羲和雅苑

营业中

休息中

今晚食$1188二人餐，獅子頭好淋，完全無口感，白飯凍嘅；片皮鴨好肥膩，份量好少；係個鮑魚幾好味，其餘食物都好一般，服務亦吾好。埋單減左5張$100海港城coupon都要$851，完全不值一試。

繼十二月試過第一次，家人好鍾意，所以四人一枱之後就同屋企人再食過。準時六點到，坐位十分滿意，窗口位。睇完menu就落單，但上菜確實有D慢，可能坐附近嘅人都叫套餐食，我就叫menu，所以上菜就慢少少，但服務態度好好，坐窗嘅area得一個侍應，間唔中經理都幫手，雖則未坐滿，但只得一個人手，都了解同體諒。野食方面非常滿意，蝦非常彈牙，宮保蝦仁又野口，少少辣，好味。豆腐磚再食，都係外脆內軟，個心好滑，一流。炒飯好夠料，粒粒分明。羊好夠so，厚肉，孜然味好重。片皮鴨都無令我地失望，皮脆多肉，值得推薦。最後一提，齋菜都好味！如果呢個價錢（用coupons）有呢個食物質素同服務態度，我覺得係值得一試。

星期一下午2:20入座，2:30落單，坐左半個鐘先開始嚟左份水煮魚，而套餐既其他配菜都仲未上，最後等足一個鐘所有食物先上齊。成個場只坐了4 至5枱客，下午茶時段上菜都上得咁慢，實在係難以接受。想像吾到午餐時段或假日繁忙時段要等幾耐先上齊食物。食物方面，我地2位叫左個午市套餐同埋二人份水煮魚。午市套餐包主食，前菜，時蔬，湯，同甜品。$98一位，喺尖沙咀海港城，又係望住個海，價錢算係十分便宜。食物質素不過不失。但係甜品既朱古力蛋糕好薄，同餐牌上張相差好遠，厚度估計只有1cm。

會揀呢一間餐廳都係因為想用埋海港城啲coupon。 不得不說呢個令你不斷使錢嘅 marketing非常成功😂😂。 餐廳位置喺海港城最最最裏面， 係lcx嘅最裏面， 望海景都唔錯。 不過當日餐廳安排我哋坐二人枱， 其實都唔多人， 不過侍應話要四人先可以坐窗邊， 有啲美中不足。 Book位嘅時候已經問咗佢lunch set 可唔可以用coupon， 佢哋lunch set唔可以用不過散叫其他嘢就可以。 所以我哋今次叫咗一個lunch set再加半隻片皮鴨share。 覺得lunch set冇乜嘢特別， 連相都唔記得影。 不過今次嚟呢度嘅重點係片皮鴨，所以等我介紹一下！！ 好多主打食片皮鴨嘅餐廳， 都會見到師傅喺大廳度片鴨， 呢度都唔例外， 不過個師傅企得非常遠， 咁呢樣我哋都理解。 但係當個師傅開始片我哋隻鴨嘅時候，其實完全冇人同我哋介紹。 片完師傅默默地拎走個鴨殼嘅時候，我嗰碟鴨一直放喺佢嗰張枱度。 我諗大概放咗都兩三分鐘先有人過去拎啲鴨過嚟。 兩三分鐘其實唔太耐， 不過片皮鴨半身就好快凍同變乾。 同埋師傅片咗鴨咁耐， 點解會冇一個侍應可以反應快啲做準備。 呢一點都幾失望。 另外有一個夾

