美心MX (已結業)

屋企有美心coupon, 買下午茶平$2, 胃食既我又再出動.樓下哩間美心已經冇左奶醬多, 咖央多亦吸引唔到我. 都係要返例牌既公治落到去見到佢改左個牌, $21>>>$22. 唉... 又加價...唔係有coupon 都唔去食... 就當昔日用$19買到, 今日用$20 買算了.公治可算係美心下午茶既賣飛佛, 大大件, 又有薯條不過薯條真係得o個幾條. 唔係好脆, 有d 太林, 又d 硬了, 好唔平均其實, 但係味道仲keep住.公治d 雞係有埋雞皮, 唔錯, 有少少鹵水味. o係燒味部拿過來吧?!雞係雞扒雞柳o個隻質素, 即係唔滑囉. 但做三文治已經可以了.成個三文治既精華就盡在隻蛋度, 有蛋黃既香味.平時都係食開哩個餐架啦. 不過佢加左價, 本身見佢過左$20都食少左, 依家更加會減少...

又因為有免費卷快到期.立刻跟媽媽去吃.我們各自叫了一個餸.我點咕嚕肉粉漿夠厚肉反為無乜.想搵件肉食下都幾難.汁也唔夠酸.菠蘿最正常,應該話想唔正常是沒有可能.媽媽點的魚也只有幾塊.下面墊著豬肉和節瓜.味道無乜特別,普普通通,只是咁少魚肉好搵笨呀主角優生冬瓜盅,冬瓜盅用上蝦瘦肉和冬菇,煲了出來好鮮甜,夏天用來消妙絕加了6元的魔芋奶茶.奶茶味無乜,像淡淡的水,魔芋幾有咬口,可惜有一股藥水的怪味,好一般

尋日同老豆落美心食晚飯.食左個冬瓜盅 + 鐵板叉燒, $41, 有$5 coupon加左飯, 一個餐夠2個人食囉鐵板叉燒, 好多蜜豆, d 豆硬硬地, 但汁ok, 可以撈左半碗飯但叉燒就唔夠蜜汁. 唔夠甜. 但因為鐵板關係所以keep 到熱.但鐵板唔會整到舊叉燒濃同脆. 如果可以就好得多.份量都夠多既, 仲有兩棵西蘭花添冬瓜盅都係冇乜料. 都預左. 夠鮮甜. 對細冬瓜盅黎講都算多肉, 但好易穿.豬肉有d 鞋.另外今日父親節, 又同屋企又落去食, 因為周圍酒樓又貴又多人嘛試埋另外3 款有古法荷葉蒸魚, 入面會有d 仲粉紅色既豬肉, 不過我相信已熟既. 而d 豬肉都夠滑魚都好滑, 但一咬落就已經散開. 有少少腥. 還可入口.近底部既魚同翠玉瓜吸左荷葉既味. 但上面o個d 就冇乜.少油, 都算健康排骨, 係用鎮江醋黎做獻汁. 味道未必個個受到. 我就唔太鍾意. 但都食左2,3舊排骨類似咕嚕肉, 間唔中有骨. 但相信大部份都冇個"雀巢" 唔太好食. 冇味+唔脆燒味雙拼, 鴨油雞, 雞係雞胸, 但都唔太多肉. 豉油味亦都唔夠. 但勝在有薑溶撈飯鴨既皮下超鹹, 亦都較肥. 但肉既部份就冇乜問題.原

尋日夜晚同屋企落美心食.本身諗住食片皮鴨, 但尋日竟然冇.原本我叫咖哩雞飯, 但埋到位o個時見到隔離台d 咖哩好頹, 好彩阿哥o係counter, 即刻阻止轉左鹽焗雞飯 $36, 事後先知隔離台o個個係咖哩牛腩飯黎鹽焗雞比左細雞脾同雞背隻. 唉. 碗飯都好似唔多咁, 食完都唔夠飽鹽焗雞不太鹹, 但都冇乜特別. 雞肉都幾滑碟菜既豉油幾好味同老豆交換左杯奶茶, 都算滑, 好過蘭芳園我哩個已經算好, 其他人叫左免牛飯, 豬扒腸仔飯同焗豬.仲頹過學校can既10仔飯自從對面酒樓間快餐開左之後, 就覺得美心cheap左(食物)又貴左(價錢)

