義香荳腐食品

营业中

休息中

下午三點幾同老公係九龍城處理完事務口痕痕想食下午茶醒起好耐無食過豆腐花一於就去食返碗先天氣太熱 一坐底先黎杯黑豆漿好好飲 唔算甜又冰涼 解暑一流本身想食豆腐花但見到碗仔翅又忍唔住😂將食豆腐花呢個任務交左比老公😆😆老公話好食到想嗌多碗 最後忍住嗌杯黑豆漿一路食見到老闆娘兩姐妹同d客人閒話家常講下街市邊檔買咩平買咩靚除左食物既味道外仲有濃濃既人情味

耐唔耐小公主都會好想去豆漿婆喥飲豆漿～豆漿有陣陣炭香味，呢個味噌我們這一家都好中意～大家又中唔中意呢？好多人都這豆漿婆好惡屎，其實都係辦事效率快姐～荳花 $9 亦都係最傳統果加糖水、加黃糖～識食既梗係熱食啦💕今次仲食咗3寶架⋯但太肚餓所以已經食咗🤣🤣其實店內樣樣都貢好食，特別係豆漿！好多人去九龍城都中意去公和，下次又不妨一試義香🥰 地址：義香荳腐食品 (九龍城)九龍城衙前塱道74號地下#肥dodo食記

呢間老牌舊店， 食嘅係最原始大人細路都喜歡嘅小食， 而且仲有一班老夥記， 不單止食物保持水準，而且人情味濃厚😘！煎釀三寶係招牌貨 除咗用上大大件嘅 青椒矮瓜之外， 魚肉仲特別煙煙靭靭， 煎炸起上嚟 剛剛好 魚肉 不會有太多 粉漿！仲有炸雲吞炸豆卜， 呢啲都係有細細個都喜歡食，大個嘅時間耐唔中都會返嚟呢間小店懷舊一番🤗！食完煎炸嘢，梗係要食返啲甜品，呢度嘅熱豆腐花特別搶手，賣曬就冇了！不過豆腐花真係好香豆味， 其實凍豆漿都唔錯 分外清甜！

間中會去九龍城買吓潮州食品，這間店舖原來有煎釀三寳，點知要等到下午一點才營業，更特别係即叫即煎，但真係可以確保熱辣香脆，青椒，矮瓜好大件新鲜，釀魚肉都幾厚，煎釀豆腐尤其美味，點埋甜辣醬食，欲罷不能啊!

九龍城衙前塱道74號的義香荳腐食品有一定的歷史，店舖一枱一櫈和裝修都能見証歲月。但雖然食店其貌不揚，卻能屹立不倒在原址，必有其獨特之處！義香多年都以其鮮製豆腐聞名，可以稱得上是街知巷聞。今天下午來到九龍城辦年貨，一定不會錯失良機來到義香嘆一碗多年沒有吃過的傳統港式豆腐花。這裡的豆腐花有熱有凍，任君選擇。熱豆腐花上枱時是和暖的，綠色的碗襯起白白的豆腐花，黃糖已加了在豆腐花的中央，構圖悅目，顏色吸引，人見人愛！吃下一匙，入口即溶，清甜和柔軟幼滑的豆腐已掉進了喉嚨內。這𥚃豆腐花的製作步驟一絲不苟，每一碗都是做豆腐的人的心血結晶，難怪深受街坊食客多年支持。

去開九龍城有時間嘅話我，都好鍾意走去義香荳品食返碗豆腐花或者飲杯豆漿，如果肚餓更會加啲煎釀豆腐或煎釀三寶。星期六下午四點左右，義香一如以往座無虛席，好彩剛有食客離開，好讓我唔使等就可入座。一坐低店員即刻已經問你食啲乜嘢，即刻嗌碗熱豆腐花另外加個煎豆腐。不到1分鐘熱辣辣嘅煎釀豆腐就即刻係我面前出現，熱豆腐花已經幫我加埋紅白砂糖煎釀豆腐$10～豆腐大大件煎得好香脆可口，內裏是滑滑的豆腐花$9荳香味夠亦滑溜

九龍城的豆品店，開業多年，堅持以石磨製成豆品，款式有豆花、豆漿、豆腐、豆卜等外，有自製燒賣，亦有炸魚旦、煎釀三寶都有。此店無冷氣，雖有多部風扇，夏天吃時也難免有些熱。不過飲冰凍豆漿除豆香，而且在熱辣辣的環境下飲，又爽又解渴。煎釀豆腐唔係嫰滑型，似較硬豆腐多些，但很有豆味，環境熱些都值得來吃。炸物都很香脆，食物都大件夾抵食，配豆漿來吃好正。此處小食多多，而且價格非常相宜，10零20多蚊就可吃飽。如你怕熱，現在快要入秋，天氣漸涼後不妨一試。

天氣實在太熱，因為要驗身，經過九龍城，本來是想找糖心皮🥚，買粽子吃，路過一間老店，客人在吃東西，便進去望望有什麼可以吃，老闆娘便問我想吃什麼，我問她有什麼吃，她説這麼多品種，不能詳細說明，叫我入去自己看，心想有無誇張咗，有這麼多？坐下便看到張大 poster，真的不少，有興趣的也很多，我叫了個魚肉加碗仔翅，碗仔翅才十多元，兩樣便廿元，我之前以為加兩元，所以覺得有點貴，幾分鐘就準備好，一吃有點腥味，吃下來才知道是真的魚肉，大大塊，數量也不少，起碼有八、九塊，我平日有買魚肉釀青椒，所以也知市價，小小的一舊便十多元，所以真的魚肉我倒認為相當掋，味道也不錯，我加重糊椒粉同醋在這裡，想講一講，老闆娘是個粗人，禮貌一般，不過人還是可以的因為天氣熱，吃完便想試一試凍嘅糖水，於是便吃了碗紅豆涼粉，一樣好吃，紅豆很大粒好香，涼粉味也濃，不過我覺得可以再甜一點，可以帶出紅豆味多一點點總括來説，整體不錯，環境也很衛生