我平時好少寫食評，但係因為今次我忍唔住寫。星期日book左8點兩位同我男朋友7:30左右就去到，要求坐户外，雖然張凳就冇咁舒服，但係想睇景色食。我哋早到咗，嘗試問可唔可以早啲入位，竟然可以😝我之前睇過食評好多人話佢哋服務麻麻，其實我又覺得OK，因為其實始終餐廳人手唔係咁夠，都見到佢哋因為預備入座以好忙都比我預先入座，好想同大家講，希望大家都可以明白其他待應嘅難處，有陣時人客真係太多（因為好多人都同我一樣用coupon食）但係人手唔夠，所以令到佢哋非常忙，可能再加上而家經濟關係，所以餐廳唔想請咁多人。另外坐喺我哋附近有一大班人，我哋相信係古惑仔，好嘈佢哋亦都好多粗口，但係我見到啲侍應都好細心咁樣去服侍佢哋，所以我覺得今次食飯嘅服務我其實係好滿意☺️☺️相就唔係影咗好多，我哋分別叫咗芥末鵝掌，苦盡甘來👍🏼，牛油芝士焗大蝦，片皮鴨半隻，芥末燒羊架👍🏼，鮑汁雞粒燴飯（呢個麻麻哋）可能我之前冇食過呢一間，但係其實我覺得已經比同場嘅城中鴨子好食好多，性價比其實都好高我哋用咗coupon五張，佢哋一張當$100。買單我哋都係俾咗七百幾。我哋都會去再食多次。

2月21日中午12點55分到呢間垃圾店食午餐，去到門口個女店員，第一句就同我哋（兩女一男）講2點15分要交枱，問我哋得唔得。心裏已不舒服，不過是但喇，食個晏啫！搵個店員點菜，問多兩句，等等都唔講轉身就行去另外一張枱落單。哈！乜嘢態度呢！我哋叫咗個濕淋淋嘅炒飯（炒飯係濕嘅！） ，半隻片皮鴨，一個水煮魚。重點係片皮鴨一陣臭羶味，好明顯係前期處理唔好，無清潔好隻鴨同冇抹乾淨鴨身。鴨上枱時，落單果位女店員又好似急口令咁解釋3種鴨肉嘅食法。講完就行咗去（佢心諗我做咗嘢喇，唔好再問我嘢），我地3個完全唔知佢講咗乜。另外，個水煮魚係用炸魚塊，就好似魚柳包中間塊炸魚柳揼落去咁😡😡😡😡😡好喇，埋單係6百幾，Soho價錢囉。仲有，食完未行到出去海港城，我哋3個已經口乾，好重味精。結論係唔會再幫襯，腐皮到極點😡😡😡😡😡😡😡

食物OK，環境一流，但係招呼真係差到一個點。食物上齊之後，我食食吓，個女侍應走入嚟A: 需要甜品嗎?我：唔需要A：咁埋單先啦你哋(講完就即刻俾咗張單嚟)我呆晒，之後問佢問題，搭都唔答，唔食甜品姐，唔使催人走呀其實呢間餐廳收費都唔平呀，兩個人午餐七百幾蚊，服務態度其實係咪可以好少少啊？

見之前食過一次味道ok，加上近期海港城coupon可用。於是一班朋友約去食，由於限聚令，幾個人分成2台。電話預約時，餐廳waiter已講明每張台最多可以用5張coupon。此處大家都理解ok。到餐廳進食中，發現兩張台既食物都寫同一張單，於是叫餐廳waiter分翻開單，結果經理黎話，因為我地呢兩張台係識既，所以只可以用同一張單，唔可以分兩張台單！但如果兩張台唔識先可以分開結算！真心奉勸呢間餐廳不如就唔好參加海港城coupon可用商家範圍。參加得黎咁驚自己賺少果幾百蚊，乾脆寫明唔參加，免得個餐廳經理咁忙，日日同客人爭辯。

今日適逢年三十約埋朋友一齊食飯做冬，提早過年！其實打電話📲book 位，都有D嬲嬲豬架，第一打極都打唔通、第二打得通接電話嗰個人完全冇尾音講野，問佢可否比窗邊位，又多多野講雖然係甘但我哋都照去，因為好想食片皮鴨！冇計去到個服務員都有啲啲禮貌帶位，仲要比個窗口位我，加番0.5分，之後我哋叫左半只片皮鴨、撈汁秋葵、清洒鹽水鵝肝、宮寶雞丁半只片皮鴨份量都可以，佢有三種食法、炸、烤、仲有鴨腿部份可以包埋D京蔥、青瓜、醬汁一齊食，好香口！另外仲有特別醬料就係爆炸半唐、莓醬同山楂，配起冇甘溜，野味好多！秋葵可以中和下D肥膩野，幾爽口好味宮保雞丁真係正，吾係好辣，不過一定要襯熱食，凍左麻麻地！✨清洒鵝肝真心好邪惡，但好好味，細膩嫩滑如奶油，極力推介🎉配埋1664beer🍺perfect match 新年前仲送迷你年糕，好應節食物方面真心可以，如果服務員的服務態度有所改變會更加好

