影片
以上资料只供参考，请与餐厅确认详情
20240928 早餐时段，唔多人，入坐后，点了份早餐。下单后再等一会，有位客人A入店，坐在本枱前，睇住佢下单。全场得我和客人A 等食物，再等到客人A的全份早餐出嚟，我问个位女士（应该是老板娘）“我点个份都未到，迟入店的客人都全上”. 老板娘，好唔情愿地一边走一边应 “唔系睇下单时间，系煮的时间” 从完全不能理解。🧐再等几分钟，个位应该是老板（又高大只男士）走过，我再问一次。佢极凶恶的唔表情回应 “小姐！而家咪攞紧俾你啰！” 😡😡😡正准备攞一杯点了10分钟才到的咖啡。这是我遇到最劣质的一间茶餐厅，起身即走。 公平点，未试食物质素。以为装修后，环境好啲，可惜。
继续阅读
揾位度：🌟🌟🌟🌟🌟抵食度：🌟🌟🌟好食度：🌟夜晚赶时间想食个快饭，行左成条街好似依间真系最平，夜晚都仲可以叫个常餐，计埋个价钱四十零蚊正正常常；讲真嘅斜对面就系澳牛，不过𠮶日心情麻麻，费事入去俾人西口西面。讲返间嘢夜晚食饭时段，印象中计埋我都系三两台客，不过讲真食常餐嘅话表现合理啦，有火腿奄列个叉烧意粉正正常常，系个嘢饮争少少，将就将就。份量系OK嫁，𠮶餐包我玩到最后都饱到食唔落。
继续阅读
下午茶38吉列猪排薯条+热奶茶。以今时今日物价，价钱唔贵。食物就hea 左D。上台旧猪排薄薄的，油到闪令令，白晒晒咁，算啦38蚊，明既。薯条咪就系薯条囖，都系好油，明既，炸野当然系要用油，都明既。食左一半形住吞左好多油所以收手，摊冻一阵D脆浆好似夏天用过的吸油纸咁样，明既，炸野当然系要用油。试下拨开佢食净肉，白白雪雪咁，唔，系无味既，不过无宿无臭，算有良心，不过唔想吞落去。算啦，知到生意难做，租金贵，成本高，明既，唔应该咁多要求。食完喉咙好似俾胶水封住咁，约40分钟不适感觉逐渐消失。补充，奶茶正常。
继续阅读
去尖沙咀佐敦𠮶头有啲事做。做完嘢热热哋，见有啲攰又有少少肚饿，于是就走入咗呢间嘢食个下午茶餐。沙爹牛肉面下午茶餐加热鸳鸯，三十八蚊。呢个价钱唔平又唔贵。不过个面一上枱就知道伏！见到个样都心知不妙！汤得个咸字，咩味道都唔知道！沙爹牛肉系无味嘅！沙爹牛肉系无味嘅，唔好讲话要求高少少嘅花生味呀辣味𠮶啲，连正正常常嘅沙爹牛肉应有嘅味道都无！面呢又生骨！浸咗好耐都唔系好得！真系超级救命！我到底食咗咩呀，超劲伏！以后都唔想再帮衬！
继续阅读
白加士街近宝灵街这段有好几家茶餐厅，这家的人气是较逊色的。这天晚饭时段路过，看到店前的几个套餐，感觉不是太贵。反正以前没有吃过，可以进去尝尝味道。其他汤面餐和小炒都有提供，选择也不少，是很典型的港式茶餐厅。肚子不是太饿，干脆点一下星洲炒米套餐。米粉用了不少咖喱粉，与火腿丝和叉烧丝一起炒，味道不是太差。而且米粉也不会炒得太碎，保持着点口感。整个餐连饮料是48元，价钱算是合理。以食物质素而言，就没有很大的惊喜。
继续阅读