翠園 (德福廣場) (已結業)

星期一四哥朋友結婚係翠園擺酒,試試下列1.乳豬全體 -- 色澤一般食落唔太肥2.百合明蝦球--蝦球都爽口3.百花炸釀蟹拑--結實而冇蟹味4.金錢瑤柱脯--菜的味道做了主角5.紅燒蟹肉翅--淡而冇味6.翡翠鮮鮑片--似家常小菜味道7.清蒸大東星班---肉鮮及爽,全晚最好8.富貴脆皮雞--功力一般菜式雖然一般,但婚禮氣紛已值回票價

2008年10月11日，翠園總的一句，這個早茶的點心好麻麻，叉燒包的餡唔多新鮮。蛋散還可以，不夠松化不夠脆，裝飾的糖絲好甜，睇得唔食得松糕的樣子不錯，蛋香不足，味道還是甜了一點滑蛋蝦仁腸粉：滑蛋蝦仁好唔啱做腸粉餡，唔好食 炸雲吞：雲吞皮還好。個sauce唔啱味道也太稀。梅菜排骨蒸飯：本來是叫排骨煲仔飯，原來早市無，又唔同我哋講，自把自為送上排骨蒸飯。算數，要了。但豉油辣嘅，部長換來另一兜。排骨都新鮮，味道不錯梅菜少了點。

原先想去美心皇宮飲茶,點知去到既時候,太多人等位啦,我地要等成10張桌先有,所以走左去翠園睇下有冇位先,一入去到,個公關就話買有張桌埋緊單,好快有,於是唔洗5分鐘就有得入去啦~~正！(不過原來翠園都係美心既集團黎o架)而家d酒樓,裝修既格局真係越來越豪華,翠園亦都係其中一間網修得幾高貴,我相信價錢應該比美心皇宮仲要貴dd啦~點心方面,都唔係話特別多,但係點心既擺設就比較細緻,同埋鳳爪點心唔太油膩,好多酒樓整既鳳爪,食到底部都會有好多油,要用豆卜墊底,而呢間整得唔錯,我地亦都叫左花雕蟹肉伊麵,個汁就多左d,不過蟹肉都同樣多,食完d伊麵,都仲有好多蟹肉剩之後其他人叫左甜品,當甜品上場既時候,我發覺碟邊亦附上一件榚狀的甜品送,基於我冇叫到,所以也沒有試食呢~~但係都幾有創意呀~

同爸媽睇完戲之後差唔多兩點鐘﹐見到呢度有下午茶又唔係太多人等位﹐就諗住試下. 叫左呢幾樣﹕番茄湯鮮竹卷﹕OK﹐幾特別既配搭。不過舊鮮竹卷幾淡﹐個番茄湯就唔錯鳳爪﹕麻麻﹐鳳爪唔夠入味蒸魚雲﹕無食到﹐屋企人話一般炸雲吞﹕無食到﹐屋企人話唔得蝦角﹕唔好食. 蝦角本身無咩味﹐好淡. 而且我最鐘意食既沙律醬竟然撈左我唔係好鐘意既WASABI係入面﹐個人喜好問題﹐扣分﹗棉花雞﹕普通. 有舊叉燒係入面﹐唔多MATCH.海哲頭﹕普通啦.呢度既下午茶都唔算平﹐中上價錢﹐但野食就唔係好得﹐連D普通點心都整得唔好食. 見附近 D 人叫既炒粉麵賣相都一般. 早知行遠少少去稻香好過...

禽日聽阿媽講去銅鑼灣o個間翠園食過話好正, 仲有舊式推車仔型式sale點心同埋有我屋企人至愛既麻蓉包食, so唔理價錢就特登搭車黎九龍灣呢間試下先~點知...炸雲吞$9.8 (淘大明星都整得好食過佢叫佢請教下人地啦~)麥皮素菜包$9.8 (麥皮中式包少食味唔錯, 餡都幾多)x菇玉子豆腐$9.8 (呢陣味真係....有人話菇菇要就咁煮先有菇味, 什至乎我以前做過既日本料理鋪係特登唔洗洗既, 但我做廚既男友就話我聽, 係呢度出唔夠水, 即係求其囉...自問真係唔識欣賞......好臭.....)豬潤粥$19 (抵! 好味! 有幾粒肉丸同豬潤, 連粥都有埋陣潤味, 唔食豬潤者呢煲野就免問喇~仲送幾舊仔油炸鬼, 不過唔好食-_-)百花釀魚肚 $2x (蝦膠都唔錯, 有三大舊, 下面有「綿花」咁囉)蝦餃/灌湯餃 $2x (本黎叫蝦餃, 出到黎一夾就散, 原來蒸過龍d皮融哂, 淨係呢樣野就扣哂分啦, 叫佢換過點知反而叫我轉第二樣, 我唔係好明架, 唔通本身呢度d蝦餃一定係咁既? 轉左灌湯餃, 有2隻, 唔係湯浸而係真係裡面灌湯o個隻, 用個鐵鏟拎佢上黎, 點知佢痴住個籠, 一掂就穿喇, 唔該佢可唔

