美心Food2 (德福廣場1期)

营业中

休息中

節日快樂！上週日爸爸打波，媽媽一拖二帶兩兄妹參加完megabox活動後，公公臨時有事要延期生日飯，小兄妹又玩餓了，就在德福內的 美心Food² 提早吃飯。每次前往 MegaBox，都會走經這間店，不過正式放上心是因看了海棠的介紹。店內環境是幾舒適寫意的，特別喜歡有假草的店名牌位，所以選在那邊坐下。　不是廣告，不過這兩張照片太過癮了，忍不住貼上來分享！尤其是妹妹真的太搶鏡了！除了海棠提的 USB 充電位（但這晚坐另一邊充不到），店內也細心提供兒童餐具及托盤，色彩繽紛令到兩隻未吃先興奮！我們抵達時約5:45pm，還未有晚餐，那就點下午茶好了。知道兩兄妹大食，這晚特別點了三份餐，首先是迷你叉燒飯餐，附上健康油菜及提神奶茶，都是$33，很抵食呢。　兩兄妹愛吃粉麵多於飯，故又點了燒鴨湯米粉，附上低糖凍綠茶$30。燒鴨給的是脾位，超開心，但斬得不好有碎骨，所以改給兩兄妹吃叉燒，燒鴨主要媽媽吃了，部分起肉給他們。　　還有囝囝指定要吃的公司三文治，十份足料豐富，附上薯片及熱朱古力，定價$39很合理。食物即點即製關係，最後才上檯。這晚兩兄妹各吃一件三文治當頭盤，然後將整碗湯米瓜分了；當然囝囝吃多很多，最

一個叉燒炒蛋套餐, 60蚊而已, 叉燒炒蛋的好，跟叉燒配搭起來味道很可口，連飯放進口况又有極豐富的口感, 炒蛋香滑, 而叉燒係半肥瘦靚, 甘香可口有咬勁, 最正係香口得黎吾多油, 夠健康 蛋白白色的魚蓉羹, 肉質細嫩香滑, 羹中有嫩滑魚肉,口感極佳,鮮甜味美, 用火KEEP住個溫度, 令口感不會因為冷左而質素下降, 好細心

星期二晚上完課，去咗附近間Food2食晚飯。點咗個玫瑰油雞叉燒飯。價錢$50。因為要跑馬拉松全馬。所以要求少飯。個飯好食，飯粒易入口。個玫瑰油雞好嫩口。個叉燒飯好正。切細咗易入口。個場橫裝好正。

美心集團在香港遍地開花, 四處都找到他們的足跡。今天途經九龍灣準備搭車去郵輪碼頭, 剛好3点多正好是B女下午茶時間。隨便的走進美心food2, 又是美心旗下成員的快餐店。其實食物質素差唔多, 唔太明攪今多品牌有何作用。説回這家快餐店, 裝潢時尚而且地方寛敞, 可是人山人海, 過份的熱鬧, 逃不出快餐店格局。枱上有USB插頭叉電, 方便機不離手的人。餐牌印刷精美, 有多款下午茶餐, 另外快餐店竟然有英式下午茶供應??這裡有自助落單付款區, 而且有抽獎, 有係特別。可惜老公走先見到。。。這家美心燒味部放了不同燒, 其中這3隻大大隻的燒鴨, 表面看似燒得香口, 色澤不錯, 最後點了迷你掛爐燒鴨湯瀨粉$29。先去排隊俾錢再去排隊交飛, 全程都好多人, 等左15分鐘先攪掂。份量絶不是迷你, 平時普通的份量。賣相跟照片相距甚遠, 照片的燒鴨大大片, 皮燒得脆肉呈深啡, 望落似燒鵝。實物燒鴨切得公整但切得細細件, 燒鴨皮已被湯浸淋, 沒有了脆皮的感覺。肉的色澤偏淺肉色, 不太吸引, 咬下去又干身又嚡口。有條菜心, 但一部分未煮透。瀨粉不太透白, 質感比較硬身, 口感不太順滑。湯底有濃郁燒臘味道, 但

