食飯好去處，前幾日再經過，見到有一班長者喺度排隊，初時以為佢哋係葵青劇院排隊買飛，原來佢哋係等酒樓七點半開門嘅時候飲早茶。排隊嘅長者真係好多，大概有30個人。今日午飯嘅時候，就決定同D同事一齊去試吓呢一間新開嘅酒樓，前一晚已經訂咗位，午飯時間要八位以上先可以訂位呢。酒樓嘅裝修好潔淨明亮，配合自然光，感覺比荃灣嘅分店更加好，侍應嘅服務態度非常好，殷勤有禮，食物嘅價格略為比一般普通酒樓高，而且份量不算太多，但係質素有保證。一行八人，叫咗好多點心，炒飯同炒麵份量好細，八個人，每人只有一口嘅份量。一品鍋飯，一邊嘅帶子幾新鮮，成個飯都炒得好香。整體來講，裝修幾好，坐得舒服，服務亦都好，只係價格有點偏高。