星期天一家人到了德福行街,隨便選了翠園飲下午茶.黃沙豬膶燒賣 - 在點心紙上屬"羊城老點"系列,也可以說是懷舊點心之一. 豬膶都幾大塊,再配上由豬肉和蝦混合的燒賣,味道不俗,情懷多於一切...麥皮素菜包 - 是日至愛點心之一. 餡料全是菜且不少,包不會太實;好食之餘又健康飽肚.脆皮春卷腸粉 - 另一創意點心. 外型有點似炸兩,但由於有春卷皮關係,咬落更加脆;口感十足,味道不俗.安蝦鹹水角 - 一碟三個"炸彈";一般的點心,但勝在新鮮出爐,外皮香脆.擂沙芝麻卷 - 很久沒有吃過芝麻卷了,這個特別在於最外層有"擂沙";其實即是一般湯丸的芝麻餡沾在外層,令到普通的芝麻卷更有口感,不錯!我們還點了很多點心,不能盡錄. 雖則價錢都唔平,但又的確幾好食且有驚喜! 有機會再試試他們的小菜...

今日一行7人去了翠園食飯, 之前試過尖沙咀和causeway bay 的也不錯..海浙頭 - 普通芝麻醬矮瓜 - 都幾開胃炸南乳雞 - 南乳味不夠白汁豬肺湯 - 湯好白,杏味太重, 啲豬肺好黑喎, 都好飲啦拔絲sweet & sour pork - 普通, 似普通sweet & sour pork茶香豬 - 即乳豬啦, 皮脆, 多肥, 我鈡意生煎包 - 普通帶子瑤柱蟹皇炒鮮奶 - 奶味好濃, 幾滑, 生啫通菜 - 幾"野"味"讓"尖辣椒 - 都唔辣嘅, 但魚肉幾大舊, 味道都ok甜品試了西米布甸 - 幾好响蛋散, 蔗汁糕, - ok la湯丸 - 薑汁唔夠大家都食得幾飽, 無咩特別, 一家人食飯都坐得舒服嘅, 好彩AE有85折..埋單9百幾..

21/6呢間嘢真係唔係好掂...乳豬 --- OK炸蟹鉗--- 粉厚，無味翅 --- 少&無味壽包 --- 得個大字其他都一般...不去也擺！

考完晒試終於可以上黎打食評　考試前夕經朋友介紹黎左呢間餐館慶祝父親節入到去... 覺得d餐具幾有特色 ^^一家四口點左個四人餐 再加 糯米釀雞翼比較喜歡 雞煲翅... 糯米釀雞翼 (呢味真係正啊...)同埋... 蛋白杏仁茶 其餘的... 真係好普通.......離開... 爸爸去停車場攞車既時候都話"下年都係唔使去呢d地方啦... 又貴...又唔係特別好食 "註: 我地叫左4人餐 + 糯米釀雞翼 + 4個飯細食的4人... 反到家都係要再煮野食既.....

明明已經book好左8點,五人台 .點知等左二十分鐘仲要俾張四人台我地 . 有無搞錯呀 .! 仲有叫極d waiter都唔黎, 話個日多人好忙 . 唔通忙就代表要服務得無咁周到咩 .?! 最後叫左個七百幾蚊套餐 . 八樣野 .用左兩個鐘頭先慢慢咁黎晒呢八樣野., 等到人都抆啦. d 野食仲要唔係好味過人 . : 又油, 又凍 , ... ( 咁既野食同服務態度既質素 , 點值得呢個價錢呀 )最後個樣餐甜品 足足等左半個鐘加埋叫左4個侍應先黎. 真係好過份 .!! 呢餐簡直係 晒時間 晒金錢 完全唔值得一試既酒樓. 唔好再俾佢出面d裝修呃左入去食野 , 真係實在太差啦 !!