詩詩我人仔細細但就成日食野不停口特別係假日，就必定要嘆個下午茶餐是次去左美心Food 2到食，價錢比美心MX來得較高，但環境較好，點餐較快捷，有自助八達通付款系統，而且茶餐予我感覺更像在茶餐廳品嚐是次點了個豐富茶餐，我一個人已消化，好味道！炒滑蛋，火腿，牛油方包，榨菜肉絲湯米，熱奶茶，盛惠HKD32滑蛋夠滑，但火腿，牛油方包不太愛吃，跟一般茶餐廳差不多，醫肚就一流！榨菜肉絲米：我就十分愛吃，不過米粉稍嫌略為硬乾奶茶：中上不錯，有奶及茶香，茶味濃郁，少數奶茶可沖泡到此口感味道服務方面：快餐其實無服務可言總括來說，不過不失作醫肚很好，但味道一般！

連鎖快餐來說，算拿捏得不錯。踏入連鎖快餐，自行買票會多送飲品，買了咖喱牛肋條飯吃。咖喱即煲即吃，牛肋條同一大小，預先切好一份份，青椒紅椒大小份量一致，數分鐘連汁再加上椰汁稍稍一混，就可吃。快之餘，味道亦不差，香噴噴，汁煮得濃郁，又細滑，加上椰槳，辣中有椰香，而椰槳亦令那稠度稍減，去了一些霸氣，菜式亦變得融和，不錯的。在這店裡，透明度高，分工細緻，每一工序都定了計時器，我想如果作為一位廚師見到如此工廠流水作業式的場面，讚嘆之餘，難免會有一種被機械化的感覺吧。 

一早帶肥髀去睇戲，趁戲院未開門，去食個快早餐，戲院旁最近嘅快餐店，入去見有餐牌同自助落單機（只限八達通）幾方便易用，自助出飛去櫃檯交單等食物！快餐雖然自助，餐牌都係電子嘅，環境又唔差，歐式簡潔裝修，淺木枱加金屬椅！唔知以為係咖啡店，光猛乾淨，櫃檯店員非常快手，5分鐘唔使就出齊攞走，搵張食客剛走嘅二人枱，張枱仲有上手食物，執枱阿姐好醒，一見我放低食物即刻殺到執乾淨！眉豆花生豬骨粥（$29）粥底綿，唔味精，有三款佐粥配料（青蔥、蒜茸、油炸鬼）可以選擇落唔落，我落了青蔥及油炸鬼，增加香味，眉豆淋、花生爽，增加粥嘅口感，豬骨唔肥！正！爽滑腸粉：我唔知有麻醬，份量仲要幾多，腸粉爽滑，夠熱，合格！熱檸茶：茶底唔夠濃，所以一般，好在檸檬唔澀！快餐都可以好舒服

星期天，一早6點幾約咗朋友一齊在九龍灣吃早餐，無乜幾可星期日咁早在九龍灣捃食，登時唔知有咩食… 已作最壞打算去牡丹樓 ， 好彩原來Food2 晨早6點幾已經開緊工。平日有時間hea住食早餐多會去Cafe或去食粥，但今日要快也要夠飽見朋友個煲仔餐蛋出前一丁好正咁，所以我都來一客邪惡煲仔一丁我這個是煲仔豬排疍一丁，個煲仔滾熱辣㗎賣相很不錯啦！煲仔丁連熱飲好似35蚊一丁食前加埋包蔴油，正正正！ 一向少食即食麵，始終唔太健康，油膩兼傷胃難消化…真係好耐無食過出前一丁， 哈，好有罪惡感！！豬扒有兩片仔，唔算薄，感覺抵過食午餐肉，有隻荷包蛋仲有菜心兩條，值得一讚係果兩條菜落煲前有掉去灼番熱㗎 ！

去美心食野真係唔好太高要求,成個餐最好味杯咖啡,因為真係夠熱同埋好喜歡即磨的味道個意粉d叉燒勁乾, 個湯底其實係唔錯,可惜只係暖暖地..火腰係凍冰冰, 滑蛋炒得唔錯可惜都係暖另外一提, 就係凍飲要加$5真係多人到喊...快餐真係填包個肚,唔好要求太高了!