唸住迄晚食大餐，但肚餓，揾小食食下，去左九龍城食嘢。一入去，見到呢個menu咁係到揾食。黎得當然食同豆類有關嘅食物，menu揾左紅豆豆花。加個一款小食，有魚蛋，魚肉豆腐同埋魚肉腸。叫完先知“嘢”，因為紅豆又飽 又蓋過豆花香味（$15） 我見對面食齋豆花，就知自己豬左了。 應該係原品品嘗下個豆味嘛!不過紅豆唔差嘅，不過普通 但就真係少少蓋過豆花嘅味道了。豆花滑，有豆味，正!個豆腐加魚肉係好香好滑，紅腸當然一向喜歡食，仲有小許“腥味”嘅魚蛋，咁就保證新鮮同埋夠彈牙!小食（$20） 仲有杯$7豆漿，都係正。有空要黎過食原味呀！

前排食完飯覺得口渴，見到呢間算係老字號嘅荳品鋪諗住買杯$8蚊嘅豆漿飲。點知我思考要咩size同口味(黑/黃)，個阿姐同另一個阿叔同時不斷地催促我，因為佢嘅杯size無明確分別，我好清楚話要橙杯都聽唔明😠過程中一直比佢地串！簡單買杯野飲都要受氣，非常失望同憤怒嘅經歷。佢地係會睇人黎串，個阿婆慢吞吞都唔會比佢催而我呢啲年輕人係頭號受氣對象。味道方面非常普通而且唔夠凍，求奇一間鋪頭嘅豆漿都係咁嘅味。我下次情願行多幾條街去公和荳品廠好過！

青椒三寶 $20🍆🥒有豆腐，青椒，茄子，每樣各兩件義香d豉油好咸，但係咸得黎好好食，魚肉又厚，一d都冇偷工減料。老闆娘好惡係賣點黎，惡足咁多年都咁多人幫趁，所以話個d cafe寫個牌叫冇耐性既客人唔好入黎都唔算有性格😂舖頭幾細幾多人，所以行入去記得行快d唔好企係門口。我頭先都係一鼓作氣咁衝入去，再大大聲落單😎Btw 煎寶太多人叫，等得佢黎已經食完上個post既豆花😔

食完lunch，有朋友話九龍城一間出名豆腐花，一場黎到試下啦，雖然已經好飽，不過我係好like 豆腐花，所以又受引誘喇🙈🙈點知係失望嘅，失望一，朋友介紹係熱豆花，冇！要每日兩點半先有失望二，咁唯有食凍豆花啦！豆花一D都唔滑！又冇乜豆味！失望三，唔滑都算，連我覺得重點嘅黃糖都唔係全黃糖，真係覺得有冇搞錯，黃糖溝左白沙糖簡直係可以用太過份來形容，我真係冇食過一間係溝白沙糖仲話老字號？！環境係幾老字號嘅！不會再幫襯，要吃好味豆花，去南丫島個婆婆度啦雖然遠左小小

近年去九龍城都會去義香走一轉，因爲肚餓可當正餐，飽就可作小食止口痕，飯後又可當點品安慰下個胃；最重要就係夠地道、夠平民😂當然煎釀三寶好多人介紹，但今次食義香，我返而唔係推介佢哋嘅炸物，而係我喜歡有成十二種口味嘅大菜糕（我無食足十二款，只係數佢哋雪櫃寫出嚟嘅口味咋）自己就食過原味、芒果、杏仁、椰香、青蘋果，我最鍾意原味，係兒時有疍花嗰隻，必要多花奶添。除左大菜糕，我想講佢哋嘅腐乳，三十幾蚊，個人而言，好食過廖X記😋

50年老字號，不遜色於公和，明火石磨荳漿工序繁複，店內卻全女班一手包辦，街市人快人快語，對自己人亦是，不明白聽進耳卻相當反感蒸燒賣（$10）軟綿綿加埋自家調較甜豉油正呀！炸釀豆卜（$10）脆卜卜食唔停口、炸魚蛋（$10）冇乜特別，只係老公既兒時味道，炸三寶（$20）一碟豆卜唔夠喉，叫多碟又太多，於是揀炸三寶，食埋釀豆腐同炸雲吞，今日真係大滿足食完熱氣嘢，叫返杯大菜糕清熱氣，甜味啱啱好，口感都唔會實的的，如果杏仁味再濃啲就好喇

今日一大班朋友去九龍城街市買食材，準備打邊爐 ，經過呢間豆品店，有朋友就推介入去試試，佢話食過都唔錯， 很有兒時風味。我們點了燒賣，炸魚蛋，煎釀三寶， 釀豆腐 碗仔翅及韮菜餅。甜品方面就叫了豆腐花，大菜糕，涼粉，熱豆漿。先講食物， 燒賣頂呱呱很煙靭唔同而家喺便利店食到嗰啲, 韮菜餅超正豆腐花都好有水準, 涼粉花奶夠多夠滑更見到一大班小朋友，入嚟， 爭住要叫呢樣做嗰樣， 感覺不錯可惜環境比較狹窄 煎餅嗰個說話比較粗魯 食完就想你盡快交返張枱