禮拜日, 諗唔到食乜好, 淘大德福食過哂, 今次試下呢間翠園, 見到食評, 做定心理準備話服麻麻. 一去到, 八點幾, 點知仲要等位, 唯有留低個名去行一陣街, 等佢有位call 番我地啦. 行左15 分鐘, 終於有位. 一入到去, 裝修都ok 啦, 坐低都好好服侍, 我地正慢慢研究叫乜好, 就有人笑容滿面咁埋呢問我地想叫d乜, 我答佢我地仲諗緊, 咁佢就行開左. 最後我地叫左:鯊魚骨湯(好濃味, 唔會太鹹)蟹黃帶子炒鮮奶(好味道, 清清地但係又幾香), 蘿蔔烙(即係蝦, 菜甫同埋蘿蔔絲煎出嚟既餅, 剛煎出來時熱就還可以, 凍左就唔好食, 都幾大碟, 有成六七塊), 蓮藕餅(鹹左d, 我唔係幾鐘意, 同埋太多肉, 太少蓮藕, 似食肉餅多d)本來想食炸饅頭, 但是日無包類提供, 唯有叫碟餸. 最後食唔哂, 要打包. 但印象都幾好, 可以再去.

我是第一次去此翠园,我觉得贵是贵,但服务是跟一般的酒楼不同.我特别喜欢她的甜品---西米布甸,有大酒店之水平.两人中午饮茶也花了HKD200.-可能2:00后会平些小.

週末去開德福間Jason巡舖, 便順便試試德福商場間『翠園』, 星期六下午週圍都係人, 好彩等了一陣就有位。美心集團既出品都有一定的水準, 點心款式都幾多, 坐得都幾舒服, 加埋張恒生enJoy卡又有特別折扣優惠, 價錢都幾合理。本來都唸無乜好寫, 但試過佢地D甜品後, 真係忍唔住要同大家分享?!太太叫了『燕窩麥皮杏汁布甸』, 既健康又養顏, 又不太甜, 個賣相仲好討好, 加上小小的心型士多啤梨蛋糕, 看得出廚師是用心去做的...而我就試左『胡麻凍豆腐』, 白滑的自家製甜豆腐加一數片粟米片再伴以芝?醬, 一黑一白, 顏色配搭已經非常吸引, 個豆腐好似識"跳舞"....滑到震呢!Video: http://hk.myblog.yahoo.com/ykfat/article?mid=1299

過年前食過翠園的'別不同糯米飯', 好好食, 人日生日再來過.3個人食, 今次唔叫糯米飯, 轉左個'砂鍋瑤柱雞粒飯', 一樣咁好食.翠園豆豉雞煲, 都好好味, 不過油左d .瑤柱花膠非翠苗, 連湯都飲埋.鮑汁燴豆腐, ok, 不過好似得6件豆腐, 量少叫左個海浙頭小食, 算ok , 不過我唔喜用芥末配.見之前的食評好多人評論此店服務麻麻, 我又唔覺得, 而且上次介紹我地食糯米飯的女侍都好好人呀.hsbc 卓越card 有88折, 埋單都係$400左右. 以翠園來計, 超值. 下次一定要試糯米釀雞翼(過年前後無供應)

頭先咁岩睇到有位食家又係打翠園，大家既服務都係一樣咁差！！真係同病相憐！！！！話說有一晚，我相約舊同事到九龍灣翠園食晚飯．食左一陣，想大家啤下，其後待仔拎左６隻水杯到來．但發現所有水杯濕”立立”，還有一隻有紅色口紅印！離譜！於是有一個同事向部長反影，佢立即叫待仔換過晒佢，真係離晒大譜，衛生何在？？！　ｅ間酒樓特色　１．唔自動擺公筷２．唔自動比消毒紙市３．唔自動沖茶４．待應口黑面黑，好似唔憂做咁（唔知係咪人工小同多野做）所以這間翠園收費一流，服務九流！！！！所以向知音食客反應！三思而後行啦！http://i253.photobucket.com/albums/hh50/david123david/CIMG1699.jpg<a href="http://s253.photobucket.com/albums/hh50/david123david/?action=view¤t=CIMG1699.jpg" target="_blank"><img src="http://i253.photobucket.com/albums/hh50/david123dav