09-01-5豚肉、牛肉、墨魚滑、魷魚筒、醉雞、蝦牛奶湯底之前一晚食咗響鈴,好想再食,跟住就近揀間美心再食,比埋錢到等攞嘢嗰時先話響鈴今日冇來貨, 冇得食真失望今次就試佢嘅南瓜牛奶湯底, 奶味就唔係几濃嘅,加咗南瓜蓉,有點點甜味,食嗰陣唔好加湯,任佢越煮越杰,不過小心黏底,最后至落個烏冬,正! 其實可能撈飯仲好醉雞就冇乜肉味,唔夠滑,反而隻蝦几鮮,好想食多几隻其實呢度最好係有電視送飯

由細住係呢條邨, 其實好間唔中先會去呢度食下野, 前日午餐無野食就走落去食, 見到個餐牌, 見到快餐店必有既焗豬扒飯, 諗住唔會差得去邊啦, 點知......個賣相其實唔差, 好似好大盤, 仲驚食唔哂(我係細食之人), 醬汁味道還好, 但那片豬扒就真係不知所謂, 我從未食過咁既豬扒, 四五片裏面, 只得一兩片係勉強咬得開的, 質地結實, 實到咬唔落, 最後只好將豬扒放棄, 真是浪費! 由於沒有了豬扒, 只好把飯吃完, 最後覺得不太夠飽呢! 真慘!

今日落左黎屋企樓下既美心mx食下午茶，見到有營養餐，心唸呢排食得都幾肥膩，食下麥皮清清腸胃都好，於是叫左蛋白麥皮餐配磨菇火腿奄列連餐飲($18)蛋白麥皮:一句講哂，咩味都無，唔咸又唔甜，唔好食磨菇火腿奄列:煎左唔知幾耐，入面d蛋汁已經鯨左，而且又凍的，煎得又老，唔好食麥包:一早烘定，已經林哂謝哂，仲要放係奄列下面，恐怖茄汁焗豆:又係唔知已經放左幾耐，杰杰的一pat野粟米:正常d，不過又係凍的環境方面:禁大間美心竟然無廁所，去廁所要去屋村果d

未凍已經想打邊爐...2個人就去美心食下個火鍋船叫左個墨魚滑火鍋船...份量都幾足夠2個人食又多菜; 米線; 米粉等肥牛, 魚片, 雞肉, 蝦等...叫左個蕃茄湯底唔錯好香既蕃茄味當然更係加左唔少茄汁啦..不過幾十元一個火鍋快餐又真係無咩特別要求...配料都算新鮮啦..都叫食得過.

起初以為吉列豬扒會和飯一起焗，之後再加隻蛋上去，但原是焗飯加一塊吉列豬扒和蛋於其上。好好味呀，趁隻蛋未熟唒之前，拮穿蛋黃，d蛋漿撈埋d茄汁焗飯上，味道好夾。外賣時，員工把蛋、豬扒放在一個盒，和焗飯分開，咁d蛋不會熟哂，而吉列豬扒也不會腍。值得一提是，昨晚水吧員工的服務態度突然好了，令我有點奇怪。

下午來這兒吃lunch，食焗豬扒飯，大大碟，豬扒大大塊，味道都不錯。不過味精多了點。好口喝。好在有凍檸茶飲。

呢間美心D員工服務態度好好牙``我同個朋友去食``咁我要拎兩份野食``個員工就主動拎幫我拿`` 　我食左個冬瓜盅，好好味牙，我朋友就食左個叉燒飯。個冬瓜盅味道無得彈!!入面好多冬菇仔，仲有個湯架味道清而有味!冬瓜盅有個魚湯同一碗飯跟餐\~~個魚湯幾好，打開果時仲熱辣辣架。唔驚唔夠飽。哈哈``我唔覺意咁倒瀉左杯野飲，d員工好樂意咁換過杯比我，好好態度牙，d野食又好食。

好好食，d饅魚好多，價錢又唔貴，饅魚汁都好多！！唔會乾，好食！！

D牛腩唔辣唔硬，岩晒d唔係好食得辣架人食，︼價錢都唔係貴，中等咁，d咖哩汁好多，可以用黎撈飯，仲有，飯同汁係分開，幾好幾好！