羲和雅苑—-覺得這個名字很優雅，很有意思。到了尖沙咀，於是趁有一天下午除了shopping 就選了這裡作為午餐。店內食客不多，但服務員態度真的一般，很迅速的收拾枱面，又會催你落單。但整體食物質素幾好，很特別的京滬菜，抵食的午市套餐，又有海景，那服務員的態度已不足記掛了。食物是用心製作的，也不錯，是心機菜，看餐牌已看了很久，明明成日食京滬菜，但好似很多都未吃過，大家不妨一試午市套餐👍🏻👍🏻ok 的。

不知是否外賣關係， 份量非常少。味道不覺得有甚麼特別， 比較過份的是那個素佛跳牆， 只是普通香菇羹， 完全沒有特別，但是收的， 卻是魚翅的價錢，還要是非常細碗， 絕對不會再幫襯。如果大家喜歡食環境，也說得過。否則， 我也找不到收費高昂的理由了。p.s.下單後等一小時才可取

外賣，又收$20茶錢，又收$35加一服務費，我都未聽過有人會咁收，乞衣中乞衣。5點半去買外賣，叫你等一個鐘，話佢要食飯。好啦話到左打比我地，點知冇打，等左足足一個鐘要我地自己去睇，間野都唔係當眼位，明玩野，要行咁遠去睇情況。啲嘢已凍哂。茶錢原來係一包茶包。激死，正乞衣。

#片皮鴨 #貴價中菜 建議預先訂枱，因為平日下午茶時間都要排隊，等咗25分鐘～前枱職員也很忙碌，態度一般( ^っ_ඉ )環境舒適，對住維港海景～茶位$20/人，另收+1服務費現在有午市套餐，為了使用海港城折扣券所以只能選正價餐牌( ᐡ•̥ •̥ᐡ )‬今日吃的全部食物都比較清淡，喜歡濃味的朋友可能另外加鹽#烤鴨 一隻 $598分開了三個部位，最喜歡鴨胸，肥美的鴨皮充滿鴨油香➴ෆ⃛沾點藍莓果醬配爆炸糖意外地配搭～另有青瓜、洋蔥🧅等片皮鴨拼盤配料#張氏獅子頭 #獅子頭 $48一粒大大的肉丸配細細碗白飯，肉丸好林淡淡地幾好食，已經唔識形容咩味道，有少少中藥味😂#羲和小肉餅 $58@ 4 件熱辣辣炸過的肉卷，口感像實心的麵包...怪怪的，不適合我口味服務質素：5/10環境舒適度：8/10ᶘ ᵒᴥᵒᶅ個人口味評分：7/10

講到片皮鴨～我同老公都超鍾意食，呢排忍唔住，嗌外賣都要專登由將軍澳揸車入深井🤣🤣🤣獅子頭，油脂夠香，肉質鬆軟，配飯正👍🏻宮保雞丁，夠香，唔算好辣😋豆沙卷，要趁熱食，豆沙餡好香片皮鴨終於嚟喇😍掛住食，原來影少咗爆炸糖😆啲皮係好脆，不過少咗一般嘅油香味，加埋爆炸糖食好新奇😂

一家三口，預先book左枱於1月18日食午餐，有叫烤鴨半只及其他單點小菜及午市套餐，埋單都近千元。當埋單前，向之前落單的女侍應問及可用多少優惠券，她以超級惡劣的態度回應“一早同你講左唔用得㗎啦”😱😡😡😡乜原來比錢食嘢係咁受氣㗎🤬🤬🤬即刻搵佢最高話事人出來問清楚😠😠之後個女侍應出來say sorry，同埋優惠券係可以用到㗎。