2FOOD 位於人來人往嘅德福廣場一二期中間，時時刻刻都不乏食客。現今連鎖快餐店選擇繁多，但每位價錢都唔再係卅四十蚊就可以落樓。花膠湯小菜套餐 $7x青瓜炒牛肉～青瓜炒到過晒火，林咗唔爽脆花膠湯花膠桶未煲透，唔“膠”嘅，個湯唔多似用花膠煲過，個湯只飲到咸味，好像花膠另外加落個湯咁蒸魚套餐 $6x條魚一d都唔滑，蒸老咗蒸魚餐個餐湯係雪耳湯，成個湯都有雪耳嘅膠質，竟然好過個花膠桶湯有營上湯雜菜原本$20， 跟套餐變了$12美心有好野喎 ！！！睇見就知色彩繽紛、營養豐富，12蚊抵食

星期六下午去咗九龍灣美心food2食下午茶。間店横裝好有古典味。我排隊買飛時睇到有個自動售賣機。用八達通付款。我點咗個炒滑蛋、火腿、叉燒湯意粉同熱奶茶。自取食物後等咗大約3分鐘有住坐。個叉燒湯意粉煮到金黃色。個意粉好彈牙。D叉燒好正，用上等燒肉。炒滑蛋好食，個師傅係用大煱炒。所以個炒蛋就係好滑。加上個火腿足料。彈牙爽口。個兩片麵包已經搓咗牛油。好入味。熱奶茶沖得好有奶茶味。好滑。個價錢只係$32。抵食。

同好多人一樣, 通常D餐廳一係有驚喜、一係差到好離譜,我先會login 打個食評。今次美心真係比到我「驚喜」, 原來以為食燒味飯穩穩陣陣, 點知......唔知外賣唔洗排隊, 排個陣仲同個師父講, 义燒要半肥瘦, 點知個男仔答我: 全部义燒都差唔多!FINE! 打開個飯盒, 嚇親, 豬肉打直切, 連基本切功都唔識, 一咬, 乾到趙柴皮咁。油雞比雞翼, 斬到碎晒骨, 慘不忍睹。結果今餐主要都係薑蓉撈飯。

咁啱約左fd係呢頭打波, 早到左梗係食返個早餐先啦!係德福其實都係食個D架喇...唔想食老M所以黎左呢度lol呢間個裝修超新! 同埋朝早都好多人下, 明明已經係星期六, 眼睇好似冇咩位所以叫左外賣, 不過等個時先見到好多單丁位..叫左個魚柳蛋多士茶走...都要成三十蚊...不過都正常ge..呢一區...雖然好多人排, 但係佢地做野算快, 買野去到拎野都唔洗五分鐘, 雖然忙, 但係D員工態度都唔差D魚柳都算物有所值, 都OK大塊,同埋都熱, 雖然叫外賣但係都好脆, 仲比左唔小沙津醬 好體貼哈哈個茶走就都好熱, 茶味重, 最後只係飲左一半, 因為太熱

是日，行程緊湊。八點去德福廣場和好友吃早餐，九點去德福戲院睇輝耀姬物語，再折返九龍塘先去School Food食飯，繼而出席Openrice送贈的戲飛 - 滋味旅程特別場。第一站，乃到至型至潮的美心Food2搵食。環境裝潢，絕對稱得上美輪美奐，煞有個性，且走在時代的尖端。小妹超級喜歡﹗不過，不管環境格局如何標緻，始終是一間以高級餐廳為包裝的快餐店。食物，一下子就揭穿了其金玉的外表下，是敗絮其中。小妹要了一份頗健營的鮮果吉列魚柳早餐38，賣相和份量都叫人滿意。早餐分別有吉列魚柳、3.7牛乳炒滑蛋、牛油麵包、時令西瓜、野菜沙律配千島汁，以及要了一杯熱茉莉花茶。西瓜和野菜沙律明顯是預先備的，前者有少許出水的現象，後者部份蔬菜葉邊有乾枯變黃之態。吉列魚柳炸得外層金黃香脆，內裏鮮嫩無比，沾上香濃的千島汁同吃，夠晒醒神開胃。3.7牛乳炒滑蛋炒得夠香滑，但稍嫌炒蛋較細碎，零零碎碎的。厚身的麥包質感乾乾的，既不香，也不脆。即使塗上牛油，也無事無補。吃一半，就放棄了。

去德福好多次都無試過呢間，今次經過留意下個餐牌見啲食物相都幾吸引，所以入去試下。我點了我的下午茶之選~公司三文治，幾好味，仲有薯片伴碟。老公點了雞肉墨西哥卷，我地都俾佢幅相綠色皮吸引而點，因在快餐店好少呢類食品。墨西哥卷足料，味道可以，但塊皮有點厚身和乾，可以改良一下就好啦。飲品我點了凍烏龍茶，因為無糖，味道有點苦，但因在外面的餐廳好少呢種飲品，所以一試無妨。