影片
营业时间
今日营业
07:00 - 00:00
星期一至日
07:00 - 00:00
以上资料只供参考，请与餐厅确认详情
晏昼唔知食咩好，入去食咗碗牛腩面，牛腩份量算多，但系旧旧都好肥，有一大嚿肥膏，11点后加冻饮要加$10 ，其实都几贵，舖头只收现金，冇现金系身都几唔方便，食食吓见到个阿姨喺厨房食烟，心谂咩事呀，门口咁近都唔行出去食要喺入边食，即刻觉得卫生程度好恶劣
继续阅读
平时都食开呢间野，食物方面冇问题，问题系有次落完单，我见好耐都未黎，坐后面既客迟过我落单，但经已差唔多食完，我同落单位姐姐讲我碗野未到，佢就好唔礼貌咁话，d野要时间煮麻，等下先咁话，之后碗面黎到又话我杯冻柠茶都未饮完，姐系点？饮系饮哂先可以食嘢？我不嬲几钟意食呢间野，不过d姐姐态度真心差，食餐饭都要受气，以后唔会再去！！，!!!!!!!!!!!!!!!!!!!!!!!!!!!!!!
继续阅读
乜呢间嘢嘅质素有好过㗎咩？牛肠有旧屎！啲汤完全冇味！啲牛杂完全冇味！新开嘅时候我屋企人食过一次，话佢好难食啲汤系滚水冇味嘅。 之后就一路冇帮衬过佢，直至到旧年年中，见到呢间嘢咁多年都唔执可能有改善啩，又咁啱谂唔到食乜，所以就同妈咪去咗食。点不知仍然系劲难食都系所有材料都系冇味嘅包括个汤，我怀疑自己中咗「武肺」点知……隔离枱𠮶个阿叔食食下掉低只羹同个筷子，跟住讲咗句「屏冇味嘅！」咁我就知道唔系我嘅问题喇。
继续阅读
沙田围站附近嘅早餐嚟讲，呢一间都可以讲系比较出色果几间之一。今次帮衬买咗碗牛腩米，讲到明要多肥腩嘅。结果冇令到人失望，一旧旧好整齐咁摆喺个碗度，旧旧都层次分明，唔会话完全系肥膏，除咗有油脂，亦都有牛腩本身嘅肉香，以牛腩论牛腩，呢一间都算系做得比好多餐厅出色。反而个汤就比较失色，比较淡，近乎有少少似碗有味水多过似碗牛腩面汤底。不过佢啲辣椒油都算系几好，可以追返唔少分数。早餐时段仲送埋嘢饮，40蚊都唔使就落到楼，喺今时今日嚟讲，都算系有良心架喇。最后提提大家，𠮶日见到有几个食客嗌外卖，佢都系冇分汤嘅，如果想分汤嘅话就记得落单果阵同佢讲喇。有下次嘅
继续阅读
周末下午系沙田行完街就是但揾个地方医下肚。行行下系发现沙角商场地下街市有间粉面店，就谂住食少少野，之后再买𩠌返屋企。舖面几干净，但地方唔太大，客人之间坐得有点逼，之后望望餐牌，叫左碗牛肠牛丸米。米线份量唔多，牛肠牛丸都算几新鲜，咬落口感不错，加上鱼露同辣椒油，别有一番风味。价钱合理，可以一试。
继续阅读