(我上次冇驳返佢由佢， 但今次真系忍唔到 )跟住我老公继续叫埋个虎皮尖椒炒肥牛。 因为净炒菜系唔跟餐饭汤 ,所以佢就好臭寸 ，睇唔起人但系我根本未叫完。 都算已经唔理佢啦点知好戏在后头
之后埋嚟同我哋讲冇晒䲝鱼！ 唔紧要咪改第样啰！ 就改咗菜胆鸡！…… 首先菜胆鸡嚟先， 再上炒菜($55)， 点知 ，见到碟菜点解有几条白菜仔喺面(因为我哋本身唔食白菜仔），老公话 当食少几条算啦， 跟住我望真啲唔系㖞下面都系㖞 ，就用筷子了开佢 ……原来有一半系白菜仔， 当时我即刻燥底……不想多说 只系觉得 吃完臭脸跟住厨房又自把自为 ，系咪你畀咩我就一定要食呢！咁好正常梗系要换啦！女收银( 似家族生意新抱/女）好有礼貌帮我哋换咗炒菜心！ 咁本来都完㗎啦咪算啰继续同我老公倾偈心情开始冇嘢喇有讲有笑！ 突然听到有个红衫阿叔同入面一台熟客好大声喺度闹……< 使唔使咁呀， 唔食得咩， 佢哋叫蒜蓉炒油麦菜咁唔够呀嘛， 咪加埋其他菜落去啰， 你睇下食到咁食完食净先话唔要， 真衰格真系冇家教 ，呢啲唔知咩人嚟㗎！！！听完火都嚟晒首先 ，1) 碟菜一放低，货不对版已即刻要求换 亦同佢讲咗冇食过。2) 餐厅自己唔啱货不对版 ，强行推出又冇得到食客嘅同意 ， 转咗款嚟煮， 食客要求换都好正常丫麻！3) 身为老板明知员工做错 仲要掉转枪头向其他客人数臭食客，请问我如何冇家教 ？如何衰格？！ 真系越听越火滚嬲到成餐饭都唔知食咗啲乜！ 最后决定畀完钱等佢找埋钱先讲，费事佢以为我想攞著数 ， 我同个女收银讲: <你叫红色衫个阿叔放心食碟菜！ 我哋完全冇食过! 另外我都要道歉头先火滚紧都唔太礼貌黑面对你，你同我哋玩碟菜都好有礼貌 ！…… 但成件事根本系你个员工唔啱仲要调转头好大声甘闹我哋， 我哋如何冇家教？ 如何衰格呀？！> 我越讲越委屈 ！ 个女收银都非常之唔好意思咁我就冇 再讲就走啦 ！😧其实小店专做街坊生意嘅餐厅， 就算几唔忧做 ，系咪要咁样呢？！ 就算你系老细至少都要有品 ， 餐厅个别员工质素差(另一肥姐姐侍应都好有礼) 环境陈旧地下油腻，冷气又唔够热到死， 其实我哋食开嘅街坊都会知道 ！ 但系身为无饭主妇嘅我哋， 只要味道同价钱合理都不会要求大高！……但系咪就大晒呢？钟意出啲咩畀人你就要食呢？ 唔食就数臭你呢？ 真系出去食饭从来未试过咁样畀人闹 ！受气到呢个地步………… 真系十级贴钱买难受 仲好委屈 😠😠😠…查看更多
